Amós 5:16 - Q'eqchi Bible

¹⁶ Jo'kan naq li Qaawa', li Nimajwal Yos, kixye chi jo'ka'in: “Taawanq yaab'ak sa' chixjunileb' li k'ayiil, ut sa'atqeb' li b'e taawanq tz'uyink xb'aan li rahilal. Te'b'oqmanq chi yaab'ak eb' laj k'aleb'aal ut te'b'oqe'q chi q'oqonk li tojb'ileb' chi yaab'ak;

Li Santil hu

¹⁶ Joꞌcaꞌin quixye li Ka̱cuaꞌ, li nimajcual Dios: —Saꞌ eb li be japjo̱k e̱re chi ya̱bac xban li raylal li yo̱kex chixcꞌulbal. Te̱bokeb li cuanqueb saꞌ cꞌaleba̱l chi ya̱bac e̱riqꞌuin ut te̱bokeb ajcuiꞌ li tojbileb chi ya̱bac.

Amós 5:16 ပူးပေါင်းရင်းမြစ်များ

Joel 1:11

Chimayoq eech'ool, ex aj awinel, yaab'anqex laa'ex li nekex'awok uub', xb'aan naq maak'a' chik li triiw ut li seb'aad, x'oso'k chixjunil li awimq sa'eb' li k'aleb'aal.

Jeremías 9:10

“Chexyaab'aq ut chexq'oqonq chirixeb' li tzuul, b'ichahomaq junaq b'ich re rahil ch'oolej chirixeb' li taq'a, xb'aan naq xe'choqleek ut maajun chik nanume'k aran. Ink'a' chik neke'me'lok li wakax; eb' li xik'anel xul chiru choxa ut eb' li josq' aj xul xe'elelikje'k.

Apocalipsis 18:19

Ke'xk'e pojtz' sa' xjolomeb', te'yaab'aq ut te'xten re xch'ooleb' naq ke'xjap re chi xyeeb'al: “Toq'ob' ru, toq'ob' ru li Nimla Tenamit! Chixjunileb' li wankeb' xjukub' sa' li palaw xe'b'ihomo'k rik'in li xnimal b'ihomal, ut anaqwan, yal chiru jun k'amok, xkanaak chi nakirnak!”.

Apocalipsis 18:10

te'kanaaq chi najt xb'aan xxiweb' chiruheb' li xrahilal ut te'xye: “Toq'ob' aawu, toq'ob' aawu, at Nimla Tenamit, at kawil tenamit Babilonia! Yal chiru jun k'amok xk'ulunk li tojb'amaak teneb'anb'il sa' aab'een!”.

Miqueas 2:4

Sa' li kutan a'an taab'ichamanq eere jun li b'ich re rahil ch'oolejil. Te'xye eere: «Xoosache'k chi junajwa. Li qatenamit, li reechanihom li Qaawa', jalan chik laj eechal re anaqwan, ut maajun xramok re. Xjek'iik li qach'och' chirixeb' li xe'eechanink qe», cha'qeb' eere”.

Miqueas 1:8

Xb'aan a'an tinyaab'aq chi q'axal ra sa' inch'ool; tinb'eeq chi maak'a' inxaab' ut chi t'ust'u, tintz'uyinq jo' nawo'te'ek laj xojb' ut tinyaab'aq jo' ral li warom.

Amós 8:10

Tink'e naq leeninq'e taakanaaq cho'q rahil ch'oolej ut chixjunil leeb'ich cho'q tz'uyink. Tink'e naq chejunilex teeb'at eerib' sa' q'es ruhil t'ikr ut teejo leejolom xb'aan xrahil eech'ool. Texyaab'aq jo' tawi' xkamk leeralal jun chirib'il, ut chixjunil junes rahilal toxraqe'q wi'.

Amós 5:27

Jo'kan naq anaqwan texink'am toj junpak'al Damaask”, chan li Qaawa', li Nimajwal Yos.

Amós 3:13

Li Qaawa', li Nimajwal Yos, kixye chi jo'ka'in: “Ab'ihomaq a'in ut jitomaqeb' li ralal xk'ajol laj Jakob.

Joel 1:14

Ch'utub'omaq li tenamit ut yehomaq resil li ayuunik. Ch'utub'omaqeb' li cheekel winq ut chixjunileb' li poyanam sa' rochoch li Qaawa' leeYos, ut chextijoq chex'elajinq chiru li Qaawa'.

Joel 1:8

Tz'uyinqex, ex intenamit, jo' li saaj ixq nayaab'ak xb'aan li xkamik li xsum'aatin.

Jeremías 4:31

Toja' naq xwab'i xyaab' xkux jun li ixq, chanchan naq toj xb'enwa ok re chi alank. A'an pe' li xyaab' xkux li xrab'in li tenamit Sión; naxjiq' xch'ool chi yaab'ak, naxye' li ruq' ut naxye: «Toq'ob' wu, oso'k we xb'aaneb' laj kamsinel poyanam!»”.

Isaías 22:12

Sa' li kutan a'an li Nimajwal Yos xexb'oq chi yaab'ak ut chi q'oqonk, re teejo li rismal leejolom ut xk'eeb'al cherix li q'es ruhil t'ikr.

Isaías 15:8

Li yaab'ak xsutunk sa' chixjunil xteepal Mohab; li xq'oqeb' na'ab'imank toj Ekláhin ut toj Beher-Elín xwulak li xyaab'eb'.

2 Crónicas 35:25

Laj Jeremías kixk'uub' jun li b'ich re rahil ch'oolej sa' xk'ab'a' laj Josías. Chalen toj anaqwan chixjunileb' laj b'ichanel winq ut ixq neke'aatinak chirix laj Josías sa' li xb'icheb', ut k'aynaqeb' laj Israel chi xb'aanunkil a'an. Natawmank li b'ich a'in sa' xHuhil li rahil ch'oolej.

Jeremías 30:5

Li Qaawa' kixye chi jo'ka'in: “Na'ab'imank japok e xb'aan xiwak ut xiwxiwil wank; maak'a' li tuqtuukil usilal.

Oseas 4:3

Jo'kan naq ra xch'ooleb' chixjunil li tenamit ut maak'a'eb' chik xmetz'ew li wankeb' chisa'; jun kamikeb' li k'iche'il xul, eb' li neke'rupupik chiru choxa jo' ajwi' eb' li kar sa' palaw.

Joel 1:15

Rahil kutan chalk re! Nach' chik wank li xKutankil li Qaawa'; xiwajel rilb'al li sachok chalk re xb'aan li Nimajwal Yos.

Amós 8:3

Sa' li kutan a'an, eb' li ixq li neke'b'ichank sa' rochoch li awab'ej te'xb'icha rahil b'ich -chan li Qaawa' Yos-. Naab'aleb' li poyanam te'kamq ut maak'a'aq aatinak naq toxe'kutiiq yalaq b'ar”.

Jeremías 9:16

Tincha'cha'iheb' sa'atqeb' li tenamit, li ink'a' xnawom ruheb' a'an chi moko xnawom ruheb' li xna' xyuwa'eb'; ut tink'eheb' chi kamsiik chi q'esnal ch'iich' toj reetal te'sache'q ru chixjunileb'”.