Amós 5:14 - Q'eqchi Bible

¹⁴ Sik'omaq li chaab'ilal ut maawa' li ink'a' us, re naq twanq eeyu'am. Wi teeb'aanu chi jo'kan, relik chi yaal naq li Nimajwal Yos twanq eerik'in jo' nekeye laa'ex.

Li Santil hu

¹⁴ Joꞌcan nak qꞌuehomak e̱chꞌo̱l chixba̱nunquil li ti̱quilal ut me̱ba̱nu chic li ma̱usilal re nak ta̱cua̱nk e̱yuꞌam chi tzꞌakal. La̱ex nequeye nak li Ka̱cuaꞌ cuan e̱riqꞌuin. Cui te̱ba̱nu li ti̱quilal relic chi ya̱l li Ka̱cuaꞌ, li nimajcual Dios ta̱cua̱nk e̱riqꞌuin joꞌ nequeye.

Amós 5:14 ပူးပေါင်းရင်းမြစ်များ

Josué 1:9

Laa'in li yookin chi taqlank aawe. Yal aaq'e ut kawaq aach'ool. Matxiwak ut kaw xaqxooqat sa' laak'anjel, xb'aan naq li Qaawa' laaYos wanq aawik'in yalaq b'ar tatxik”, chan li Qaawa'.

San Mateo 6:33

Sik'omaq xb'enwa li xnimajwal awab'ejihom li Yos ut li tiikilal li nachalk rik'in, ut chixjunil li nekeraj taak'eemanq chaq eere cho'q xtz'aqob'.

Miqueas 6:8

At winq, at ixq, ak yeeb'il aawe li k'aru us xb'aanunkil, a' li nawulak chiru li Qaawa' naq taab'aanu: ka'ajwi' xb'aanunkil li tiikilal, xk'eeb'al aach'ool chi rahok ut taakub'si laawankil chiru laaYos.

Miqueas 3:11

Eb' laj raqol aatin sa' eeyanq neke'tuminaak ruheb', eb' laj tij neke'k'anjelak yal xb'aan aj chik li tumin ut eb' li propeet neke'xk'ayi eb' li raatin, neke'xkawub'resi xch'ooleb' rik'in li Qaawa' chi xyeeb'al: “Li Qaawa' wank sa' qayanq, ut maak'a' junaq rahilal tqak'ul”, chankeb'.

2 Timoteo 4:22

Li Qaawa' chiwanq taxaq aawik'in. Li rusilal li Yos chiwanq taxaq eerik'in.

Amós 3:3

Ma na'uxk tab'i' b'eek sa' wiib'al wi ink'a' wankeb' sa' aatin?

1 Crónicas 28:20

Toja' naq laj David kixye re laj Salomón li ralal: “Kawaq aach'ool ut chayal aaq'e chi k'anjelak! Matxiwak ut mich'inank aach'ool, xb'aan naq li Qaawa' linYos wanq aawik'in. A'an ink'a' tatxkanab' chi moko tatxtz'eqtaana toj taaraqe'q chixjunil li k'anjel re xyiib'ankil li rochoch li Yos.

San Mateo 1:23

“K'ehomaq reetal, li tuq'ixq taawanq sa' yu'am, taarala jun li k'uula'al, ut Emmanuel te'xk'e cho'q xk'ab'a'” (chi jalb'il ru naraj naxye: “Li Yos qik'in”).

Isaías 55:2

K'a'ut naq nekesach eetumin chirix li moko wa ta, ut nekesach leetojb'al chirix li ink'a' nak'ojob'ank ch'oolej? Paab'omaq li ninye ut textzekanq chaab'il tzekemq; taak'ojlaaq leech'ool rik'ineb' li sahil eechej.

Proverbios 11:27

Li naxsik' li us, nak'eemank xloq'al; li nasik'ok maa'usilal, a'an ajwi' toxtaw.

Salmos 46:11

Ut xye: “Kanab'omaq yalok, chenawaq naq laa'in Yos, li nim inwankil sa' xb'eeneb' li tenamit, li nim inwankil junsut junrub'el choxa!”.

Isaías 8:10

Us ta teek'uub' chi us li k'aru teeb'aanu, ab'anan maak'a' aj e. Us ta teeye li k'aru teeraj, moko taatz'aqloq ta ru. Xb'aan naq li Qaawa' wank qik'in.

2 Crónicas 15:2

li ki'elk chi xk'ulb'al laj Asá ut kixye re: “Ab'ihomaqin, a Asá ut chejunilex laa'ex aj Judá ut aj Benjamín! Li Qaawa' taawanq eerik'in wi laa'ex wanqex rik'in. Wi nekesik' li Yos, A'an tixk'e rib' chi tawe'k; ab'anan wi' neketz'eqtaana, texxtz'eqtaana ajwi' A'an.

Números 16:3

Ke'xch'utub' rib' chi xwech'b'al laj Moisés ut laj Aharón, ut ke'xye reheb': “Jwal naxik wi' chik xb'een nekeb'aanu. Chixjunileb' li komonil santob'resinb'ileb' ut li Qaawa' wank sa' xyanqeb'. K'a'ut naq laa'ex nekek'e eewankil sa' xb'een li xkomonil li Qaawa'?”, chankeb'.

Éxodo 3:12

Kichaq'ok li Yos ut kixye re: “Laa'in wanqin aawik'in ut a'inaq reetalil naq laa'in xintaqlank aawe: akaq xawisi chaq li tenamit aran Ejiipt, teeloq'oni wu sa' xb'een li tzuul a'in”.

Génesis 39:23

Li xb'eenil aj k'aak'alenel tz'alam tik ink'a' nak'oxlak chirix li k'aru q'axtesinb'il sa' ruq' laj José, xb'aan naq li Qaawa' wank rik'in ut natenq'ank re chi elk chi chaab'il rik'in chixjunil li nalajxb'aanu.

San Mateo 28:20

ut k'utumaq chiruheb' xpaab'ankil chixjunil li xexintaqla wi'. Chenawaq naq laa'in wanqin eerik'in chixjunil li kutan toj sa' roso'jik li ruuchich'och'.

Amós 5:6

Sik'omaq li Qaawa' ut taawanq eeyu'am; mare anchal jo' li xam naq taachalq sa' xb'eeneb' laj José ut maajun sa' xyanqeb' laj Betel taaruuq taachupuq re.

Sofonías 2:3

Sik'omaq li Qaawa' chejunilex li kub'enaq eewankil sa' li ruuchich'och' a'in, jo'k'ihalex li nekexpaab'ank re li xchaq'rab'. K'anjelahomaq li tiikilal ut li q'unil ch'oolej: mare anchal texkole'q sa' xkutankil li xjosq'il li Qaawa'.

Salmos 97:10

Li Qaawa' naxraheb' li neke'tz'eqtaanank re li maa'usilal; a'an nak'aak'alenk reheb' li neke'paab'ank re, ut naxkoleb' chiru chixjunileb' li ink'a' useb' xna'leb'.