Amós 8:12 - Q'eqchi Bible

¹² Toja' naq eb' li poyanam te'xb'eeni rib' chi xsik'b'al li raatin li Qaawa' chalen chire li palaw jun toj chire li jun chik; te'elq sa' xjayal releb'l iq' toj sa' li na'elk wi' chaq li saq'e, ab'an ink'a' te'ruhanq chi xtawb'al.

Li Santil hu

¹² Nak eb li tenamit teꞌraj rabinquil li cua̱tin, teꞌxbeni ribeb yalak bar chixsicꞌbal. Teꞌxic chire li palau Mar Muerto ut teꞌxsicꞌ toj retal teꞌcuulak chire li palau Mediterráneo. Teꞌxic saꞌ li norte ut teꞌxic saꞌ li este, abanan incꞌaꞌ teꞌxtau li cua̱tin.

Amós 8:12 ပူးပေါင်းရင်းမြစ်များ

San Mateo 12:30

“Ani ink'a' na'okenk chiwix, xik' nikinril; ut li ink'a' naxokok wochb'een, pajink naxb'aanu.

Daniel 12:4

Ab'anan laa'at, a Daniel, maa'ani taaye wi' eb' li aatin a'in; k'uula chi tz'aptz'o li hu a'in toj sa' roso'jikeb' li kutan. Naab'aleb' te'xb'eeni rib' chi xsik'b'al li raatin li Qaawa' ut te'xtaw xtz'aqob' li xna'leb'eb'».

Proverbios 14:6

Li q'etq'et naxsik' li chaab'il na'leb', ut ink'a' naxtaw; ab'an cho'q re li seeb' xk'a'uxl, moko ch'a'aj ta xtawb'al.

Ezequiel 20:31

Naq nekeyeechi'i leemayej ut nekek'at sa' xam eb' leeralal eek'ajol, toj yookex chi xtz'ajninkil eerib' chiruheb' li jalanil yos chalen toj anaqwan. Ma tinkanab' tab'i' naq texpatz'oq wik'in, ex ralal xk'ajol laj Israel? Sa' xk'ab'a' linloq'al ninye li waatin naq ink'a' tinkanab' wib' re texpatz'oq wik'in -chan li Qaawa'-.

Ezequiel 20:3

“At kaamel winq, aatinaheb' li xcheekelaleb' laj Israel ut ye reheb': «Jo'ka'in xye li Qaawa': Ma xexchalk chi patz'ok wik'in? Sa' xk'ab'a' linloq'al ninye li waatin naq ink'a' tinkanab' wib' re texpatz'oq wik'in».

1 Samuel 3:1

Laj Samuel, li ch'ina'al, nak'anjelak chiru li Qaawa' cho'q aj tenq' re laj Elí. Sa'eb' li kutan a'an li Qaawa' ink'a' naraatinaheb' li tenamit chi junelik, chi moko k'iheb' ta li neke'ilok moy u.

Proverbios 29:18

B'arwi' maak'a' propeet, eb' li tenamit ink'a' neke'xnaw k'aru te'xb'aanu. Us xaq reheb' li neke'xpaab' li xchaq'rab' li Yos.

Proverbios 1:28

“Toja' naq tineeb'oq, ab'anan laa'in ink'a' tinchaq'oq; tineesik', ab'anan ink'a' tineetaw.

Oseas 5:6

Rochb'eeneb' li xkarneer ut li xwakaxeb' te'xsik' li Qaawa', ab'anan maab'ar te'xtaw xb'aan naq xrisi rib' sa' xyanqeb'.