Amós 8:10 - Q'eqchi Bible

¹⁰ Tink'e naq leeninq'e taakanaaq cho'q rahil ch'oolej ut chixjunil leeb'ich cho'q tz'uyink. Tink'e naq chejunilex teeb'at eerib' sa' q'es ruhil t'ikr ut teejo leejolom xb'aan xrahil eech'ool. Texyaab'aq jo' tawi' xkamk leeralal jun chirib'il, ut chixjunil junes rahilal toxraqe'q wi'.

Li Santil hu

¹⁰ Le̱ ninkꞌe tinsukꞌisi chokꞌ rahil chꞌo̱lej. Chanchan li ani xcam e̱re. Ut tinsukꞌisi ajcuiꞌ le̱ bich chokꞌ ya̱bac. Te̱rocsi li tꞌicr kꞌes ru ut jobil le̱ jolom teꞌcana̱k nak te̱bes retalil li rahil chꞌo̱lejil. Nak texya̱bak chanchanakex li yo̱queb chi ya̱bac xban nak quicam li junaj chi ralal. Toj chalen nak tex-osokꞌ junes raylal te̱cꞌul.

Amós 8:10 ပူးပေါင်းရင်းမြစ်များ

Jeremías 6:26

Ex intenamit, b'atomaq eerib' sa' q'es ruhil t'ikr ut tolk'osiiq eerib' sa' li cha. Japomaq eere chi yaab'ak, tz'uyinqex chi q'axal ra sa' leech'ool, jo' na'uxk tz'uyink chirix li alab'ej junaj chirib'il, xb'aan naq ak chi seeb' chaq li taasachoq qe.

Zacarías 12:10

Ut sa' xb'eeneb' li ralal xk'ajol laj David ut eb' li wankeb' Jerusalén tinhoy jun musiq'ej re usilal ut tijok; toja' naq tine'xka'ya laa'in. Ut li xe'xpaynumi chi ch'iich' te'yot'e'q xch'ool ut te'yaab'aq chirix, jo' na'uxk yaab'ak chirix li xb'een alalb'ej malaj chirix li junaj chirib'il.

Ezequiel 7:18

Te'xk'e q'es ruhil t'ikr chirixeb' chi k'ajo'aqeb' xxiw; numtajenaqaq xxutaan ut joob'ilaq chik li xjolomeb'.

Jeremías 48:37

Chixjunileb' xe'xjo li xjolomeb' ut li xmacheb'; xe'xsetatq xsa' li ruq'eb' ut xe'xk'e q'es ruhil t'ikr chirixeb'.

Li xHu LAJ JOB 20:23

Naq yooq xb'utb'al rib' sa' meex, taachalq xjosq'il li Yos sa' xb'een: taarahob'tesiiq xb'aan xnimal xwankil li Qaawa'.

Oseas 2:11

Tinsach chixjunil li nasaho'k wi' xch'ool, a' li utz'uk, li xninq'ehinkil li xtiklajik li po, li hilob'aal kutan jo'wi' chixjunileb' li ninq'e.

Nahum 1:10

xb'aan naq eb' li xik' neke'ilok re, te'oso'q chi junajwa chanchaneb' li k'ix xchapomeb' rib'; jo'qeb' li chaqi k'im naq te'k'ate'q, ut k'ajo'eb' chi kalaak sa' xninq'eheb'.

Amós 8:3

Sa' li kutan a'an, eb' li ixq li neke'b'ichank sa' rochoch li awab'ej te'xb'icha rahil b'ich -chan li Qaawa' Yos-. Naab'aleb' li poyanam te'kamq ut maak'a'aq aatinak naq toxe'kutiiq yalaq b'ar”.

Amós 5:23

Isihomaq chiwu xyaab' leek'iila b'ich! Ink'a' nawaj rab'inkil li xyaab' lee'aarp!

Li xHu LAJ JOB 3:5

Li aak'ab' ut li mu chisutunq re, li choql chimuheelanq re ut chixib'esiiq xb'aan xmuhenkil rib'eb' li saq'e ut li po.

Deuteronomio 16:14

Ut taasaho'q laach'ool sa' li ninq'e, laa'at, laawalal, laarab'in, laamoos winq ut ixq, laj Leví ut laj numelb'e, li junaatal poyanam ut li xmalka'an wank sa' laatenamit.

Génesis 21:16

ut koxchunub' rib' najt kach'inaq rik'in li ch'ina'al, xb'aan naq kixye sa' xch'ool: “Ink'a' nawaj rilb'al chi kamk linyum”. Ut naq chunchu aran lix Agar, ke'ok chi yaab'ak rochb'een li ch'ina'al.

Levítico 13:40

“Wi junaq winq taat'ane'q li rismal xjolom ut taakanaaq chi t'uru' li xjolom, ink'a' muxb'il li winq a'an.

Isaías 3:24

Sa' li kutan a'an cho'q reeqaj li sununkil b'an taawanq li chu; cho'q reeqaj li k'aamal sa', a' chik li k'aam taak'eemanq; cho'q reeqaj li te'ok ismal, job'il jolomej chik taawanq; cho'q reeqaj li chaab'il b'aatal, a' chik li q'es ruhil t'ikr taawanq; ut li ch'ina'usal taasutq'iiq cho'q xutaan.

Jeremías 2:19

A' ajwi' laamaa'usilal taarahob'tesinq aawe, ut li xb'alaq'il aach'ool taajitoq aawe. K'oxla ut k'e reetal naq ink'a' us lintz'eqtaanankil xab'aanu ut q'axal ra wankat xb'aan naq ink'a' xak'e inloq'al: laa'in li Qaawa' laaYos. Raatin li Nimajwal Yos.

Lamentaciones 5:15

Maak'a' chik xsahil qach'ool; yaab'ak chik xkanaak wi' li qason.

Ezequiel 7:2

“At kaamel winq, jo'ka'in xye li Qaawa' reheb' li ralal xk'ajol laj Israel: Xwulak xkutankil li oso'k, ak xwulak xhonalil li roso'jik chixjunil li na'ajej a'in.

Joel 1:8

Tz'uyinqex, ex intenamit, jo' li saaj ixq nayaab'ak xb'aan li xkamik li xsum'aatin.

Amós 5:21

“Xik' nawil ut nintz'eqtaana leeninq'e, ut ink'a' naxk'ojob' inch'ool naq nekech'utub' eerib' sa' ink'ab'a'.

Li xHu LAJ JOB 30:31

Lin'aarp xsutq'iik chi k'anjelob'aal re li rahil ch'oolej, ut sa' linxolb' junes xyaab' li tz'uyink na'elk chaq.

Oseas 2:13

Tolinrahob'tesi li ixq a'an xb'aan naq xk'atok k'ajpom chiruheb' laj Bahal, xtiqib' rib' chi chaab'il rik'in matq'ab' ut q'ol ut xkoho chirixeb' li neke'rahink re, chi ink'a' chik nikinxk'oxla laa'in li Qaawa' -chan li Yos-.