Amós 6:4 - Q'eqchi Bible

⁴ Nekexwark chiru ch'aat yiib'anb'il rik'in marfil, sa nekexhilank sa' leehilob'aal chi ninq'ehik; neketzeka li kok' karneer sik'b'ileb' ru ut eb' li saaj wakax li nekexok chaq sa' xyanqeb' li ketomq.

Li Santil hu

⁴ Nequexcuar saꞌ le̱ cha̱bil chꞌa̱t yi̱banbil riqꞌuin marfil ut nequexhilan saꞌ le̱ cha̱bil hiloba̱l nak nequexcuaꞌac. Nequetiu li ral li carner nequechap chak saꞌ xya̱nkeb li queto̱mk joꞌ ajcuiꞌ li ral cuacax li cuanqueb saꞌ corral.

Amós 6:4 ပူးပေါင်းရင်းမြစ်များ

Santiago 5:5

Sa naq kexwank sa' ruuchich'och' chi xb'aanunkil li jo'maajo'il na'leb': kech'oolani eerib' chi us cho'q re xkutankil li xnimal kamsink!

Amós 3:12

Jo'ka'in kixye li Qaawa': “Jo' naq laj ilol ketomq naxmaq' wiib'aq ra' malaj junaq xxik li karneer sa' re li kaqkoj, jo'kan ajwi' naq te'kole'q eb' laj Israel li wankeb' Samaria; ab'anan ka'ajwi' li roq xch'aateb' te'xk'am malaj junaq chaab'il isb'”.

San Lucas 16:19

“Kiwank jun li winq b'ihom, naxtiqib' rib' rik'in chaab'il kaqi t'ikr ut liino, ut rajlal kutan naninq'ehik chi chaab'il.

Isaías 22:13

Ab'anan laa'ex sa chik sa' leech'ool ut yookex chi ninq'ehik, yookex chi kamsink wakax ut karneer, junes tiwok tib' ut uk'ak b'iin nekeb'aanu: “Wa'aqo ut uk'aqo xb'aan naq wulaj kab'ej tookamq”, -chankex-.

Salmos 73:7

Nujenaqeb' chi lab'al ut maa'usilal, numtajenaq sa' raanmeb' li yib' aj na'leb'.

Ester 1:6

Uutz'u'ujinb'il chi us li na'ajej rik'in chaab'il t'ilkem, saq ut rax choxa li xb'onoleb', b'ak'b'ookeb' rik'in kaqik'aam liin ut chapchookeb' chiru kotkookil chapleb' yiib'anb'il rik'in plaat, sa' xyanqeb' li oqech mármol. Ke'xk'e ajwi' eb' li k'ojarib'aal yiib'anb'il rik'in plaat ut oor, ut li ch'och' tz'akanb'il ru rik'in chaab'il pek jo'wi' rik'in saq ut q'eqi mármol.

Jeremías 16:8

“Mat-ok sa' junaq ochoch b'arwi' yo li ninq'ehik, maak'ojob' aawib' chi tzekank ut chi uk'ak sa' xyanqeb'.

Ezequiel 16:49

A'an a'in li xmaak Sodoom, laawiitz'in: li q'etq'etil, li num wa'ak ut sahil wank; ab'anan a'an rochb'eeneb' li xk'aleb'aal maajun wa kixtenq'aheb' li neb'a' ut li maak'a' wankeb' re.

Ezequiel 23:41

Ke'xsotob' rib' chiru jun ch'ina'usil ch'aat, ut chiru a'an wank jun meex ak kawresinb'il, b'arwi' k'eeb'il li k'ajpom ut li aseeyt raaro inb'aan.

Amós 8:3

Sa' li kutan a'an, eb' li ixq li neke'b'ichank sa' rochoch li awab'ej te'xb'icha rahil b'ich -chan li Qaawa' Yos-. Naab'aleb' li poyanam te'kamq ut maak'a'aq aatinak naq toxe'kutiiq yalaq b'ar”.

Miqueas 6:12

Chixjunileb' li b'ihom sa' li tenamit a'in aj rahob'tesineleb'; ut eb' li tenamit aj tik'ti'eb' ut aj b'alaq'eb'.

Génesis 37:25

Chirix chik a'an ke'chunlaak ut ke'ok chi wa'ak. Naq ke'xtaqsi li rilob'aaleb', ke'ril naq jun ch'uuteb' aj Ismael yookeb' chaq chi chalk Galad rochb'eeneb' li xkameey, iq'o chaq xb'aaneb' li sununkil b'an, li miir ut xq'ol sununkil che' li yookeb' chi xk'amb'al Ejiipt.

Isaías 28:1

Rahilal chaalel sa' xb'een Samaria li nak'ehok xwankilal ut xnimob'resinkil rib' laj Efraín, ab'anan yal jun ch'uuteb' chi aj kalajenaq. Chanchaneb' jun sahob' u yiib'anb'il rik'in tz'umjenaqil uutz'u'uj, xaqxo sa' xb'een li ru taq'a k'ajo' xq'emal; a'aneb' oso'jenaqeb' chi junwaakaj xb'aan li ha' nakaltesink.