Amós 5:10 - Q'eqchi Bible

¹⁰ Ra chaalel sa' eeb'een laa'ex xik' nekeril ani nakolok rix li tiikilal ut neketz'eqtaana li nayehok re li yaal.

Li Santil hu

¹⁰ La̱ex aj Israel xicꞌ nequeril li ani naxcol rix li ti̱quilal. Ut xicꞌ nequeril li ani nayehoc re li ya̱l nak cuanqueb chiru laj rakol a̱tin.

Amós 5:10 ပူးပေါင်းရင်းမြစ်များ

Isaías 29:21

eb' li neke'q'ab'ank re jalan chik chi xb'aanunkil li maa'usilal ut neke'xb'alaq'i eb' laj raqol aatin, li neke'tik'ti'ik re naq ink'a' taakolmanq rix li maak'a' xmaak.

1 Reyes 22:8

Ut li awab'ej re Israel kixye re laj Josafat: “Toj wank jun chik winq li naru nokoopatz'ok wi' k'aru naxye li Qaawa'. Ab'an q'axal xik' nawil, xb'aan naq maajun wa naxye li us cho'q we, junes b'an rahilal naxye we. A'an laj Mikeas, ralal laj Imlá”, chan. Kichaq'ok laj Josafat ut kixye: “Mat-aatinak chi jo'ka'in, at awab'ej”.

Apocalipsis 11:10

Toja' naq eb' li wankeb' sa' ruuchich'och' te'ninq'ehiq sa' xk'ab'a'eb' a'an, te'saho'q xch'ool ut te'sihinq chirib'ileb' rib' xb'aan naq eb' li wiib' chi propeet a'in ke'xrahob'tesiheb' li wankatqeb' sa' ruuchich'och'.

San Juan 15:19

Wi ta rehex li ruuchich'och', texxra raj li ruuchich'och' jo' naq naxra li re. Ab'anan moko rehex ta li ruuchich'och', laa'in b'an xinsik'ok eeru ut xexwisi chisa': jo'kan naq xik' nekexril li ruuchich'och'.

San Juan 7:7

Li ruuchich'och' ink'a' naru xik' nekexril; a'ut laa'in xik' nikinril xb'aan naq nink'ut naq ink'a' us li xb'aanuhomeb'.

San Juan 3:20

Chixjunil ani naxb'aanu li ink'a' us, xik' naril li saqenk ut ink'a' naxik wan wi' li saqenk, re naq ink'a' taaq'use'q rik'in li xb'aanuhom.

2 Crónicas 36:16

Ab'anan eb' a'an ke'xse'e eb' li xtaql li Yos, ke'xtz'eqtaana li raatineb', ke'reetz'uhatq li xpropeet, toj reetal kichalk xjosq'il li Qaawa' rik'in li xtenamit ut maak'a' chik kikolok reheb'.

2 Crónicas 25:16

Toj yo ajwi' chi aatinak li propeet naq laj Amasías kixye re: “Ma xate'xxaqab' tab'i' cho'q aj k'ehol xna'leb' li awab'ej? Kanab' aatinak. Malaj taawaj naq tate'xkamsi?”. Ut li propeet kixye: “Laa'in ninnaw naq li Qaawa' xk'uub' xsachb'al aawu, xb'aan naq xab'aanu li ink'a' us ut ink'a' nakawaj rab'inkil li xinye aawe”. Ut kixkanab' aatinak.

1 Reyes 21:20

Naq laj Elías kiwulak aran, laj Ajab kixye: “Ma xolinaataw laa'at li xik' nakat-ilok we?”, chan. Kixye laj Elías: “Xolatintaw. Laa'at xak'ayi aawib' chi xb'aanunkil li ink'a' nawulak chiru li Qaawa';

1 Reyes 18:17

ut naq kiril ru, kixye re: “Ma laa'at laj sachonel reheb' laj Israel?”.

Gálatas 4:16

Malaj ut xik' nikineril xb'aan naq xinye eere li xyaalal?

Proverbios 15:12

Li q'etq'et ink'a' naxra li naq'usuk re, chi moko nawulak chiru wank rik'ineb' li chaab'ileb' xna'leb'.

Isaías 59:15

Maajun chik nab'aanunk li yaal, ut wi junaq xrisi rib' sa' li maa'usilal namaq'e'k li k'aru wank re. K'ajo' naq xchalk xjosq'il li Qaawa' chi rilb'al naq maak'a' chik li k'ulub'ej.

Jeremías 38:7

Naq laj Ebedmélek, aj Etiopía, aj ilol re li rochoch li awab'ej, kirab'i naq kik'ehe'k laj Jeremías sa' xjulel li ha',

Oseas 4:4

Li Qaawa' naxye chi jo'ka'in: “Maajun chijitoq ut maa'ani chich'iilanq! At aj tij, ka'ajwi' aawik'in yo inch'a'ajkilal.

Amós 5:15

Tz'eqtaanahomaq li ink'a' us, rahomaq ru li us ut k'ehomaq xwankil li tiikilal sa' li raqok aatin. Mare anchal li Nimajwal Yos taaruxtaana ruheb' laj José, li jo'k'ihaleb' chik te'kole'q.

Levítico 13:10

Laj tij taaril chi us: wi saq li xsiipal li tib'elej ut xsaqo'k li rismal, ut nak'utunk li rax tib' chisa' li siip,