Amós 5:26 - Q'eqchi Bible

²⁶ Ab'an anaqwan yookex chi xk'amb'al eb' li jalam u eeyiib'ahom laa'ex: laj Sikut, lee'awab'ej, ut laj Kebán, li chahim li xek'e cho'q eeyos.

Li Santil hu

²⁶ ¿Ma ma̱cuaꞌ ta biꞌ le̱ yi̱banbil dios Moloc ut Quiún li xeqꞌue xlokꞌal?

Amós 5:26 ပူးပေါင်းရင်းမြစ်များ

1 Reyes 11:33

Xb'aan naq laj Salomón xinxtz'eqtaana ut x'ok chi xloq'oninkil ru lix Astarté, xyoseb' laj Sidón, laj Kamós, xyoseb' laj Mohab, ut laj Milkón, xyoseb' laj Amón, ut ink'a' chik nab'eek sa' tiikilal chiwu, ink'a' chik naxpaab' li waatin ut linchaq'rab', jo' kixb'aanu laj David li xyuwa'.

Levítico 18:21

“Maajun laawalal aak'ajol taamayeja chiru li yos Molok. Maatz'eqtaana li xk'ab'a' laaYos chi kama' a'an. Laa'in li Qaawa'.

Hechos 7:43

Ink'a', a' chik li xmuheb'aal laj Molok ut li xchahimal li yos Refán xek'am cherix, eb' li xjalam u li xeyiib' re xloq'oninkileb' ru. Jo'kan naq laa'in texink'am toj junpak'al Babilonia».

Amós 5:27

Jo'kan naq anaqwan texink'am toj junpak'al Damaask”, chan li Qaawa', li Nimajwal Yos.

Ezequiel 20:16

Xb'aan naq toj naxik li xch'ooleb' chirixeb' li jalanil yos; jo'kan naq ke'xtz'eqtaana linchaq'rab', ink'a' ke'xpaab' li waatin ut ke'xsach xwankil linhilob'aal kutan.