Amós 8:3 - Q'eqchi Bible

³ Sa' li kutan a'an, eb' li ixq li neke'b'ichank sa' rochoch li awab'ej te'xb'icha rahil b'ich -chan li Qaawa' Yos-. Naab'aleb' li poyanam te'kamq ut maak'a'aq aatinak naq toxe'kutiiq yalaq b'ar”.

Li Santil hu

³ Saꞌ li cutan aꞌan, li bicha̱nc saꞌ li palacio ta̱sukꞌisi̱k chokꞌ ya̱bac. Nabaleb li teꞌca̱mk yalak bar. Ut mem teꞌcana̱k li tenamit chirilbal lix qꞌuialeb li camenak nak yo̱queb chirisinquil, chan.

Amós 8:3 ပူးပေါင်းရင်းမြစ်များ

Amós 5:23

Isihomaq chiwu xyaab' leek'iila b'ich! Ink'a' nawaj rab'inkil li xyaab' lee'aarp!

Amós 5:16

Jo'kan naq li Qaawa', li Nimajwal Yos, kixye chi jo'ka'in: “Taawanq yaab'ak sa' chixjunileb' li k'ayiil, ut sa'atqeb' li b'e taawanq tz'uyink xb'aan li rahilal. Te'b'oqmanq chi yaab'ak eb' laj k'aleb'aal ut te'b'oqe'q chi q'oqonk li tojb'ileb' chi yaab'ak;

Levítico 10:3

Chirix chik a'an laj Moisés kixye re laj Aharón: “A'an a'in li kixye li Qaawa': «Eb' li te'jiloq chaq wik'in tink'ut chiruheb' linsantilal, ut chiruheb' chixjunil laj Israel tink'ut linloq'al»”. Ut laj Aharón kikanaak chi maak'a' chik kixye.

Nahum 3:3

Wankeb' chaq chirix kawaay eb' laj puub'; ut jwal neke'lemtz'unk chaq li xq'esnal ch'iich' ut eb' li xjutz' ch'iich'. K'ajo' xk'ihaleb' li xe'tiq'e'k, k'ajo'eb' li kamenaq, maak'a' rajlankileb': eb' li poyanam neke'tichk'okje'k chiruheb' li kamenaq.

Amós 8:10

Tink'e naq leeninq'e taakanaaq cho'q rahil ch'oolej ut chixjunil leeb'ich cho'q tz'uyink. Tink'e naq chejunilex teeb'at eerib' sa' q'es ruhil t'ikr ut teejo leejolom xb'aan xrahil eech'ool. Texyaab'aq jo' tawi' xkamk leeralal jun chirib'il, ut chixjunil junes rahilal toxraqe'q wi'.

Amós 4:10

“Xintaqla li raxkamk sa' eeb'een jo' li kintaqla sa' xb'eeneb' laj Ejiipt; xeb'ink'e chi kamk leeralal eek'ajol sa' li yalok ut a' chik li xik' neke'ilok eere xe'eechanink reheb' leekawaay. Xink'e ajwi' chi rutz'b'al li xchuhal eb' li kamenaq, ab'anan laa'ex ink'a' xexsutq'iik chaq wik'in”, chan li Qaawa'.

Joel 1:13

Ex aj tij, sotob'amaq eerib' chiru q'es ruhil t'ikr ut yaab'anqex! Tz'uyinqex laa'ex li nekexk'anjelak chiru li artal. Kimqex ut yo'lenqex rik'in rahil ch'oolej laa'ex li nekexk'anjelak chiru linYos, xb'aan naq maak'a' chik li mayejak triiw ut b'iin sa' rochoch leeYos.

Joel 1:11

Chimayoq eech'ool, ex aj awinel, yaab'anqex laa'ex li nekex'awok uub', xb'aan naq maak'a' chik li triiw ut li seb'aad, x'oso'k chixjunil li awimq sa'eb' li k'aleb'aal.

Joel 1:5

Ajsiiq eeru, ex kalajenaq, ut yaab'anqex; tz'uyinqex laa'ex li nawulak cheru li b'iin, xb'aan naq ak xmaq'e'k cheru.

Jeremías 22:18

Jo'kan utan, a'an a'in li aatin naxye li Qaawa' chirix laj Johakín, ralal laj Josías, li awab'ej re Judá: “Maajun taayaab'aq chirix naq taakamq, chi moko te'xye: «Toq'ob' ru li qas qiitz'in. Toq'ob' ru li awab'ej: ak xq'ajk xsutq'iik».

Isaías 37:36

Ut chiru ajwi' li q'oqyink a'an, li x'ánjel li Qaawa' kiwulak sa' li xmuheb'aaleb' laj Asiria ut kixkamsi oob' xlajeek'aal mil chi winq (185,000) ut naq kisaqewk, ak kamenaqeb' chik chixjunileb'.

Salmos 39:9

Chakuy chasach chixjunil linmaak, minaak'e chi se'eek xb'aaneb' li maak'a'eb' xna'leb'.

Lamentaciones 2:10

Chunchuukeb' sa' ch'och' eb' li cheekel winq aj Sión, ch'anch'ookeb' aj chik; xe'xk'ehatq cha sa' xjolomeb' ut xe'xb'at rib' sa' saak. Ut eb' li tuq'ixq aj Jerusalén neke'xxulub' li xjolomeb' toj chiru ch'och'.

Amós 6:4

Nekexwark chiru ch'aat yiib'anb'il rik'in marfil, sa nekexhilank sa' leehilob'aal chi ninq'ehik; neketzeka li kok' karneer sik'b'ileb' ru ut eb' li saaj wakax li nekexok chaq sa' xyanqeb' li ketomq.

Amós 6:5

Nekexb'ichank naq nekerab'i xyaab' li aarp, ut nekeyiib'atq eewajb' jo' kixb'aanu laj David.

Amós 6:8

Li Qaawa' kixye li raatin; li Nimajwal Yos kixye chi jo'ka'in: “Xik' nawil li xq'etq'etileb' li ralal xk'ajol laj Jakob; nintz'eqtaanaheb' li xchaq'alil ru ochoch; ut tinq'axtesi chixjunil li tenamit sa' ruq'eb' li xik' neke'ilok reheb'”.

Sofonías 1:7

Mexchoqink chiru li Qaawa' xb'aan naq nach' chik wank li xkutankil li Qaawa'. Li Yos xkawresi jun mayejak ut ak xrosob'tesiheb' li rula'.