Amós 4:13 - Q'eqchi Bible

¹³ Xb'aan naq a' li Qaawa' nak'uub'ank reheb' li tzuul, ut a'an nayoob'ank re li iq'. A'an naxk'ut chiru li winq ut li ixq li k'aru wank sa' xch'ool, ut naxsutq'isi li saqenk cho'q aak'ab'. A'an naxb'eeni eb' li tzuul sa' chixjunil li ruuchich'och': li Qaawa', li Nimajwal Yos naxk'ab'a'in.

Li Santil hu

¹³ Li Ka̱cuaꞌ, aꞌan li quiyi̱ban re li tzu̱l ut aꞌan li quiyi̱ban re li ikꞌ. Aꞌan nacꞌutuc re chiruheb li cui̱nk cꞌaꞌru naxcꞌoxla xba̱nunquil. Aꞌan nasukꞌisin re li kꞌojyi̱n chokꞌ cutan. Aꞌan nacuan yalak bar saꞌ chixjunil li ruchichꞌochꞌ. Lix cꞌabaꞌ li Ka̱cuaꞌ, aꞌan lix Dioseb li qꞌuila okꞌob chi ángel.

Amós 4:13 ပူးပေါင်းရင်းမြစ်များ

Amós 5:8

Li Qaawa', a'an li kiyiib'ank reheb' li k'iila chahim, Pléyades ut Oryón li xk'ab'a'eb', ut aak'ab' naxkanab' wi' li kutan. A'an naxjunaji li xha'el li palaw ut naxpaji chaq sa' xb'een li ruuchich'och'. A'an li nasachok xwankil eb' li kaweb' rib' ut naxjuk' li kawub'resinb'il tenamit. Li xk'ab'a' a'an Qaawa'.

Miqueas 1:3

K'ehomaq reetal, li Qaawa' taa'elq chaq sa' li xmuheb'aal, yooq chaq chi b'eek sa' xb'eeneb' li tzuul.

Amós 9:6

Li Qaawa' kixyiib' li xmuheb'aal sa' choxa ut kixk'ojob' li kupku sa' xb'een li ruuchich'och'. A'an naxch'utub' li xha'el li palaw ut naxhoy chaq sa' xb'een li ruuchich'och'. Li xk'ab'a' a'an Qaawa'.

Isaías 47:4

Li Nimajwal Yos, li xSant laj Israel, laj Kolol qe kixye chi jo'ka'in:

Daniel 2:28

Ab'anan wank jun Yos sa' choxa li nakutanob'resink re li muqmuukil na'leb', at awab'ej, ut A'an xk'e chanaw li k'aru taak'ulmanq sa' roso'jikeb' li kutan. Laamatk' ut li moy u li xawil naq yookat chi wark, a'aneb' a'in:

Jeremías 13:16

Loq'onihomaq ru li Qaawa' leeYos, naq toj maji' naq'oqyino'k ut nekextichk'oq sa'eb' li aak'ab'il tzuul. Laa'ex nekeroyb'eni li kutan saqenk, ab'an li Qaawa' tixjal ru cho'q aak'ab' ut cho'q q'oqyinkil choql.

Salmos 65:6

At qaYos, aj Kololat qe, laa'at nakasume li qatij rik'in sachb'ach'oolej. Aawik'in k'ojk'ookeb' xch'ool li wankeb' sa' xmaril li ruuchich'och' jo' ajwi' li wankeb' chire li palaw, toj chi najt.

Deuteronomio 33:29

Us xaq aawe, at Israel. Ani tawi' jo' laa'at, tenamit kolb'ilat xb'aan li Qaawa'? A'an namuheelank ut natenq'ank aawe? Li Qaawa' a'an li ch'iich' nakasacheb' wi' ru li xik' neke'ilok aawe! Eb' a'an te'raj raj aab'alaq'inkil, a'ut laa'at tatnumtaaq sa' xb'eeneb'”, chan laj Moisés.

