Amós 4:6 - Q'eqchi Bible

⁶ “Laa'in xintaqla chaq li we'ej sa' chixjunil leetenamit, ut xink'e chi lajk li tzekemq sa'eb' leek'aleb'aal, ab'anan laa'ex ink'a' xexsutq'iik chaq wik'in”, chan li Qaawa'.

Li Santil hu

⁶ Xexinqꞌue chixcuybal le̱ saꞌ yalak bar saꞌ eb li tenamit. Ut eb li cuanqueb saꞌ cꞌaleba̱l ma̱cꞌaꞌ chic xtzacae̱mkeb. Abanan riqꞌuin chixjunil li raylal aꞌin incꞌaꞌ xeraj sukꞌi̱c cuiqꞌuin, chan li Ka̱cuaꞌ.

Amós 4:6 ပူးပေါင်းရင်းမြစ်များ

Hageo 2:17

Laa'in kexinrahob'tesi sa' chixjunil leek'anjel rik'in li tiqwal iq', laj saak' ut li saqb'ach, ab'an maajun eere kisutq'iik chaq wik'in, chan li Qaawa'.

Jeremías 5:3

At Qaawa', ma ink'a' tab'i' a' li yaal nakasik'? Xarahob'tesiheb', ab'an maak'a' xe'reek'a; xasacheb' ru, ab'an ink'a' xe'raj xtawb'al xyaalal. Xe'xkawub'resi b'an li xch'ooleb' jo' li pek ut ink'a' xe'raj xjalb'al xna'leb'eb'.

Isaías 9:13

Eb' li tenamit ink'a' xe'sutq'iik rik'in li Yos li yo chi rahob'tesink reheb', chi moko xe'xsik' li Nimajwal Yos.

Apocalipsis 2:21

Xinxaqab' xkutankil chiru re raj tixyot' xch'ool tixjal xk'a'uxl, ab'anan ink'a' naraj xjalb'al xk'a'uxl chirix li muxuk ib'.

Oseas 5:15

“Chirix chik a'an tinsutq'iiq wi' chik sa' linna'aj, toj reetal te'xk'e reetal li xmaakeb' ut toline'xsik'. Naq wanqeb' sa' rahilal, relik chi yaal naq toline'xsik'”.

Levítico 26:26

“Naq tinmaq' cheru chixjunil leetzekemq, lajeeb' chi ixq te'chiqoq leewa sa' jun chi chiqleb'aal, ut b'isb'il chik li wa li teewa': texwa'aq, ab'anan ink'a' taak'ojlaaq leech'ool.

Ezequiel 16:27

«Toja' naq kintaqsi li wuq' sa' aab'een charahob'tesinkil. Kinjeb' laatzekemq ut katinq'axtesi sa' ruq'eb' laj Filistea, li q'axal xik' nakate'ril ut neke'xutaanak xb'aan laatz'i'b'eetalil yu'am.

Isaías 26:11

At Qaawa', ak teneb'anb'il li tojb'amaak sa' xb'eeneb', ab'anan ink'a' neke'raj xk'eeb'al reetal; ut naq te'ril li xnimal aarahom rik'in laatenamit, te'kanaaq sa' xutaan. A' taxaq li xxamlel laajosq'il chisachoq reheb' li xik' neke'ilok aawe.

Isaías 3:1

K'ehomaq reetal naq li Qaawa', li Nimajwal Yos, tixkanab' Judá ut Jerusalén chi maak'a' chik wanq re, ut taarisi chixjunil li xwaheb' ut ruk'a'eb'.

2 Crónicas 28:22

Ut us ta sutsu li xtenamit xb'aaneb' laj Asiria, laj Ajás ink'a' kixkanab' xq'etq'etinkil rib' chiru li Qaawa'.

2 Reyes 8:1

Kixye laj Eliseo re li ixq li kiwaklesiik chi yo'yo li xyum: “Ayu aawochb'eeneb' laakomon. Ayu chi wank sa' jalan chik na'ajej, xb'aan naq li Qaawa' xye resil naq taawanq we'ej chiru wuqub' chihab' sa' li tenamit a'in, ut ak xtiklaak chikan”.

2 Reyes 4:38

Chirix chik a'an laj Eliseo kisutq'iik sa' li tenamit Kilkal, naq yo tz'aqal li we'ej aran. Sa' jun kutan k'ojk'ookeb' li propeet chiru laj Eliseo, ut a'in kixye re laj tenq' re: “K'e li nimla uk'al sa' xam ut k'uub' xtzekemqeb' li propeet”.

1 Reyes 18:2

Koho laj Elías rik'in laj Ajab ut kixk'ut rib' chiru. Yo chi us li we'ej aran Samaria.

1 Reyes 17:1

Toja' naq laj Elías, Tisbé xtenamit, sa' xteepal Galahad, kixye re laj Ajab: “Sa' xk'ab'a' li Qaawa', xYos laj Israel, li yookin chi k'anjelak chiru, ninye aawe naq chiruheb' li chihab' a'in maak'a'aq xchu'ke chi moko li hab', wi ink'a' laa'in tinyehoq re”.

Deuteronomio 28:38

Naab'al li iyaj taawaw chaq sa' laak'aleb'aal ut b'a'b'ay ajwi' li ru taaxok, xb'aan naq laj saak' tixchoy chixjunil.

Jeremías 14:18

Wi ninxik sa' li k'aleb'aal, nintaweb' li xe'kamsiik chi q'esnal ch'iich'; wi nin'ok sa' li tenamit, nawileb' li poyanam li kamkeb' re xb'aan li we'ej. Ut eb' li propeet jo'wi' eb' laj tij neke'chalk neke'xik sa' li tenamit chi sachsookeb' xch'ool»”.

Ezequiel 14:21

“Laa'in, li Qaawa', ninye chi jo'ka'in: Q'axal ra wi' chik cho'q reheb' laj Jerusalén naq tintaqla sa' xb'eeneb' li kaahib' chi rahilal jwal xiwajel: li raaxiik', li we'ej, eb' li josq' aj xul ut li raxkamk, ut tink'eheb' chi kamk li winq jo'wi' eb' li xul.

Joel 1:16

Sa' xnaq' qu ajwi' xmaq'e'k li qatzekemq ut x'oso'k li sahil ch'oolej sa' rochoch li qaYos.

Levítico 26:23

“Ut wi toj teeq'etq'eti eerib' chiwu ut maji' neketaw ru, us ta eek'ulum chixjunil li rahilal a'in,

Li xHu LIX RUT 1:1

Sa'eb' li kutan naq toj maak'a'eb' chaq li awab'ej aran Israel, kiwank jun li nimla we'ej sa' chixjunil li na'ajej a'an. Jo'kan naq jun li winq aj Belén re Judá koho chi na'ajink sa' xteepal Mohab, rochb'een li rixaqil ut eb' li wiib' chi ralal.

Isaías 9:12

eb' laj Siria xe'chalje'k chaq sa' xjayal releb'l saq'e, ut sa' xjayal rokeb'l saq'e xe'chalk eb' laj Filistea. Sa' junpaat xe'xsach ruheb' laj Israel. Ab'anan ink'a' xch'anaak xjosq'il li Qaawa' ut toj yo chi xrahob'tesinkileb' li tenamit.

Oseas 11:5

ab'anan ink'a' ke'raj sutq'iik wik'in. Jo'kan naq tento te'sutq'iiq wi' chik Ejiipt, ut eb' laj Asiria te'awab'ejinq sa' xb'eeneb'.