Amós 2:4 - Q'eqchi Bible

⁴ Jo'ka'in kixye li Qaawa': “Ak k'iila sut xinkuy xmaakeb' laj Judá ut anaqwan maak'a' chik xkuyb'al, xb'aan naq xe'xtz'eqtaana li xchaq'rab' li Qaawa' ut ink'a' xe'xpaab' li raatin. Xe'xk'e rib' chi b'alaq'iik xb'aaneb' li yal k'oxlanb'il yos, jo' ke'xb'aanu eb' li xmama' rixa'aneb'.

Li Santil hu

⁴ Ut quixye cuiꞌchic li Ka̱cuaꞌ: —Nabal sut ac xincuy xma̱queb laj Judá. Anakcuan incꞌaꞌ chic tincuyeb xma̱c xban nak numtajenak cuiꞌchic li ma̱usilal yo̱queb chixba̱nunquil. Queꞌxtzꞌekta̱na lin chakꞌrab ut incꞌaꞌ nequeꞌxba̱nu li cꞌaꞌru ninye reheb. Queꞌxlokꞌoni li yi̱banbil dios joꞌ queꞌxba̱nu lix naꞌ xyucuaꞌeb.

Amós 2:4 ပူးပေါင်းရင်းမြစ်များ

Ezequiel 20:24

Xb'aan naq toj naxik xch'ooleb' chirixeb' li xjalanil yoseb' li xna' xyuwa'eb'; jo'kan naq ke'xtz'eqtaana linchaq'rab', ink'a' ke'xpaab' li waatin ut ke'xsach xwankil linhilob'aal kutan.

Ezequiel 20:16

Xb'aan naq toj naxik li xch'ooleb' chirixeb' li jalanil yos; jo'kan naq ke'xtz'eqtaana linchaq'rab', ink'a' ke'xpaab' li waatin ut ke'xsach xwankil linhilob'aal kutan.

Ezequiel 20:13

Ab'anan eb' laj Israel ke'xq'etq'eti rib' chiwu sa' li chaqich'och' ut ink'a' ke'xpaab' linchaq'rab'; ke'xtz'eqtaana li waatin li nak'ehok xyu'am li ani napaab'ank re, ut ke'xsach xwankil linhilob'aal kutan. Toja' naq kink'oxla risinkil linjosq'il sa' xb'eeneb' ut xkamsinkileb' aran sa' li chaqich'och'.

Habacuc 2:18

K'aru aj e li xjalam u junaq k'oxlanb'il yos? A'an yal jalanil yos, aj b'alaq'; a'an yal xb'aanuhom junaq aj peech'. Ma naru tixk'ojob' xch'ool li xyiib'ank re? Xb'aan naq eb' li yiib'anb'il yos ink'a' neke'aatinak.

Oseas 12:2

Li Qaawa' yo chi jitok chirixeb' laj Judá, ut tixk'eheb' chi xtojb'al rix li xmaakeb' laj Jakob, tixk'e xq'ajkamunkileb' jo' chanru li xyehom ut xb'aanuhomeb'.

Isaías 28:15

Laa'ex nekeye: “Xqak'e qib' sa' aatin rik'in li kamk, xqab'aanu jun sumwank rik'in li xna'ajeb' li kamenaq. Jo'kan naq sa' li kutan taachalq wi' li nimla rahilal, ink'a' tooxsach, xb'aan naq xootik'ti'ik re xkolb'al qib' ut xqamuq qib' sa' li b'alaq'il na'leb'”.

Romanos 1:25

eb' a'an ke'jalok re li tz'aqal Yos rik'in li tik'ti', ut a' chik li k'a'aq re ru yoob'tesinb'il ke'xnima ru ut ke'xloq'oni cho'q reeqaj laj Yoob'tesinel, li usilaatinanb'il chi junelik q'e kutan. Jo'kan taxaq.

Amós 3:2

“Ka'ajwi' laa'ex xinsik' eeru sa' xyanqeb' chixjunileb' li tenamit sa' ruuchich'och'. Jo'kan naq texink'e chi xtojb'al rix leek'iila maak”.

