Amós 1:2 - Q'eqchi Bible

² Kixye chi jo'ka'in: “Toj Sión naxjap chaq re li Qaawa'; toj Jerusalén na'ab'iik li xyaab' xkux. Eb' li xna'ajeb' li ketomq xe'chaqikje'k, ut xjoxk'o'k ru li tzuul Karmeel”.

Li Santil hu

² Quixye: —Li nimajcual Dios ta̱a̱tinak chak chi cau xya̱b xcux toj Sión. Toj aran Jerusalén ta̱a̱tinak chak li Ka̱cuaꞌ. Ut nak ta̱a̱tinak chak, talajeꞌchakik li pim. Ut talajeꞌchakik ajcuiꞌ li pachꞌayaꞌ saꞌ li tzu̱l Carmelo.

Amós 1:2 ပူးပေါင်းရင်းမြစ်များ

Joel 3:16

Naq li Qaawa' naxjap chaq re chi aatinak aran Sión ut li xyaab' xkux na'ab'imank Jerusalén, na'eek'ank sa' xna'aj li choxach'och'. A'ut li Qaawa' a'an li xmuheelahom li xtenamit, li neke'xkol wi' rib'eb' laj Israel.

Jeremías 25:30

“At Jeremías, ye chixjunileb' li aatin a'in sa' ink'ab'a'. Ye reheb' chi jo'ka'in: «Li Qaawa' tixjap chaq re sa' li choxa ut taa'aatinaq chaq chi kaw toj sa' li xsantil muheb'aal. Tixjap chaq re chi raatinankil li xtenamit, jo' naq neke'xjap reheb' li neke'yatz'ok ru li uub'.

Amós 9:3

Wi te'xmuq rib' sa' xjolom li tzuul Karmeel, toj toxinsik'eb' ajwi' chaq aran ut teb'inchap chaq; ut wi te'xmuq rib' chiwu sa' xchamal li palaw, tintaqla li xk'anti'il li ha' chi xtiwb'aleb'.

Jeremías 12:4

Jo' najtil chik taawanq li ch'och' chi ra sa' xch'ool ut chaqi aj chik li pim sa'eb' li tzuultaq'a? Xb'aan li xmaa'usilaleb' li poyanam xe'osoje'k eb' li ketomq ut eb' li xik'anel xul. Xb'aan naq neke'xye: “Li Qaawa' ink'a' naxnaw li naqab'aanu”, chankeb'.

Isaías 42:13

Li Qaawa' taa'elq chaq jo' li q'axal kaw rib', tixjap chaq re jo' junaq aj puub'; chi k'ajo' xjosq'il taa'ok chi yalok ut tixq'ax ruheb' li xik' neke'ilok re.

Nahum 1:4

Naxch'iila li palaw ut naxk'e chi chaqik; naxchaqihob'resi ajwi' eb' li nima'. Chiru li Qaawa' neke'tz'umak li xpimul Basán ut Karmeel, ut neke'chaqik eb' li uutz'u'uj re Líbano.

Joel 2:11

Li Qaawa' tixjap re chi xtaqlankileb' a'an. K'ajo'aq xk'ihaleb' laj k'anjel chiru ut jwal naab'alaqeb' li neke'paab'ank re. Xiwajelaq li kutan taaraqoq wi' aatin li Qaawa'. Maajun taakuyuq re rilb'al.

Oseas 13:8

Tinkut wib' sa' xb'eeneb' jo' naxb'aanu li tz'uqtz'un naq neke'maq'ek li ral chiru; tint'upiheb' li xch'ool, aran ajwi' tinputz'iheb' jo' naxb'aanu li kaqkoj; ut eb' li k'iche'il xul te'choyoq reheb'.

Jeremías 50:19

Israel taasutq'iiq chaq wi' chik sa' li xch'och', ut chanchan junaq karneer sa taatzekanq aran Karmeel ut Basán, jo'wi' sa'atqeb' li k'iche' re Efraín ut Galahad, toj reetal taak'ojlaaq xch'ool.

Jeremías 14:2

“Judá yo chi yaab'ak xb'aan xrahil xch'ool; yookeb' li kamk eb' li xtenamit ut neke't'anaxink li poyanam chiru ch'och'. Japjo re Jerusalén xb'aan li rahilal.

Isaías 35:2

chi'atz'umaq jo' li saqihix ut chixjapaq re xb'aan xsahil xch'ool. Jwal taach'ina'uso'q jo' li tzuul Líbano, jo' li xchaq'alil ru li Karmeel ut li xtaq'ahil Sarón. Chixjunileb' te'ril li xnimal xloq'al li Qaawa' ut te'xk'e reetal li xwankil li qaYos.

Isaías 33:9

Ra rilb'al li ruuchich'och' naq yo chi oso'k ut chi tz'uyink. Xtz'umaak li tzuul Líbano ut xchaqik chi junajwa. Jo' chaqich'och' xkanaak li xtaq'ahil Sarón; Basán ut li tzuul Karmeel xe'chaqik ru.

Proverbios 20:2

Naq li awab'ej najosq'o'k, naxjap re jo' li kaqkoj; li ani nayoob'ank xjosq'il xiw xiw wank li xyu'am.

1 Samuel 25:2

Kiwank Mahón jun li winq jwal b'ihom, li wank xch'och' sa' li tenamit Karmeel. Lajeek'aal xwaqxaq o'q'ob' (3,000) chi karneer ut lajeek'aal rox o'q'ob' (1,000) chi chib'aat wank re. Sa' jun kutan yo chi xb'esb'al rixeb' li xkarneer aran Karmeel.

Salmos 46:6

Li Qaawa' wank sa' xyi li xtenamit, maak'a' taa'eek'asinq re; li Yos natenq'ank re chalen naq nasaqewk.

Jeremías 28:8

Eb' li propeet li ke'wank chaq junxil, naq toj maji' nokooyo'laak chaq laa'o, ke'xye chaq resil li raaxiik', li we'ej ut li raxkamk taawanq sa' naab'aleb' chi tenamit ut xninqal awab'ejihom.

Oseas 11:10

A' chik li Qaawa' te'xtaaqe, ut A'an tixjap re jo' naxb'aanu li kaqkoj. Tixjap re, ut chixjunileb' li alalb'ej te'chalq sa' xjayal rokeb'l saq'e chi siksootqeb' xb'aan xxiweb'.

Joel 1:19

At Qaawa', nintz'aamank nin'elajink chawu, xb'aan naq li xam xsach li raxpim sa' li junesal na'ajej ut xe'k'ate'k chixjunileb' li che'k'aam.

Salmos 29:4

Li xyaab' xkux li Qaawa' a'an q'axal kaw, li xyaab' xkux li Qaawa' a'an rajawal nim xwankil.