Amós 7:3 - Q'eqchi Bible

³ Toja' naq li Qaawa' kixjal xk'a'uxl ut kixye: “Ink'a' taak'ulmanq a'an”, chan.

Li Santil hu

³ Ut li Ka̱cuaꞌ quixjal xcꞌaꞌux. —Incꞌaꞌ texinsach, chan.

Amós 7:3 ပူးပေါင်းရင်းမြစ်များ

Deuteronomio 32:36

“Xb'aan naq li Qaawa' tixtenq'a li xtenamit, taaruxtaana ruheb' li xmoos naq taaril chi lajk li xmetz'eweb' ut maak'a'eb' chik aj mun ut aj eechal reheb'.

Jonás 3:10

Naq li Yos kiril li yookeb' chi xb'aanunkil eb' li tenamit, naq yookatqeb' chi xkanab'ankil li xmaa'usilaleb', kixjal li xk'a'uxl ut ink'a' chik kixk'eheb' sa' tojb'amaak, jo' chanru kixye reheb' xb'enwa.

Oseas 11:8

“Chanru naq tatinkanab', a Efraín? Chanru naq tatintz'eqtaana, a Israel? Ma tatinsach tab'i' jo' xinb'aanu re li tenamit Admá malaj tinb'aanu ta aawe jo' xinb'aanu reheb' laj Seboín xb'aan li xmaa'usilaleb'? Q'axal nayot'e'k li waanm ut namayok linch'ool chawix.

Amós 7:6

Toja' naq li Qaawa' kixjal xk'a'uxl ut kixye: “Chi moko a'in taak'ulmanq”, chan.

Joel 2:14

Mare anchal taaril xtoq'ob'aal eeru ut texrosob'tesi wi' chik: tixtaqla chaq eetriiw ut eeb'iin cho'q eemayej chiru li Qaawa' leeYos.

Salmos 106:45

Kijultiko'k re li Sumwank kixk'ojob' rik'ineb', ut kixtoq'ob'a ruheb' jo' chanru li xnimal xrahom.

Santiago 5:16

Chech'olob'aq b'i' leemaak cherib'il eerib' ut chextijoq cherix cherib'il eerib' re naq texk'iraaq. Li xtij li tiik xch'ool q'axal na'ab'iik, wi na'uxmank chi anchalil ch'oolej.

Jeremías 26:19

“Ma kikamsiik tab'i' laj Mikeas xb'aan laj Esekías, awab'ej re Judá, ut xb'aaneb' chixjunileb' laj Judá? Ink'a'. Li awab'ej kixxiwa ru li Qaawa' ut kixtz'aama xkuyb'aleb' li xmaak. Ut li Qaawa' ink'a' chik kixtaqla chaq li rahilal sa' xb'eeneb' jo' kixk'uub' xb'enwa. A'ut laa'o, wi tqakamsi laj Jeremías, tqateneb' jun nimla maak sa' qab'een”, chankeb'.

1 Crónicas 21:15

Ut li Yos kixtaqla jun li x'ánjel re xsachb'al Jerusalén. Ab'an naq yo chi xsachb'al li tenamit, li Qaawa' kiril a'an, kiyot'e'k xch'ool chi xtaqlankil li rahilal a'an, ut kixye re li ánjel li yo chi sachok: “Tz'aqal li xab'aanu. Maarahob'tesiheb' chik”, chan. Sa' li honal a'an li x'ánjel li Qaawa' wank chi xk'atq xch'oxleb'aal laj Ornán aj Jebús.

Génesis 6:7

“Tinsach ruheb' sa' xb'een li ruuchich'och' chixjunileb' li winq xinyoob'tesi: li winq jo' ajwi' li ketomq, eb' li xul neke'xjukuki rib' sa' ch'och' ut eb' li neke'rupupik chiru choxa. Nayot'e'k linch'ool naq xeb'inyoob'tesi”, chan li Yos.

Salmos 90:13

Kim, at Qaawa'! Jo' najtil chik yooq laajosq'il? Chawil taxaq xtoq'ob'aaleb' ru laj k'anjel chawu.

Jeremías 42:10

«Wi laa'ex texkanaaq sa' li na'ajej a'in, laa'in tinwaklesi eech'ool ut ink'a' texinrahob'tesi; texink'ojob' sa' leena'aj ut ink'a' chik texinjuk', xb'aan naq naraho'k linch'ool chirix li rahilal xinb'aanu eere.

Joel 2:13

Meepej chik leeraq' ut tehomaq leech'ool chiwu. Sutq'inqex wi' chik rik'in li Qaawa' leeYos, xb'aan naq A'an aj uxtaan ut q'un xch'ool, ink'a' najosq'o'k chi junpaat ut q'axal narahok; jwal ra nareek'a xb'aanunkil li rahilal.

Amós 5:15

Tz'eqtaanahomaq li ink'a' us, rahomaq ru li us ut k'ehomaq xwankil li tiikilal sa' li raqok aatin. Mare anchal li Nimajwal Yos taaruxtaana ruheb' laj José, li jo'k'ihaleb' chik te'kole'q.

Éxodo 32:14

Li Qaawa' kiruxtaana ruheb' ut ink'a' kixtaqla li rahilal yeeb'il chaq re li xtenamit.

Salmos 78:38

A'ut li Yos junelik naxtoq'ob'a ruheb': kixkuyeb' xmaak ut ink'a' kixsacheb', k'iila sut kixkuy rib' ut ink'a' kipo'k sa' xb'eeneb'.