Amós 2:2 - Q'eqchi Bible

² Jo'kan naq tink'e xxamlel chixjunil li xteepal Mohab ut te'k'ate'q eb' li xchaq'alil ru ochoch re Keryot. Sa' li nimla mululij ib' te'kamq eb' laj Mohab, naq yooq chi yaab'asiik li pur sa' xhonalil li yalok.

Li Santil hu

² Tinqꞌue xxamlel li tenamit Moab, ut tincꞌat ajcuiꞌ eb lix palacio aran Queriot. Ta̱ecꞌa̱nk li trompeta ut japjo̱keb re nak yo̱k li ple̱t ut talajeꞌcamsi̱k chixjunileb.

Amós 2:2 ပူးပေါင်းရင်းမြစ်များ

Jeremías 48:41

Xe'chapje'k eb' li tenamit ut xe'eechaniik eb' li kawub'resinb'il ochoch. Chiru li kutan a'an k'ajo' naq taamayoq xch'ooleb' laj puub' aj Mohab, siksootqeb' aj chik jo'kaqeb' li ixq ok re chi alank.

Jeremías 48:24

Keryot, Bosrá, ut sa' xb'eeneb' chixjunil li tenamit wankeb' sa' xteepal Mohab, jo' li wankeb' chaq chi najt ut li wankeb' chi nach'.

Amós 1:14

Jo'kan naq tink'e xxamlel li xsuttz'akil li tenamit Rabá ut te'k'ate'q eb' li xchaq'alil ru ochoch. Tinb'aanu chi jo'kan sa' xkutankil li yalok, sa' li nimla mululij ib', jo' xyaab' li kawil kaqsut-iq'.

Jeremías 48:34

Li xyaab'eb' laj Jesbón nawulak toj Elalé ut na'ab'imank toj Yahás; na'uxk japok e Sohar ut na'ab'iik toj Joronáhin ut Eklat-Selisiyá, xb'aan naq xchaqik li nima' re Nimrín.

Isaías 9:5

Chixjunil li xxaab'eb' laj puub' li kaw na'eek'ank chiru ch'och' ut eb' li aq'ej oso'jenaqeb' sa' kik' te'k'atmanq ut te'oso'q sa' xam.

Jeremías 48:45

“Eb' laj eelel te'xik chi tawajenaqeb' chi xkolb'al rib' sa' xmu Jesbón; ab'an x'elk chaq jun xam aran Jesbón, sa' rochoch laj Sijón, li awab'ej, ut xk'ateb' li xtzuulul Mohab, a'an jun tenamit q'etq'et ut aj po'ol ch'oolej.

Ezequiel 25:8

“Laa'in, li Qaawa', ninye chi jo'ka'in: Mohab ut Seír neke'xye naq Judá juntaq'eet rik'ineb' li tenamit junch'oleb'.

Amós 1:4

Jo'kan naq tink'e xxamlel li rochoch laj Jasahel, ut tinjuk'eb' ajwi' li xmuheb'aal laj Ben-Adad.