Amós 9:10 - Q'eqchi Bible

¹⁰ Chi q'esnal ch'iich' te'kamje'q chixjunileb' laj maak sa' lintenamit, eb' li neke'yehok: «Maak'a' rahilal tqak'ul; chi moko junaq raaxiik' taatawoq qe», chankeb'”.

Li Santil hu

¹⁰ Teꞌcamsi̱k riqꞌuin chꞌi̱chꞌ chixjunileb laj ma̱c saꞌ xya̱nkeb lin tenamit Israel. Teꞌcamsi̱k li nequeꞌxye chi joꞌcaꞌin: Ma̱cꞌaꞌ takacꞌul la̱o, chi moco toloxtau li raylal toj arin, chanqueb.

Amós 9:10 ပူးပေါင်းရင်းမြစ်များ

Amós 6:3

Laa'ex ink'a' nekeraj xk'oxlankil li xkutankil li rahilal, ab'anan raaxiik' yookex chi xb'oqb'al sa' eeb'een!

Isaías 33:14

Xsachk xch'ooleb' laj maak li wankeb' Sión, k'ajo' naq kichalk xxiweb' li ink'a' useb' xna'leb': “Ani qe tixkuy wank sa' li xam nasachok? Ani taaruuq chi wank sa' li xam li ink'a' nachupk?”, chankeb'.

Malaquías 4:1

Xyehom li Nimajwal Yos: “Chalk re li xnimal ru Kutan, q'axal tiq ru, jo' li tiqwal xam. Chixjunileb' li q'etq'et ut eb' laj b'aanuhom maa'usilal te'k'atq jo' li k'im; ut te'oso'q chi junwaakaj sa' li Kutan chalk re.

Malaquías 3:15

Laa'o xqak'e reetal naq saheb' sa' xch'ool eb' li q'etq'et, ut jwal us neke'elk li yib'ru xna'leb'eb' rik'in xb'aanunkil li maa'usilal: us ta neke'xyal rix li Yos, maajun rahilal neke'xk'ul»”.

Amós 6:1

Ra chaalel sa' xb'eeneb' li sa wankeb' aran Sión ut li k'ojk'ookeb' xch'ool chi wank sa' li xtzuulul Samaria, eb' li ninqeb' xwankil sa' li nimla tenamit li neke'xkawu wi' xch'ooleb' laj Israel.

Jeremías 18:18

Toja' naq ke'xye: “Kimqex ut qak'uub'aq chanru tqakamsi laj Jeremías. Junelik te'wanq aj tij re qatzolb'al, jo' ajwi' li wankeb' xna'leb' re te'xk'e qana'leb', ut wanqeb' ajwi' propeet li te'xye qe li raatin li Yos. Qajitaq laj Jeremías re naq taakamsiiq, ut miqapaab' chik chixjunil li naxye”, chankeb'.

Isaías 56:12

Eb' a'an neke'xye: “Yo'qeb' chi sik'ok b'iin jo'wi' li ha' nakaltesink, re naq tookalaaq. Xb'aan naq li kutan wulaj kama'aq anaqwan; malaj jwal chaab'ilaq chik”, chankeb'.

Isaías 5:19

Laa'ex li nekeye: “Xseeb'aaq rib' li Qaawa' chi xb'aanunkil li naraj, re naq taaqil. Chitz'aqloq ru chi junpaat li xk'a'uxl li xSant laj Israel, re naq tqanaw”.

Eclesiastés 8:11

Naq ink'a' naraqmank aatin sa' junpaat sa' xb'een li yib'ru xna'leb', eb' li tenamit neke'xik wi' chik xch'ooleb' chi xb'aanunkil li maa'usilal.

Salmos 10:11

Naxye sa' xch'ool: “Li Yos ink'a' chik nak'oxlak, ink'a' na'ilok, maajaruj tixnaw a'in”, chan.

Ezequiel 20:38

Twisiheb' sa' eeyanq eb' li q'etq'et ut eb' laj q'etol aatin; twisiheb' sa' li na'ajej wankeb' wi' anaqwan, ab'anan ink'a' te'ok sa' xteepal Israel. Ut aran teenaw naq laa'in li Qaawa'.

Jeremías 23:17

Neke'xye reheb' li neke'majewank we: «Li Qaawa' xye naq wanqex sa' tuqtuukil usilal». Ut reheb' li neke'xb'aanu li naraj li xjipileb': «Maajun rahilal taachalq sa' eeb'een», chankeb'”.

Amós 9:8

“Laa'in li Qaawa' junelik wank li wilob'aal sa' xb'een li awab'ejihom a'in. Jo'kan naq tinsacheb' ru laj maak a'in sa' ruuchich'och'; ab'an ink'a' tinsach chi junajwa eb' li ralal xk'ajol laj Jakob -chan li Qaawa' Yos-.

Zacarías 1:6

Li waatin ut eb' linchaq'rab' li kinye chi xtz'uumal reheb' li propeet laj k'anjeleb' chiwu, ma ink'a' tab'i' ke'rab'i leemama' leerixa'an? Ut eb' a'an ke'xyot' xch'ool ut ke'xjal xk'a'uxl ut ke'xye: Li Nimajwal Yos xb'aanu qe jo' x'alaak sa' xch'ool, jo' chanru li qayehom ut qab'aanuhom»”.

Jeremías 29:32

Jo'kan naq laa'in, li Qaawa', tink'e laj Semaías, aj Nehelam, chi xtojb'al li xmaak jo'wi' chixjunileb' li ralal xk'ajol. Maajun reheb' a'an taawanq sa' xyanqeb' lintenamit, chi moko toxyal li sahilwank li tink'e reheb' lintenamit, xb'aan naq laj Semaías xk'am xb'eheb' chi q'etq'eto'k chiwu», chan li Qaawa'”.

Miqueas 3:11

Eb' laj raqol aatin sa' eeyanq neke'tuminaak ruheb', eb' laj tij neke'k'anjelak yal xb'aan aj chik li tumin ut eb' li propeet neke'xk'ayi eb' li raatin, neke'xkawub'resi xch'ooleb' rik'in li Qaawa' chi xyeeb'al: “Li Qaawa' wank sa' qayanq, ut maak'a' junaq rahilal tqak'ul”, chankeb'.