Zacarías 12:1

A'an a'in li raatin li Yos chirix li tenamit Israel. Li Qaawa', li kihelok re li choxa ut kik'ojob'ank re li ruuchich'och' sa' xna'aj, li kik'ehok xyu'am li winq ut li ixq, a'an kixye chi jo'ka'in:

Amós 8:9

“Sa' li kutan a'an -chan li Qaawa' Yos- tink'e chi aak'ab'o'k ru li kutan ut taachalq li q'oqyink sa' wa'leb'.

Jeremías 51:19

A'ut li xYos laj Jakob moko jo'kan ta: A'an kiyiib'ank re li choxach'och' ut kixsik' ru laj Israel cho'q reechanihom: “Li Nimajwal Yos” a'an li xk'ab'a'.

Jeremías 10:16

A'ut li xYos laj Jakob moko jo'kan ta: A'an kiyiib'ank re li choxach'och' ut kixsik' ru laj Israel cho'q reechanihom: “Li Nimajwal Yos” a'an li xk'ab'a'.

Isaías 40:12

Ani xb'isok re li palaw chi k'utub' malaj xb'is li xnimal ru li choxa rik'in ruq'? Ani xxokok re chixjunil li pojtz' sa' junaq uk'al malaj xb'is eb' li tzuul ut eb' li b'ool sa' junaq peex?

Deuteronomio 32:13

Kixxaqab'eb' xwankil, kixch'oolaniheb' rik'in rawimq li ch'och' ut kixk'eheb' chi xyalb'al li xya'al kab' li na'elk chaq sa' li saqoonak, jo' ajwi' li x'aseeytul li raxpek.

Éxodo 14:20

koxkanaaq sa' xyanqeb' li xmuheb'aaleb' laj Ejiipt ut li xmuheb'aaleb' laj Israel. Q'oqyink ru li choql cho'q reheb' laj Ejiipt, ab'an naxkutanob'resi xb'eheb' li ralal xk'ajol laj Israel. Jo'kan naq kinume'k li q'oqyink chi ink'a' ke'xtaw rib'eb'.

Éxodo 10:22

Laj Moisés kixye' li ruq' sa' xjayal li choxa, ut chiru oxib' kutan kiwank aak'ab' k'ajo' xpimal, sa' xsutam Ejiipt.

San Juan 3:8

Li iq' yalaq b'ar na'apunk ut nakawab'i li xyaab', ab'an ink'a' nakanaw b'ar ta nachalk ut b'ar ta naxik. Jo'kaneb' ajwi' li yo'lajenaqeb' rik'in Musiq'ej.

Habacuc 3:19

Li Qaawa' linYos a'an li xkawub' linch'ool. A'an naseeb'ob'resink eb' li woq jo'keb' roq li kej, ut nikinxk'am toj chi tzuul re naq tinkole'q. A'in xb'ich li xjolomileb' laj b'ichanel, re xb'ichankil rik'ineb' li wajb' li wankeb' li ru.

Amós 6:8

Li Qaawa' kixye li raatin; li Nimajwal Yos kixye chi jo'ka'in: “Xik' nawil li xq'etq'etileb' li ralal xk'ajol laj Jakob; nintz'eqtaanaheb' li xchaq'alil ru ochoch; ut tinq'axtesi chixjunil li tenamit sa' ruq'eb' li xik' neke'ilok reheb'”.

Amós 5:27

Jo'kan naq anaqwan texink'am toj junpak'al Damaask”, chan li Qaawa', li Nimajwal Yos.

Amós 3:13

Li Qaawa', li Nimajwal Yos, kixye chi jo'ka'in: “Ab'ihomaq a'in ut jitomaqeb' li ralal xk'ajol laj Jakob.

Jeremías 51:16

Rik'in li xyaab' xkux neke'ch'utlaak li ha' sa' choxa, ut naxwaklesi eb' li choql toj sa' xmaril li ruuchich'och'. A'an nak'ehok chi repok li kaaq naq yo li hab', ut narisiheb' chaq li iq' b'arwi' k'uulanb'ileb' xb'aan.

