Amós 5:11 - Q'eqchi Bible

¹¹ Laa'ex nekerahob'tesi li neb'a' ut nekepatz' re li toj chirix li triiw. Jo'kan naq ink'a' texwanq sa'eb' li ochoch xeyiib' rik'in pek tuqub'anb'il ru chi us, chi moko teeruk' xya'al li uub' xeraw chi chaab'il.

Li Santil hu

¹¹ Querahobtesiheb li nebaꞌ ut querelkꞌa li ruheb lix trigo. Joꞌcan nak incꞌaꞌ texcua̱nk saꞌ le̱ rochoch li xeyi̱b chi cha̱bil riqꞌuin pec. Ut incꞌaꞌ chic te̱rucꞌ li vino yi̱banbil riqꞌuin li ru li cha̱bil uvas li xerau.

Amós 5:11 ပူးပေါင်းရင်းမြစ်များ

Sofonías 1:13

Jo'kan naq taa'elq'aaq li xb'ihomaleb' ut taajuk'manq li rochocheb'. Xe'yiib'ank ochoch, ab'an ink'a' te'wanq chisa'; xe'awk uub', ab'an ink'a' te'uk'aq b'iin”.

Miqueas 6:15

Tat-awq, ab'an maak'a' taaxok; tatyatz'oq ru li oliiw, ab'an maak'a' taataw; tatyatz'oq uub', ab'an ink'a' tat-uk'aq b'iin.

Deuteronomio 28:30

Tatsumlaaq rik'in junaq ixq ut jalan chik li winq taa'eechaninq re; taayiib' junaq ochoch ut ink'a' tatwanq chisa'; tat-awq, ab'anan ink'a' taayal xsahil ru laawawimq.

Santiago 2:6

A'ut laa'ex xetz'eqtaana li neb'a'! Ma maawa'eb' tab'i' li b'ihom li neke'numtaak sa' eeb'een? Ma maawa'eb' tab'i' a'an li neke'k'amok eere sa' raqleb' aatin

Hageo 1:6

K'ajo' li awimq xeraw, ut kach'in ajwi' nekexok; xextzekank, ab'an ink'a' nak'ojlaak leech'ool; xex'uk'ak, ab'an ink'a' nanume'k leechaqi'eel; xelan eerib' chi us, ut ink'a' nekextiqwo'k; ut li tojb'il moos yal sa' q'ichil koxtal naxk'e li xtojb'al.

Miqueas 2:2

Neke'rahink jalanil ch'och', ut neke'reechani; neke'rataw junaq ochoch, ut neke'relq'a. Neke'xrahob'tesi laj eechal junkab'al ut eb' li wankeb' chisa', li winq jo'wi' li k'aru re.

Amós 3:15

Tinjuk'i eb' li ochoch neke'xnumsi wi' li hab'alq'e ut li saq'ehil; tinsach ruheb' li ochoch yiib'anb'il rik'in marfil, ut naab'al li muheb'aal te'oso'q”, chan li Qaawa'.

Isaías 16:10

Ink'a' chik taawanq li sahil ch'oolejil ut li b'ichank sa' xna'ajeb' li awimq; maak'a'aq chik li japok e xb'aan li ninq'ehik. Ink'a' chik taayatz'e'q li uub' re naq wanq b'iin ut maajun chik b'ich taa'ab'imanq aran.

Ezequiel 26:12

Te'relq'a chixjunil laab'ihomal, te'xxok laak'ay, te'ruq'i laasuttz'ak ut te'xjuk'i eb' laach'ina'usil ochoch; te'xkuti eb' li pek, eb' li tz'amb'a ut chixjunil li mul sa' xchamal li ha'.

Amós 2:6

Jo'ka'in kixye li Qaawa': “Ak k'iila sut xinkuy xmaakeb' laj Israel ut anaqwan maak'a' chik xkuyb'al, xb'aan naq neke'xk'ayi chi tuminal li tiik xch'ool ut yal rik'in jun sumal chi perxaab' neke'xk'ayi li neb'a'.

