Amós 7:6 - Q'eqchi Bible

⁶ Toja' naq li Qaawa' kixjal xk'a'uxl ut kixye: “Chi moko a'in taak'ulmanq”, chan.

Li Santil hu

⁶ Ut quixjal cuiꞌchic xcꞌaꞌux li Ka̱cuaꞌ ut quixye chi joꞌcaꞌin: —Chi moco aꞌin tinba̱nu. Incꞌaꞌ tinsacheb, chan li Ka̱cuaꞌ Dios.

Amós 7:6 ပူးပေါင်းရင်းမြစ်များ

Jonás 4:2

Jo'kan naq kitijok chiru li Yos: “At Qaawa', a'in tz'aqal li xink'oxla, naq toj wankin chaq sa' lintenamit. Jo'kan naq xwaj elelik chi junpaat toj Tarsis, xb'aan naq ninnaw naq laa'at jun Yos q'axal tuulanat, aj uxtaanat, nim aakuyum ut jwal chaab'ilat. Junelik kawal wankat chi xjalb'al laak'a'uxl ut ink'a' nakataqla li rahilal li xak'oxla xb'aanunkil.

Jonás 3:10

Naq li Yos kiril li yookeb' chi xb'aanunkil eb' li tenamit, naq yookatqeb' chi xkanab'ankil li xmaa'usilaleb', kixjal li xk'a'uxl ut ink'a' chik kixk'eheb' sa' tojb'amaak, jo' chanru kixye reheb' xb'enwa.

Amós 7:3

Toja' naq li Qaawa' kixjal xk'a'uxl ut kixye: “Ink'a' taak'ulmanq a'an”, chan.

Jeremías 26:19

“Ma kikamsiik tab'i' laj Mikeas xb'aan laj Esekías, awab'ej re Judá, ut xb'aaneb' chixjunileb' laj Judá? Ink'a'. Li awab'ej kixxiwa ru li Qaawa' ut kixtz'aama xkuyb'aleb' li xmaak. Ut li Qaawa' ink'a' chik kixtaqla chaq li rahilal sa' xb'eeneb' jo' kixk'uub' xb'enwa. A'ut laa'o, wi tqakamsi laj Jeremías, tqateneb' jun nimla maak sa' qab'een”, chankeb'.

Salmos 135:14

Xb'aan naq li Qaawa' naxjolomi li xtenamit sa' tiikilal ut naruxtaana ru chixjunileb' laj k'anjel chiru.

Salmos 90:13

Kim, at Qaawa'! Jo' najtil chik yooq laajosq'il? Chawil taxaq xtoq'ob'aaleb' ru laj k'anjel chawu.

Jueces 10:16

Ke'risi eb' li jalanil yos sa' xyanqeb' ut ke'xtikib' wi' chik xloq'oninkil ru li Qaawa'. Ut li Qaawa' ink'a' chik kixkuy rilb'al li rahilal wankeb' wi'.

Jueces 2:18

Naq li Qaawa' naxwaklesi junaq aj k'amol b'e, A'an ajwi' natenq'ank re. Jo' najtil yo'yooq laj k'amol b'e, li Qaawa' naxkoleb' laj Israel sa' ruq'eb' li xik' neke'ilok reheb', xb'aan naq naxtoq'ob'a ruheb' li neke'tz'uyink xb'aaneb' laj rahob'tesinel li neke'numtaak sa' xb'eeneb'.

Génesis 6:7

“Tinsach ruheb' sa' xb'een li ruuchich'och' chixjunileb' li winq xinyoob'tesi: li winq jo' ajwi' li ketomq, eb' li xul neke'xjukuki rib' sa' ch'och' ut eb' li neke'rupupik chiru choxa. Nayot'e'k linch'ool naq xeb'inyoob'tesi”, chan li Yos.

Salmos 106:45

Kijultiko'k re li Sumwank kixk'ojob' rik'ineb', ut kixtoq'ob'a ruheb' jo' chanru li xnimal xrahom.

Jeremías 42:10

«Wi laa'ex texkanaaq sa' li na'ajej a'in, laa'in tinwaklesi eech'ool ut ink'a' texinrahob'tesi; texink'ojob' sa' leena'aj ut ink'a' chik texinjuk', xb'aan naq naraho'k linch'ool chirix li rahilal xinb'aanu eere.

Joel 2:13

Meepej chik leeraq' ut tehomaq leech'ool chiwu. Sutq'inqex wi' chik rik'in li Qaawa' leeYos, xb'aan naq A'an aj uxtaan ut q'un xch'ool, ink'a' najosq'o'k chi junpaat ut q'axal narahok; jwal ra nareek'a xb'aanunkil li rahilal.

Amós 7:7

Li Qaawa' kixk'utb'esi ajwi' li moy u a'in. Kiwil li Qaawa' xaqxo sa' xb'een li tz'ak tz'aqal tuqtu ru, ut wank sa' ruq' jun xploom laj tz'ak.

Éxodo 32:14

Li Qaawa' kiruxtaana ruheb' ut ink'a' kixtaqla li rahilal yeeb'il chaq re li xtenamit.

1 Crónicas 21:15

Ut li Yos kixtaqla jun li x'ánjel re xsachb'al Jerusalén. Ab'an naq yo chi xsachb'al li tenamit, li Qaawa' kiril a'an, kiyot'e'k xch'ool chi xtaqlankil li rahilal a'an, ut kixye re li ánjel li yo chi sachok: “Tz'aqal li xab'aanu. Maarahob'tesiheb' chik”, chan. Sa' li honal a'an li x'ánjel li Qaawa' wank chi xk'atq xch'oxleb'aal laj Ornán aj Jebús.

Salmos 78:38

A'ut li Yos junelik naxtoq'ob'a ruheb': kixkuyeb' xmaak ut ink'a' kixsacheb', k'iila sut kixkuy rib' ut ink'a' kipo'k sa' xb'eeneb'.