Amós 8:6 - Q'eqchi Bible

⁶ Aran tooruuq xloq'b'aleb' chi tuminal li maak'a'eb' xwankil, ut eb' li neb'a' tqaloq'eb' yal rik'in jun sumal chi perxaab'. A' ajwi' li xmulel li triiw tqak'ayi!”.

Li Santil hu

⁶ Teꞌcana̱k chokꞌ kalokꞌbil mo̱s li nebaꞌ xban nak incꞌaꞌ naru teꞌxtoj lix cꞌaseb usta yal jun sumal chi xa̱b li teꞌxcꞌas kiqꞌuin. Ut takacꞌayi ajcuiꞌ lix yibal ru li trigo chi terto xtzꞌak, chanquex.

Amós 8:6 ပူးပေါင်းရင်းမြစ်များ

Amós 2:6

Jo'ka'in kixye li Qaawa': “Ak k'iila sut xinkuy xmaakeb' laj Israel ut anaqwan maak'a' chik xkuyb'al, xb'aan naq neke'xk'ayi chi tuminal li tiik xch'ool ut yal rik'in jun sumal chi perxaab' neke'xk'ayi li neb'a'.

Amós 8:4

Ab'ihomaq a'in laa'ex li nekexrahob'tesink reheb' li neb'a' ut nekeraj xsachb'aleb' ru li kub'enaqeb' xwankil sa' li tenamit.

Joel 3:6

xek'ayi eb' laj Judá ut eb' laj Jerusalén reheb' laj Grecia re risinkileb' sa' li xna'ajeb'.

Joel 3:3

Ke'xb'uuli rix lintenamit, ke'xk'e li k'uula'al cho'q xtojb'aleb' laj yumb'eet ut ke'xk'ayi li ixqa'al cho'q xtz'aq li b'iin ke'kalaak wi'.

Nehemías 5:8

ut kinye reheb': “Laa'o, jo' chanru xk'e rib' chiqu, xqisiheb' li qech tenamitul rub'el xwankileb' laj ab'l tenamit. Ut anaqwan laa'ex xek'ayeb' chik leeras eeriitz'in re naq laa'o tooloq'oq reheb'!”. Naq ke'rab'i a'in, ch'anch'o ke'kanaak chi ink'a' chik ke'xtaw k'aru ke'xye.

Amós 3:9

Yehomaq a'in sa'eb' li xchaq'alil ru rochocheb' laj Asdod; puktesihomaq resil sa'atqeb' li xch'ina'usal ochoch re Ejiipt: “Ch'utub'omaq eerib' sa'eb' li xtzuulul Samaria re teeril li k'iila rahilal nawank sa' li tenamit a'an ut k'ajo' li maa'usilal neke'xb'aanu aran”.

Amós 4:1

Ab'ihomaq li aatin a'in, ex rixqilal Samaria, chanchanex li ninqi wakax li wankeb' Basán. Laa'ex nekerahob'tesi eb' li neb'a', neketawasiheb' li toq'ob'aal ruheb' ut nekepatz' eeb'iin reheb' leeb'eelom re texkalaaq.

Ezequiel 22:12

Wankeb' neke'tuminaak ru chi xkamsinkileb' li poyanam, ut numtajenaq ral li to' tumin neke'xpatz'; neke'xtawasi eb' li ras riitz'ineb' ut neke'xmaq' sa' josq'il li k'a'aq ru reheb', ut xine'xtz'ek laa'in chirix xch'ooleb' -chan li Qaawa'-.

Zacarías 5:6

Ut laa'in kinpatz' re: “K'aru a'an?”, chankin re. Kichaq'ok a'an: “A'an chakach re b'isok -chan-. A'an xb'ismank wi' li xmaakeb' li poyanam sa' chixjunil li tenamit a'in”.