Amós 3:7 - Q'eqchi Bible

⁷ Jo'kan ajwi', li Qaawa' maak'a' tixb'aanu wi ink'a' xye xb'enwa reheb' laj k'anjel chiru, a'eb' li propeet.

Li Santil hu

⁷ Li Ka̱cuaꞌ incꞌaꞌ tixqꞌue chak li raylal saꞌ xbe̱neb li tenamit chi incꞌaꞌ ta tixye xbe̱n cua reheb lix profeta re nak teꞌxye resil.

Amós 3:7 ပူးပေါင်းရင်းမြစ်များ

San Juan 15:15

Ink'a' chik ninye moosej eere xb'aan naq li moosej ink'a' naxnaw li naxb'aanu laj eechal re; wamiiw b'an chik ninye eere xb'aan naq chixjunil li xwab'i chaq rik'in linYuwa', xlajink'ut cheru.

Génesis 18:17

Toja' naq li Qaawa' kixye: “Ink'a' truuq tinmuq chiru laj Abrahán li k'aru ok we chi xb'aanunkil.

Salmos 25:14

Li Qaawa' a'an ramiiw eb' li neke'paab'ank re, jo'wi' naxk'e chi xnaweb' li xloq'laj sumwank.

Apocalipsis 1:1

A'an a'in li kik'utb'esiik chiru li Jesukriist xb'aan li Yos re naq tixk'ut, chiruheb' laj k'anjel chiru, chixjunil li taak'ulmanq chi seeb'. Li Jesukriist kixtaqla chaq li x'ánjel re xk'eeb'al chixnaw laj Jwan li xmoos;

Génesis 6:13

Jo'kan naq kixye re laj Noé: “Twaj tinsach ruheb' chixjunileb': xmaakeb' a'an naq li ruuchich'och' xnujak chi raaxiik'. Jo'kan naq teb'insach ru; tinsach ajwi' chixjunil li ruuchich'och'.

Apocalipsis 4:1

Moqon chik kiwil sa' moy u jun li okeb'aal teeto sa' choxa; ut li xyaab' kuxej li ak wab'ihom jo' xyaab' li tronpeet, jo'ka'in kixye we: “Taqen chaq arin, ink'utaq chawu li tento taak'ulmanq moqon”.

Daniel 10:21

Anaqwan tink'ut chawu li k'aru tz'iib'anb'il sa' xHuhul li yaal. Maajun natenq'ank we, ka'ajwi' li ánjel Miguel, li na'ilok reheb' laj Israel.

Jeremías 23:22

Wi ta neke'xnaw k'aru ink'uub'ahom, a' raj lintenamit koheb' wi' chi xyeeb'al li waatin; a'aneb' raj li ke'sutq'isink reheb' wik'in re naq te'xkanab' xb'aanunkil li maa'usilal.

Apocalipsis 1:19

Tz'iib'a li k'aru xawil: li yo chi k'ulmank ut li taak'ulmanq moqon.

Daniel 11:2

Ut anaqwan tinye aawe li xyaalalil: «Aran Persia toj toxwanq oxib' chik li awab'ej, ut li xka awab'ej q'axal b'ihomaq chiruheb' li oxib'. Ut naq ak xnimank li xwankilal sa' xk'ab'a' li xb'ihomal, tixchiq' xjosq'ileb' chixjunileb' li poyanam re yalok rik'ineb' laj Grecia.

2 Reyes 22:13

“Ayuqex chi patz'ok rik'in li Qaawa' chiwix laa'in, chirix li tenamit ut sa' xk'ab'a' chixjunileb' laj Judá. Patz'omaq k'aru naraj xyeeb'al eb' li aatin tz'iib'anb'ileb' sa' li hu xtawmank. Nim li xjosq'il li Qaawa' sa' qab'een, xb'aan naq eb' li qaxe' qatoon ink'a' ke'xpaab' li aatin wank sa' li hu a'in chi moko ke'xb'aanu jo' tz'iib'anb'il arin”.

2 Reyes 6:12

Kichaq'ok jun reheb' li xjolomileb' laj puub': “Maajun, at awab'ej. Li xyaalalil a'an naq laj Eliseo, li propeet li wank Israel, naxye re li awab'ej re Israel chixjunil li nakaseeraq'i sa' laawochoch”.

2 Reyes 22:20

Tatq'ajq tatsutq'iiq rik'ineb' laaxe'toonil yuwa' ut tatmuqe'q sa' tuqtuukilal sa' laamuqleb'aal. Ink'a' taawil chixjunil li nimla rahilal tintaqla chaq sa' xb'een li na'ajej a'in»”. Eb' li xtaql li awab'ej ke'xk'am li aatin a'in ut ke'xnumsi re.

Apocalipsis 10:7

Naq taa'ab'imanq li xyaab' xkux li xwuq ánjel ut a'an tixyaab'asi li xtronpeet, toja' naq sa'eb' li kutan a'an taatz'aqloq ru li xtz'aptz'ookil na'leb' li Yos, jo' kixye chaq rik'in chaab'il esilal reheb' laj k'anjel chiru, a'eb' li propeet”.

Ezequiel 29:21

“Chiruheb' li kutan a'an tink'e wi' chik chi nimank xwankileb' laj Israel, ut laa'at, a Esekiel, tatink'e chi aatinak sa' xyanqeb' a'an. Ut chixjunileb' te'xnaw naq laa'in li Qaawa'”.

Daniel 2:47

Chirix chik a'an kixye re laj Daniel: “Relik chi yaal naq leeYos laa'ex, a'an tz'aqal li Yos nim xloq'al, li awab'ej q'axal nim xwankil sa' xb'een chixjunileb' li awab'ej. A'an laj kutanob'resinel re li muqmuukil na'leb', xb'aan naq laa'at xach'olob' xyaalal li tz'aptz'ookil na'leb' a'in”.

1 Samuel 9:15

Jun kutan rub'elaj li xwulajik laj Saúl, ak xyehom li Qaawa' re laj Samuel:

Isaías 18:4

Xb'aan naq jo'ka'in kixye we li Qaawa': “Maak'a' tinye ut yal tin'iloq chaq toj sa' linna'aj, jo'kaqin xtiqwal li saq'e sa' wa'leb', kama'aqin li xchu'ke sa' xq'ehil li q'olok.