Amós 8:5 - Q'eqchi Bible

⁵ Laa'ex nekeye: “Jo'q'e taaraqe'q xninq'ehinkil li ak' po re tooruuq xk'ayinkil li triiw? Jo'q'e taanume'q li hilaal kutan re xk'ayinkil li ixim chi terto xtz'aq, ut tqak'os xb'isul li b'isleb'?

Li Santil hu

⁵ Nequeye chiribil e̱rib: —¿Jokꞌe ta̱numekꞌ lix ninkꞌeinquil li acꞌ po re nak ta̱ru̱k tocꞌayi̱nk trigo? Ut, ¿jokꞌe ta̱numekꞌ li hiloba̱l cutan re nak takate li rochochil li trigo li xocxo cuiꞌ ut takatiquib cuiꞌchic cꞌayi̱nc? Takaterkꞌusi xtzꞌak li trigo ut takajeb lix bisbal ut incꞌaꞌ tzꞌakal li bisleb takaqꞌue, chanquex.

Amós 8:5 ပူးပေါင်းရင်းမြစ်များ

Oseas 12:7

Xyehom li Qaawa': “Eb' laj Kanahán neke'roksi li b'isleb' ink'a' tz'aqal, ut nawulak chiruheb' li b'alaq'ik.

Levítico 19:36

Tento naq tex'oksinq b'isleb' li tz'aqal nab'isok. Laa'in li Qaawa' leeYos li kin'isink chaq eere Ejiipt.

Isaías 1:13

Mexk'amok chaq chik mayej li maak'a' na'ok wi'; ink'a' naxk'ul wu li xsib'el li k'ajpom. Ink'a' nawulak chiwu leenininq'e sa' xyo'lajik li po, sa' li hilob'aal kutan ut leech'utam, xb'aan naq muxb'il ru xb'aan leemaak.

Proverbios 20:23

Li Qaawa' xik' naril li b'isleb' ink'a' tz'aqal: naq wank jun b'isleb' re loq'ok ut jalan chik re k'ayink.

Proverbios 16:11

Rajom li Yos naq tiikaq laach'ool sa' chixjunil laayakom.

Proverbios 11:1

Li Qaawa' naxtz'eqtaana li b'alaq'il peex, ut naxk'ul xch'ool li nab'isok chi tz'aqal.

2 Reyes 4:23

“K'a'ut naq xik aawe rik'in anaqwan, naq maji' nayo'laak li po chi moko sábado ta?”, chan li b'eelomej. Ab'an li ixq kixye: “Matk'oxlak”.

Números 10:10

Sa' xkutankil li sahil ch'oolej, sa'atqeb' leeninq'e ut sa' xyo'lajikeb' li po, yaab'asihomaq li tronpeet sa' xhonalil xk'atb'al leemayej ut xq'axtesinkil leeyeechi'om re li k'amok ib' sa' usilal rik'in li Yos. Chi jo'kan texjultiko'q re li Qaawa'. Laa'in li Qaawa', leeYos”.

Isaías 58:13

“Chawoxloq'i li kutan sábado ut matyakok sa' linsantil kutan. Chaye re li kutan a'an: «sahil kutan», «loq'laj kutan», cha'qat re li xsantil kutankil li Qaawa'; chawoxloq'i ut matxik chik b'araq, matyakok sa' li sábado chi moko taab'aanu li nakawaj aajunes aawib'.

Colosenses 2:16

Jo'kan utan, maa'ani chiwech'oq eerix rik'in wa'ak uk'ak, chirix ninq'e, xyo'lajik li po malaj chirix li sábado.

Malaquías 1:13

Laa'ex nekeye: «Tawajenaqo chi xb'aanunkil a'in!». Ut nikineetz'eqtaana. Ut toj nekek'oxla naq nasaho'k linch'ool rik'in leek'ulunik chi xmayejankil li elq'anb'il xul, malaj li wakax yeq roq malaj ut yaj.

Éxodo 31:13

“Chawaatinaheb' laj Israel ut chaye reheb': «Meekanab' roxloq'inkil linsábado, xb'aan naq li sábado a'an jun reetalil cho'q we ut cho'q eere laa'ex, xaqab'anb'il xwankil chi junajwa, re naq teenaw naq laa'in li Qaawa', li nasantob'resink eere.

1 Samuel 20:5

Kichaq'ok laj David: “K'e reetal, wulaj xyo'lajik li po. Laa'in tento raj tink'ojlaaq chi tzekank wochb'een li awab'ej. Ab'anan kanab'in chi xik ut laa'in toxinmuq wib' sa' pim toj taaq'oqyino'q.

Zacarías 5:6

Ut laa'in kinpatz' re: “K'aru a'an?”, chankin re. Kichaq'ok a'an: “A'an chakach re b'isok -chan-. A'an xb'ismank wi' li xmaakeb' li poyanam sa' chixjunil li tenamit a'in”.

Zacarías 5:8

Kixye li ánjel: “Li ixq a'in, a'an li maa'usilal”. Ut kixch'ik wi' chik li ixq sa' li chakach, ut kixtz'ap rik'in jun tz'apleb' q'unch'iich'.

Oseas 12:8

Ut eb' laj Efraín neke'xye: «Yaal naq xoob'ihomo'k, naab'al li b'ihomal xqatamresi. Ab'anan maajun taayehoq qe naq xqataw qab'ihomal rik'in b'alaq'ik!».