Ezequiel 20:18

«Toja' naq kintz'aama chiruheb' li ralal xk'ajoleb', sa' li chaqich'och', naq ink'a' te'xtaaqe xb'e li xna' xyuwa'eb', chi moko te'xpaab' li raatineb' malaj te'xtz'ajni rib' rik'ineb' li jalanil yos.

Jeremías 9:14

ke'xb'aanu b'an chik li nawulak chiruheb' jo' chanru xkawilal li xjolomeb', ut ke'xloq'oni ru laj Bahal, jo' ke'tzole'k wi' chaq xb'aaneb' li xna' xyuwa'eb'.

Jeremías 8:9

Eb' li wankeb' xna'leb' te'kanaaq sa' xutaan; taasachq xna'leb'eb' ut te't'ane'q sa' li xtik'ti'eb'. Xe'xtz'eqtaana li raatin li Qaawa': k'a' chik na'ok wi' li xna'leb'eb'?

Nehemías 1:7

xb'aan naq ink'a' xqapaab' laachaq'rab', laawaatin ut laataqlahom li xak'e qe sa' xk'ab'a' laj Moisés aj k'anjel chawu.

2 Reyes 17:19

Ab'anan chi moko eb' laj Judá ke'xpaab' xchaq'rab' li Qaawa' li xYoseb', ke'xk'e b'an xch'ooleb' chirix li maa'usilal li k'aynaqeb' xb'aanunkil eb' laj Israel.

1 Pedro 1:18

Laa'ex nekenaw naq xex'ach'ab'aak chiru li jo'maajo'il na'leb' li kek'ul chaq rik'ineb' leena' leeyuwa': moko xexkole'k ta rik'in li k'a'aq re ru nalajk na'oso'k, jo' li oor ut li plaat,

1 Ts 4:8

Jo'kan naq li natz'eqtaanank re li chaq'rab' a'in, maawa' winq naxtz'eqtaana, a' b'an li Yos, li nak'ehok eere li xSantil Musiq'.

Oseas 6:11

Ut cho'q aawe, at Judá, ak xaqxo sa' aab'een li xkutankil li tojb'amaak.

Ezequiel 22:28

Eb' li propeet neke'xmuq li yaal, jo' naq nab'onmank li ochoch rik'in chun; neke'xye naq neke'ilok moy u, ab'an moko yaal ta: Li Qaawa' xye chi jo'ka'in, chankeb', ab'anan laa'in ink'a' xin'aatinak.

Ezequiel 22:8

At Jerusalén, ink'a' nakawoxloq'i eb' linloq'laj eechej chi moko linhilob'aal kutan.

Ezequiel 20:30

“Ye reheb' laj Israel: «Jo'ka'in xye li Qaawa': Ma toj yooqex chi xmuxb'al eerib' jo' ke'xb'aanu chaq eb' leena' leeyuwa'? K'a'ut naq toj yookex chi xloq'oninkil ru eb' li jalanil yos?

Ezequiel 13:22

Xb'aan naq xerahob'tesi xch'ooleb' li tiikeb' ru xyu'am rik'in li tik'ti', li maajun wa inb'aanuhom laa'in, ut xek'e xkawil xch'ooleb' li maa'us aj winqeb' chi xb'aanunkil li maa'usilal, re raj naq te'kole'q chiru li tojb'amaak.

Jeremías 16:12

Ut laa'ex q'axal yib' wi' chik ru xeb'aanu chiruheb' a'an, xb'aan naq li junjunq eere laa'ex naxb'aanu li maa'usilal li naraj xch'ool xb'aanunkil ut ink'a' ajwi' nikineepaab'.

Jeremías 8:2

ut te'hire'q chiru li saq'e, chiru li po ut chiruheb' chixjunil li xchahimal li choxa li ke'xra ut ke'xk'anjela ru, li ke'xtaaqe, li ke'patz'ok wi' ut ke'xloq'oni ru. Ink'a' chik te'xoke'q chi moko te'muqmanq; jo'kaqeb' aj chik li k'ot chiru ch'och'.

Jeremías 6:19

Ab'ihomaq li wankex sa' ruuchich'och'! Tink'am chaq li rahilal sa' xb'een li tenamit a'in xb'aan li maa'usilal neke'xk'uub'. Ink'a' neke'raj xpaab'ankil li waatin ut neke'xtz'eqtaana linchaq'rab'.

Isaías 44:20

Relik chi yaal naq eb' li poyanam a'an neke'xkawu xch'ooleb' chirix li maak'a' na'ok wi', ut neke'xb'alaq'i rib'eb'. Maajoq'e te'ruhanq chi xkolb'al rib'eb' chi moko te'xye: “Tik'ti' tz'aqal li k'aru wank sa' linnim uq'”.

Nehemías 9:26

“Ab'anan chirix a'an ke'xq'et laawaatin, ke'xq'etq'eti rib' chawu ut ke'xtz'eqtaana laachaq'rab'. Ke'xkamsiheb' li propeet li ke'xch'olob' chiruheb' naq te'sutq'iiq wi' chik aawik'in, ut k'ajo' naq kate'xmajewa.

2 Crónicas 30:7

Ink'a' jo'qex leena' leeyuwa' ut leeras eeriitz'in li ke'xq'etq'eti rib' chiru li Qaawa', xYos eb' li xxe'toonil yuwa'eb'. Jo'kan naq A'an kixq'axtesiheb' chi sache'k, jo' yookex chi rilb'al anaqwan.

Jueces 10:6

Ab'anan eb' laj Israel ke'ok wi' chik chi xb'aanunkil li ink'a' nawulak chiru li Qaawa': ke'xloq'oniheb' laj Bahal ut eb' lix Astarté, jo' ajwi' li xyoseb' laj Aram ut Sidón, li xyoseb' laj Mohab, li reheb' laj Amón ut reheb' laj Filistea. Ke'xtz'eqtaana li Qaawa' ut ink'a' chik ke'k'anjelak chiru.

Jeremías 16:11

Toja' naq taaye reheb': «Xb'aan naq kine'xtz'eqtaana eb' leena' leeyuwa' -chan li Qaawa'- ut koheb' xch'ool chirixeb' li jalanil yos; ke'xloq'oni ruheb' ut ke'k'anjelak chiruheb'. Kine'xtz'eqtaana laa'in ut ink'a' ke'xpaab' linchaq'rab' ink'ehom reheb'.

Amós 1:3

Jo'ka'in kixye li Qaawa': “Ak k'iila sut xinkuy xmaakeb' laj Damaask ut anaqwan maak'a' chik xkuyb'al, xb'aan naq k'ajo' naq xe'xrahob'tesi eb' laj Galahad.

Miqueas 6:12

Chixjunileb' li b'ihom sa' li tenamit a'in aj rahob'tesineleb'; ut eb' li tenamit aj tik'ti'eb' ut aj b'alaq'eb'.

2 Crónicas 25:14

Naq laj Amasías kisutq'iik chaq chi xq'axb'aleb' ru laj Edom, kixk'am chaq li xyoseb' laj Seír; kixxaqab'eb' cho'q yos sa' rochoch, kixwiq'ib' rib' re xloq'oninkileb' ru ut kixk'at ensens chiruheb'.

Jeremías 17:27

Ab'anan wi ink'a' nikineepaab' re xsantob'resinkil li xwuq li kutan, ut nekeroksi leeriiq sa' li tenamit Jerusalén sa' li kutan a'an, laa'in tink'e chi k'ate'k eb' li rokeb'aal li tenamit; ut li xam a'an tixk'at eb' li xchaq'alil ru ochoch re Jerusalén, ut maajun chik taaruuq chi chupuk re»”.

Oseas 12:3

Naq toj maji' nayo'laak, laj Jakob kixmaq' li xb'een alalb'ejil chiru li ras; ut naq winq chik, kiyalok rik'in li Qaawa' Yos.