Amós 3:1 - Q'eqchi Bible

¹ Ab'ihomaq li naxye li Qaawa' cherix laa'ex aj Israel, jo'k'ihalex li kexwisi chaq sa' li tenamit Ejiipt:

Li Santil hu

¹ La̱ex laj Israel, cherabihak li naxye li Ka̱cuaꞌ che̱rix che̱junilex la̱ex li quexrisi chak saꞌ li tenamit Egipto nak quixye chi joꞌcaꞌin:

Amós 3:1 ပူးပေါင်းရင်းမြစ်များ

Miqueas 3:1

Ut laa'in xinye: “Ab'ihomaq anaqwan, laa'ex xjolomileb' laj Jakob; ab'ihomaq laa'ex li nekextaqlank sa' xb'eeneb' li ralal xk'ajol laj Israel. Ma ink'a' tab'i' sa' eeb'een wank xnawb'al k'aru li tiikilal?

Jeremías 8:3

Ut q'axal us li kamk chiru li yu'amej cho'q reheb' chixjunil li te'kole'q re a reemaaru aj tenamit a'in, sa'eb' li na'ajej b'arwi' teb'incha'cha'i -chan li Nimajwal Yos-.

Oseas 4:1

Ab'ihomaq li raatin li Qaawa', ex aj Israel. Ok re sa' raqb'a aatin rik'ineb' li wankeb' sa' li tenamit a'in, xb'aan naq maak'a' chik arin li tiikil ch'oolej ut li rahok, maajun chik nanawok ru li Qaawa'.

Jeremías 31:1

“Chiruheb' li kutan a'an laa'inaq li xYos chixjunileb' li ralal xk'ajol laj Israel ut a'anaqeb' lintenamit”, chan li Qaawa'.

Isaías 48:12

“Ab'i, a Israel, xtenamitat laj Jakob, li insik'om chaq aawu: Laa'inin; laa'in li xtiklajik ut li xraqik.

2 Crónicas 20:15

ut kixye: “Ab'ihomaq chi us, chejunilex aj Judá ut aj Jerusalén, jo'wi' laa'at, a Josafat, at awab'ej. Li Qaawa' yo chi xyeeb'al eere: «Mexxiwak chi moko chi'ok leek'a'uxl chi rilb'aleb' li k'iila aj puub' a'an, xb'aan naq li yalok a'in, maawa' eere laa'ex, re b'an li Qaawa'.

Apocalipsis 2:29

Ani wank xxik, chirab'ihaq li naxye li Musiq'ej reheb' li Iklees».

Oseas 5:1

“Ex aj tij, ab'ihomaq a'in; ex aj k'amol xb'eheb' laj Israel, q'esaq leexik chi ab'ink; laa'ex li wank eewankil sa' rochoch li awab'ej, k'ehomaq reetal: sa' eeb'een laa'ex taa'uxmanq li raqok aatin, xb'aan naq xeluktasi xch'ooleb' li tenamit aran Mispá ut xera'leheb' li poyanam sa' xb'een li tzuul Tabor.

Isaías 46:3

“Ab'ihomaqin, ex ralal xk'ajol laj Jakob, ut chejunilex aj Israel li xexkole'k: Laa'in kin'iiqanink eere naq toj maji' nekexyo'laak, ut junelik xink'e inch'ool cherilb'al.

Jeremías 13:11

Jo' naq nab'ak'mank li k'aamalsa' chi sa'ej, jo'ka'an naq xwaj xb'ak'b'al wik'in chixjunileb' li tenamit Israel ut Judá, rik'in xk'oxlankil naq a'aneb' raj intenamit, li xnimal ink'ab'a', linloq'al ut linwankilal. A'ut eb' a'an ink'a' xe'raj wab'inkil.

Miqueas 2:3

Jo'kan naq li Qaawa' xye chi jo'ka'in: “Laa'in ajwi' xink'uub' jun rahilal cho'q eere. Tintaqla sa' eeb'een jun rahilal li ink'a' texruuq wi' xkolb'al eerib'; ut ink'a' chik texb'eeq chi wanq eewankil, xb'aan naq chalk re xkutankil li sachok.

Sofonías 2:5

Ra chaalel sa' eeb'een laa'ex aj Kreta, li wankex chire li palaw. Li Qaawa' ak xraqok aatin sa' eeb'een: “Laa'ex aj Kanahán, xteepalex aj Filistea, ok we chejuk'b'al, ut maajun chik tkanaaq.

1 Crónicas 16:13

ex riyajil laj Israel aj k'anjel chiru, ex ralal xk'ajol laj Jakob li sik'b'il ru xb'aan.

Amós 4:1

Ab'ihomaq li aatin a'in, ex rixqilal Samaria, chanchanex li ninqi wakax li wankeb' Basán. Laa'ex nekerahob'tesi eb' li neb'a', neketawasiheb' li toq'ob'aal ruheb' ut nekepatz' eeb'iin reheb' leeb'eelom re texkalaaq.

Amós 5:1

Ex aj Israel, ab'ihomaq li waatin a'in; ok we chi xb'ichankil jun rahil b'ich cho'q eere: