Amós 8:2 - Q'eqchi Bible

² “K'aru nakawil, a Amós?”, chan we li Qaawa'. “Jun chakach li chaq'al ki'q'een”, chankin re. Ut li Qaawa' kixye we: “Ak xwulak xkutankil li raqok aatin sa' xb'een lintenamit Israel ut ink'a' chik tinkuy li xmaakeb'.

Li Santil hu

² Li Ka̱cuaꞌ quixpatzꞌ cue: —¿Cꞌaꞌru yo̱cat chirilbal, at Amós?— La̱in quinchakꞌoc ut quinye re: —Yo̱quin chirilbal jun chacach quiꞌil kꞌe̱n kꞌan. Ut li Ka̱cuaꞌ quixye cue: —Xcuulac xkꞌehil li rakba a̱tin saꞌ xbe̱neb lin tenamit Israel. Ac nequeꞌxnau xya̱lal. Joꞌcan nak incꞌaꞌ chic tincuyeb xma̱c.

Amós 8:2 ပူးပေါင်းရင်းမြစ်များ

Amós 7:8

Ut kixpatz' we: “K'aru nakawil, a Amós?”, chan. Kinchaq'ok ut kinye: “A'an jun xb'isleb' aj tz'ak”, chankin. Toja' naq kixye we: “Rik'in li b'isleb' a'in tinnaw jo' tiikal li xyu'ameb' lintenamit Israel; ut ink'a' chik tinkuy xmaakeb'.

Lamentaciones 4:18

K'aak'alenb'ilo chi us, ink'a' naru nokoo'elk sa' b'e. Xtz'aqlok ru li qakutan, xwulak xq'ehil li qakamik. Oso'k qe.

Miqueas 7:1

Toq'ob' xaq wu, chanchanin aj chik li nasakonink chirix xq'ehil li q'olok, ut ink'a' chik nintaw in'uub' chi moko in'iig; ink'a' chik nintaw ruheb' li awimq li q'axal nawulak chiwu.

Zacarías 5:2

Li ánjel kixpatz' we: “K'aru yookat chi rilb'al?”, chan we. Kinchaq'ok ut kinye: “Yookin chi rilb'al jun li b'otb'ookil hu yo chi xik sa' iq', numenaq oob' moqoj roq ut kach'in chik maa oxib' moqoj ru”.

Ezequiel 12:23

Ye ut reheb': «Li Qaawa' naxye chi jo'ka'in: Laa'in ink'a' chik tinkanab' chi yehe'k li aatin a'an sa' li tenamit Israel». Ye ajwi' reheb' naq ak xwulak xkutankil naq taatz'aqloq ru li rilomeb' li propeet sa' moy u.

Ezequiel 8:17

Toja' naq li Yos kixye we: “Ma xak'e reetal, a Esekiel? Ma ink'a' tz'aqal cho'q reheb' laj Judá xb'aanunkil eb' a tz'i'b'eetalil a'in sa' li wochoch? K'a'ut naq toj neke'raj xnujob'resinkil chi raaxiik' li tenamit ut xchiq'b'al linjosq'il chi yo'oon? Utz' chanru li xchuhil li xmayejeb' nawulak sa' wu'uj.

Ezequiel 8:12

Toja' naq li Qaawa' kixye we: “At kaamel winq, ma xawil k'aru neke'xb'aanu sa' muqmu eb' li xcheekelal laj Israel? Ma xak'e reetal chanru naq li junjunq naxloq'oni ru li xjalanil yos sa' li xtijob'aal? Sa' xch'ooleb' a'an naq ink'a' nawil ruheb' ut xin'elk sa' li tenamit a'in”.

Ezequiel 8:6

“At kaamel winq -chan we-, k'e reetal li xnimal maa'usilal neke'xb'aanu eb' laj Israel re wisinkil sa' linsantil ochoch. Ab'anan toj taawil li q'axal wi' chik tz'i'b'eetalil b'aanuhom chiruheb' a'in”.

Ezequiel 7:6

Chalk re laasachik; ak yo'oon wan chaq li roso'jik sa' aab'een, chi maak'a' taaramoq chaq re.

Ezequiel 3:10

Chirix chik a'an kixye we: “At kaamel winq, chixjunil li aatin tinye aawe k'e aach'ool chi rab'inkil ut k'uula chi us sa' laawaanm.

Ezequiel 3:7

Ab'an eb' laj Israel moko te'raj ta aawab'inkil, xb'aan naq ink'a' neke'raj inpaab'ankil laa'in. Chixjunileb' laj Israel jwal jipeb' ut q'axal kaw li xjolomeb'.

Jeremías 40:10

Laa'in tinkanaaq arin Mispá ut tin'okenq cherix naq eb' laj Kaldeha te'chalq chi qula'aninkil. Laa'ex naru texkanaaq arin chi xxokb'al ru li uub', li triiw ut li oliiw. K'uulahomaq chi chaab'il ut kanaaqex sa'eb' li tenamit xereechani”.

Jeremías 5:31

Junes tik'ti' neke'xye eb' li propeet, eb' laj tij neke'xb'aanu li neke'raj xch'ooleb', ut lintenamit jo'kan neke'wulak chiruheb'! K'a' chik ru teeb'aanu naq toxraqe'q chixjunil a'in?»”.

Isaías 28:4

Ut li sahob' u yiib'anb'il rik'in tz'umjenaqil uutz'u'uj ut xaqxo sa' xb'een li ru taq'a k'ajo' xq'emal, taasache'q kama' li xb'een ru awimq li sa' junpaat nalowe'k xb'aan li naxokok re xb'enwa.

Ezequiel 29:8

«Jo'kan naq laa'in, li Qaawa', ninye chi jo'ka'in: At Ejiipt, tintaqla chaq li kamk sa' aab'een ut te'kamsiiq chi ch'iich' eb' laapoyanam jo'wi' eb' li xul.

Génesis 6:13

Jo'kan naq kixye re laj Noé: “Twaj tinsach ruheb' chixjunileb': xmaakeb' a'an naq li ruuchich'och' xnujak chi raaxiik'. Jo'kan naq teb'insach ru; tinsach ajwi' chixjunil li ruuchich'och'.

Amós 8:1

A'an a'in kixk'utb'esi chiwu li Qaawa' Yos. Kiwil jun li chakach nujenaq chi chaq'al ki'q'een:

Oseas 9:7

Ak xwulak xkutankil li raaxiik'; xwulak chik xq'ehil li xtojb'al rix leemaak! Eb' laj Israel tento te'xnaw a'an. Laa'ex nekeye: “Maak'a' xna'leb' li propeet. Li xtaql li Yos xkaano'k ru”, chankex. Ab'an nekeye chi jo'kan, xb'aan naq numtajenaq leemaa'usilal ut q'axal xik' nikineril.