Jeremías 10:13

Rik'in xyaab' li xkux neke'ch'utlaak li ha' sa' choxa, ut naxwaklesi eb' li choql toj sa' xmaril li ruuchich'och'. A'an nak'ehok chi repok li kaaq naq yo li hab', ut narisiheb' chaq li iq' b'arwi' k'uulanb'ileb' xb'aan.

Isaías 48:2

Nekeye naq laa'ex li santil tenamit Jerusalén ut nekek'ojob' eech'ool rik'in li Qaawa', li xYos laj Israel, li naxk'ab'a'in «Nimajwal Yos».

Isaías 5:30

Naq taawulaq xkutankil, li tenamit a'an tixjap chaq re jo' xyaab' li palaw naq taachalq sa' xb'eeneb' laj Israel; ut wi wank junaq taaril li ruuchich'och', tixk'e reetal naq junes aak'ab' ru ut rahil ch'oolej, ut maak'a'aq chik li saqenk xb'aan li choql.

Salmos 147:18

Naxtaqla chaq li raatin ut naxha'ob'resi chixjunil; naxwaklesi li iq', ut nab'eek wi' chik roq li ha'.

Salmos 139:2

nakanaw jo'q'e nink'ojlaak ut jo'q'e ninwakliik; us ta najt wankin, ab'an nakanaw li nink'oxla.

Salmos 135:7

Naxtaqsiheb' li choql chalen chaq sa' xmaril li ruuchich'och'; naxtaqla chaq li hab' rik'in raq'kaaq, ut narisi chaq li iq' sa' li k'uulanb'il wi' xb'aan.

San Juan 2:25

ut ink'a' na'ajmank ru naq taa'aatinaq anihaq chirixeb' li poyanam, xb'aan naq A'an naxnaw k'aru wank sa' xch'ool li ju'junq.

San Mateo 9:4

Ab'an li Jesus naxnaw li xk'a'uxeb'; jo'kan naq kixye reheb': —K'a'ut naq nekek'oxla li ink'a' us sa' leech'ool?

Daniel 2:30

Laa'in ajwi' xk'utb'esiik chiwu li tz'aptz'ookil na'leb' a'in: moko xb'aan ta naq q'axal naab'al inna'leb' chiru chixjunileb' li poyanam, yal re b'an xch'olob'ankil chawu li xyaalalil, at awab'ej, ut re ajwi' taataw ru li k'aru yo wi' laak'a'uxl.

Joel 2:2

a'an xkutankil li aak'ab' ut li q'oqyink, xq'ehil li q'oqyinkil choql ut li mu! Jo' naq nahik'e'k li kutan sa' xb'een li tzuul, jo'kan ajwi' yooqeb' chi chalk eb' laj saak', jo' jun teep chi aj puub' q'axal naab'aleb' ut kaweb' rib': maajun wa ilb'il ru a'in chi moko tox'ilmaq chik moqon sa' xyanqeb' li k'iila teep chi tenamit chaalel.

Li xHu LAJ JOB 9:7

Naxye naq ink'a' chi'elq li saq'e ut ink'a' te'lemtz'unq eb' li chahim.

Isaías 45:7

Laa'in ninyoob'ank re li kutan ut li aak'ab', ninb'aanu li usilal jo'wi' li rahilal. Laa'in li Qaawa' ninb'aanunk re chixjunil a'in.

Jeremías 46:18

Laa'in li Qaawa', li Nimajwal Yos, li xnimal ru Awab'ej. Laa'in li yo'yookil Yos. Kama' li tzuul Tabor najt xteram sa' xyanqeb' li tzuul ut li tzuul Karmeel nawakliik sa' xb'een li palaw, jo'kanaq li xmetz'ew li winq taachalq sa' eeb'een.

Oseas 12:6

Jo'kan naq laa'ex aj Israel sutq'inqex rik'in leeYos: chexrahoq ut chexwanq sa' tiikilal, ut k'ojk'ooq leech'ool rik'in leeYos chi junelik.