Amós 3:9

Yehomaq a'in sa'eb' li xchaq'alil ru rochocheb' laj Asdod; puktesihomaq resil sa'atqeb' li xch'ina'usal ochoch re Ejiipt: “Ch'utub'omaq eerib' sa'eb' li xtzuulul Samaria re teeril li k'iila rahilal nawank sa' li tenamit a'an ut k'ajo' li maa'usilal neke'xb'aanu aran”.

Amós 4:1

Ab'ihomaq li aatin a'in, ex rixqilal Samaria, chanchanex li ninqi wakax li wankeb' Basán. Laa'ex nekerahob'tesi eb' li neb'a', neketawasiheb' li toq'ob'aal ruheb' ut nekepatz' eeb'iin reheb' leeb'eelom re texkalaaq.

Amós 6:11

Xb'aan naq li Qaawa' xyehok naq taajuk'manq eb' li xninqal ru ochoch ut po'lem te'kanab'aaq wi' eb' li kok' kab'l.

Amós 6:12

Ma neke'taqe'k eb' li kawaay chiru li saqoonak? Ma naru tab'i' xpikb'al li palaw rik'in li b'ooyx? Ab'an laa'ex xepo' ru li tiikilal ut rahilal chik xekanab' wi' li k'ulub'ej.

Amós 8:4

Ab'ihomaq a'in laa'ex li nekexrahob'tesink reheb' li neb'a' ut nekeraj xsachb'aleb' ru li kub'enaqeb' xwankil sa' li tenamit.

Miqueas 1:6

Jo'kan naq li Qaawa' xye chi jo'ka'in: “Li tenamit Samaria tinkanab' chi po'lemil, jo' junaq na'ajej re rawb'al li uub'. Chixjunileb' li xpekul li tenamit tinpaji sa'eb' li taq'a ut tinkanab' chiru iq' li rub'elankil.

Malaquías 1:4

Wi ta eb' laj Esaú te'xye: “Yaal naq xoosache'k, ab'an tqawaklesi wi' chik li qatenamit”, cha'qeb', li Qaawa', li Nimajwal Yos, tixye: “Wi eb' a'an te'xwaklesi wi' chik li xtenamiteb', laa'in tinjuk'uq wi' chik re. Ut li na'ajej a'an tixk'ab'a'in: «Xtenamitul li maa'usilal», ut «Tenamit b'arwi' junelik wanq li xjosq'il li Qaawa'»”.

Levítico 26:16

jo'kan ajwi' tinb'aanu eere laa'in: tintaqla chaq sa' eeb'een li xiwak, li raxkamk, li tiq, li xyajel sa' uhej ut xlub'ik leetib'el; maak'a' rajb'al naq tex'awq xb'aan naq a'eb' li xik' neke'ilok eere te'yaloq xsahil ru leerawimq.

Li xHu LAJ JOB 20:19

Kixrahob'tesi ut kixtawasiheb' li neb'a', kirelq'a li rochocheb' li ink'a' xkab'lahom,

Ezequiel 34:21

Laa'ex xetiikisihatq li ink'a' neke'xkuy b'eek ut xetiq'eb' chiru leexukub', toj reetal xeraanilasiheb' chi najt.

Oseas 9:2

Ab'anan ink'a' chik taawanq laatriiw ut laa'uub', ut maak'a'aq chik li ak' b'iin li taawuk' raj.

Amós 2:7

Neke'xyeq'i chiru ch'och' eb' li neb'a' ut neke'xsachb'esi xna'leb'eb' li kub'enaqeb' xwankil. Li alalb'ej ut li yuwa'b'ej neke'wank rik'in jun chi ixq, ut chi jo'kan neke'xmux linsantil k'ab'a'.

Amós 9:14

Toja' naq tink'ameb' chaq wi' chik lintenamit Israel sa' li xna'ajeb'. Te'xyiib' wi' chik eb' li tenamit li ke'juk'mank, ut aran te'wanq; te'awq uub' ut te'uk'aq b'iin; te'awq ut te'xtzeka li ru.