Amós 7:17 - Q'eqchi Bible

¹⁷ A'ut xyehom li Qaawa': «Laawixaqil taayumb'eetaq sa' li tenamit, eb' laawalal aak'ajol te'kamsiiq chi q'esnal ch'iich' ut laach'och' taajachimanq chi b'uulinb'il. Laa'at ajwi' toxatkamq sa' xyanqeb' li ink'a' neke'xpaab' li Qaawa', ut eb' laj Israel te'k'ame'q chi b'ak'b'o, najt rik'in li xna'ajeb'»”.

Li Santil hu

¹⁷ La̱ cuixakil ta̱yumbe̱tak saꞌ li tenamit ut eb la̱ cualal a̱cꞌajol teꞌcamsi̱k saꞌ li ple̱t. La̱ chꞌochꞌ ta̱jeqꞌui̱k reheb jalan. Ut la̱at toxatca̱mk saꞌ jalan tenamit saꞌ xya̱nkeb li incꞌaꞌ nequeꞌxcꞌoxla li Dios. Ut la̱ex aj Israel texchapekꞌ ut texcꞌamekꞌ chi najt saꞌ jalan tenamit, chan.

Amós 7:17 ပူးပေါင်းရင်းမြစ်များ

Oseas 9:3

Eb' laj Efraín te'sutq'iiq wi' chik Ejiipt ut aran Asiria te'xtzeka li k'aru ink'a' us xtzekankil. Ink'a' chik te'wanq sa' li xch'och' li Qaawa'.

2 Reyes 17:6

B'eleeb' chihab' chik rokik chi awab'ejink laj Oseas, naq laj Salmanasar, awab'ej re Asiria, kireechani li tenamit Samaria, kixk'ameb' chi preexil laj Israel toj Asiria, ut koxkanab'atqeb' sa'eb' li na'ajej Jalaj, Jabor, chire li nima' Kosán, ut sa'atq xteepal Media.

Ezequiel 4:13

“Jo'ka'an naq te'xtzeka li muxb'il tzekemq eb' laj Israel sa'atqeb' li tenamit tincha'cha'iheb' wi'”, chan li Qaawa'.

Jeremías 28:16

Jo'kan naq li Qaawa' xye chi jo'ka'in: «Laa'in tin'isinq aawe sa' li ruuchich'och'. Chiru li chihab' a'in tatkamq xb'aan naq xatakchi'eb' li tenamit chi q'etq'eto'k chiwu -chan li Qaawa'»”.

Amós 7:11

Xb'aan naq jo'ka'in yo xyeeb'al laj Amós: «Laj Jerobohán taakamsiiq chi q'esnal ch'iich' ut chixjunileb' laj Israel te'isiiq sa' li xna'ajeb'»”.

Jeremías 29:21

“Jo'ka'in xye li Nimajwal Yos, li xYos laj Israel, chirix laj Ajab, ralal laj Kolaías, ut chirix laj Sedesías, ralal laj Mahasías, li neke'roksi link'ab'a' yal re eeb'alaq'inkil: «Tinq'axtesiheb' sa' ruq' laj Nabukodonosor, li awab'ej re Babilonia, ut a'an taakamsinq reheb' cheru ajwi' laa'ex.

Zacarías 14:2

Sa' li kutan a'an laa'in tinch'utub'eb' chixjunil li tenamit re naq te'yaloq rik'in Jerusalén. Ut taa'eechaniiq li tenamit, taayamtesimanq xsa' eb' li ochoch, te'maakoniiq eb' li ixq, ut jun yiijacheb' li tenamit te'k'ame'q sa' najtil na'ajej. Yal jun ch'ina ch'uut aj chik te'kanaaq.

Lamentaciones 5:11

Sa' xteepal Judá ut Sión xe'xmux eb' li qixaqil ut eb' li tuq'ixq.

Jeremías 29:25

“Li Nimajwal Yos, li xYos laj Israel, xye chi jo'ka'in: «Laa'at xattaqlank hu sa' aak'ab'a' cho'q reheb' chixjunil li poyanam li wankeb' Jerusalén, jo'wi' cho'q re laj Sofonías, laj tij, ralal laj Mahasías, ut reheb' chixjunil laj tij. Tz'iib'anb'il chi jo'ka'in sa' laahu:

Jeremías 28:12

Ut naq laj Ananías ak xtoqi li b'itche' wank chirix xkux laj Jeremías, li Qaawa' kiraatina wi' chik li propeet ut kixye re chi jo'ka'in:

Jeremías 20:6

Ut laa'at, a Pasjur, tatchape'q aawochb'een laajunkab'al ut texk'ame'q Babilonia. Aran toxatkamq ut tatmuqe'q aawochb'eeneb' laawamiiw li xab'alaq'iheb' rik'ineb' laawaatin»”.

Isaías 13:16

Chiruheb' ajwi' a'an te'sumsak'iiq chiru pek li ralaleb'; taa'elq'aaq xsa' chixjunileb' li ochoch ut te'maakoniiq li rixaqileb'.

Salmos 78:55

Chiruheb' a'an kixticheb' chi najt eb' li poyanam, kixk'ojob' li xteepaleb' laj Israel sa' li xmuheb'aaleb' laj Kanahán ut kixjek'i li na'ajej cho'q reechanihomeb'.

Jeremías 14:16

Ut eb' li tenamit a'an te'kanaaq chi t'ant'o sa'atqeb' li b'e re Jerusalén: te'kamq xb'aan li raaxiik' ut li we'ej, chi maajun taamuquq reheb', rochb'eeneb' li rixaqil ut eb' li ralal xk'ajoleb'. A' ajwi' li xmaa'usilaleb' tinq'aplusi sa' xb'eeneb'.

Amós 6:7

Jo'kan naq anaqwan texchape'q ut texk'ame'q sa' najtil tenamit, k'amolb'ehaqex chiruheb' li te'xik chi preexil, ut aran taaraqe'q li ninq'ehik, ex aj q'em.

Amós 8:1

A'an a'in kixk'utb'esi chiwu li Qaawa' Yos. Kiwil jun li chakach nujenaq chi chaq'al ki'q'een:

Amós 9:1

Kiwil li Qaawa' xaqxo chi xk'atq li artal ut kixye we: “Chiq'chiq'iheb' li xjolom li oqech toj reetal te'eek'anje'q li oqech. Chaputz'iheb' toj reetal te'naq sa' xb'eeneb' li poyanam. Ut eb' li te'kole'q aran, tink'eheb' chi kamk chi q'esnal ch'iich': us ta raj te'eleliq, maajun taakole'q.

Amós 9:8

“Laa'in li Qaawa' junelik wank li wilob'aal sa' xb'een li awab'ejihom a'in. Jo'kan naq tinsacheb' ru laj maak a'in sa' ruuchich'och'; ab'an ink'a' tinsach chi junajwa eb' li ralal xk'ajol laj Jakob -chan li Qaawa' Yos-.

Miqueas 1:16

At tenamit Jerusalén, b'es laawismal xb'aan li rahilal sa' xk'ab'a'eb' laawalal aak'ajol li nakaraheb'. Jo laajolom, kama' li xjolom li t'iw taakanaaq, xb'aan naq eb' laawalal aak'ajol te'k'ame'q sa' ab'l tenamit chi najt aawik'in”.

Isaías 22:18

ut tatxtolk'osi chiru li helhookil ch'och' jo' na'uxk re li b'olotz. Aran tatkamq ut toxe'raqe'q laab'eleb'aal ch'iich' nakanima wi' aawib', ut taak'e sa' xutaan laj eechal aawe.