Amós 1:13 - Q'eqchi Bible

¹³ Jo'ka'in kixye li Qaawa': “Ak k'iila sut xinkuy xmaakeb' laj Amón ut anaqwan maak'a' chik xkuyb'al, xb'aan naq jachb'il xe'xb'aanu reheb' li yaj aj ixq aj Galahad naq xe'xkamsiheb', yal re xmaq'b'al li xch'och'eb'.

Li Santil hu

¹³ Ut quixye ajcuiꞌ li Ka̱cuaꞌ: —Nabal sut ac xincuy xma̱queb laj Amón. Anakcuan incꞌaꞌ chic tincuyeb xma̱c xban nak numtajenak cuiꞌchic li ma̱usilal yo̱queb chixba̱nunquil. Queꞌpletic riqꞌuineb laj Galaad re xmakꞌbal lix chꞌochꞌeb. Ut nak yo̱queb chi pletic, jachbil queꞌxba̱nu reheb li yaj aj ixk nak queꞌxcamsiheb.

Amós 1:13 ပူးပေါင်းရင်းမြစ်များ

Oseas 13:16

Eb' laj Samaria te'xtoj rix li xmaakeb' xb'aan naq ke'xq'etq'eti rib' chiru li Qaawa' li xYoseb'. Te'kamsije'q chi q'esnal ch'iich', eb' li ralal xk'ajol te'pik'aje'q chiru ch'och' ut eb' li ixq wankeb' sa' yu'am te'jachmanq chi ch'iich'”.

Ezequiel 35:10

«Laa'at xaye: Weheb' li wiib' teep chi tenamit; qeechaniiq Israel us ta aran wank li Qaawa', chankat.

Isaías 5:8

Ra chaalel sa' eeb'een li yookex chi loq'ok naab'al chi ochoch, li yookatqex chi loq'ok ch'och', toj reetal naq maajun chik nekek'ul ut chanchan naq ka'ajex wi' laa'ex wankex sa'eb' li tenamit.

Amós 1:3

Jo'ka'in kixye li Qaawa': “Ak k'iila sut xinkuy xmaakeb' laj Damaask ut anaqwan maak'a' chik xkuyb'al, xb'aan naq k'ajo' naq xe'xrahob'tesi eb' laj Galahad.

Ezequiel 21:28

“At kaamel winq, aatinan sa' ink'ab'a' ut ye reheb' laj Amón li neke'xse'e eb' laj Israel: «Li q'esnal ch'iich' ak q'esnanb'il ut ak yo'oon wank re kamsink; ak lemtz'unb'il ru re naq replotq rilb'al naq taasachoq».

Nehemías 2:19

Naq laj Sanbalat aj Jorón, laj Tobías aj Amón, ut laj Kesen aj Arabia ke'rab'i resil a'in, ke'xtikib' qase'enkil ut qatz'eqtaanankil; ke'xye: “K'aru ok eere chi xb'aanunkil? Ma teeraj xq'etq'etinkil eerib' chiru li awab'ej?”, chankeb'.

2 Crónicas 20:10

Ab'an anaqwan wankeb' arin eb' laj Amón, eb' laj Mohab ut eb' li chalenaqeb' sa' li tzuul Seír, b'arwi' ink'a' kawaj roksinkileb' li qaxe' qatoon naq ke'elk chaq Ejiipt; jo'kan naq eb' li qana' qayuwa' yal ke'nume'k chirix li na'ajej a'an ut ink'a' ke'xsach ruheb' li tenamit a'an.

2 Crónicas 20:1

Moqon chik eb' laj Mohab, eb' laj Amón, rochb'eeneb' laj Mahón, koheb' chi yalok rik'in laj Josafat.

2 Reyes 24:2

Ab'anan li Qaawa' kixtaqlaheb' aj Kaldeha, aj Aram, aj Mohab ut aj Amón; kixtaqlaheb' chi yalok rik'in laj Johakín, rik'ineb' laj Judá re xsachb'al ruheb', jo' yeeb'il xb'aan li Qaawa' chi xtz'uumal reheb' li xpropeet.

Deuteronomio 2:19

ut taataweb' li ralal xk'ajol laj Amón. Maachiq' xjosq'ileb' chi moko taatikib' yalok rik'ineb', xb'aan naq maak'a' re li xtenamiteb' li ralal xk'ajol laj Amón tink'e ta aawe: ink'ehom chik cho'q reechanihomeb' li ralal xk'ajol laj Lot», chan.

Salmos 83:7

eb' li ralal xk'ajol aj Edom ut eb' laj Ismael, eb' laj Mohab ut eb' laj Hagar,

2 Reyes 15:16

Toja' naq laj Menajén ki'elk Tirsá ut koxsach ru chi junajwa Tapúhaj, eb' li xpoyanamil jo'wi' jo'ch'inal jo'nimal wank chi xsutam. Kixb'aanu chi jo'kan xb'aan naq ink'a' kiteemank rokeb'aal li tenamit chiru: kixkamsiheb' li tenamit ut kixpa chi ch'iich' xsa'eb' li ixq wankeb' sa' yu'am.

Jeremías 25:21

eb' laj Edom, eb' laj Mohab ut eb' li ralal xk'ajol laj Amón;

2 Samuel 12:31

ut eb' li poyanam li toj wankeb' aran, kirisiheb' ut kixk'eheb' chi jachok che', chi isink pek, chi yok'ok che' ut chi yiib'ank xan. Jo'kan ajwi' kixb'aanu rik'in chixjunileb' li xtenamiteb' aj Amón. Chirix chik a'an kisutq'iik Jerusalén rochb'een chixjunileb' laj puub'.

2 Reyes 8:12

“K'a'ut naq nakatyaab'ak, wa'chin?”, chan laj Jasahel. Laj Eliseo kixsume: “Xb'aan naq ninnaw li rahilal taab'aanu reheb' laj Israel: taak'ateb' li ochoch kawub'resinb'ileb', taakamsiheb' chi ch'iich' eb' li saaj winq, taaputz'iheb' li xk'uula'aleb' ut taacho'eb' chi ch'iich' li xsa'eb' li ixq wankeb' sa' yu'am”, chan.

Ezequiel 25:1

Li Qaawa' kinraatina ut kixye we chi jo'ka'in:

Oseas 14:1

At aj Israel, sutq'in wi' chik rik'in li Qaawa' laaYos, xb'aan naq laamaak xt'anok aawe.