Abdías 1:9 - Q'eqchi Bible

⁹ K'ajo' xxiweb' li kaweb' rib' chi yalok sa' li tenamit Temán, ut maajun junaq tkanaaq chi yo'yo sa'atqeb' li k'iche' sa' xteepal Esaú.

Li Santil hu

⁹ Sicsotkeb xbaneb xxiu li cauheb rib chi pletic saꞌ li tenamit Temán. Ut telajeꞌsachekꞌ ruheb chixjunileb li cuanqueb saꞌ li tzu̱l saꞌ lix naꞌajeb li ralal xcꞌajol laj Esaú.

Abdías 1:9 ပူးပေါင်းရင်းမြစ်များ

Amós 1:12

Jo'kan naq tink'e xxamlel li tenamit Temán ut te'k'ate'q eb' li xchaq'alil ru ochoch re Bosrá”.

Ezequiel 25:13

Jo'kan naq laa'in, li Qaawa', ninye: Tintaqsi li wuq' chi xrahob'tesinkileb' laj Edom ut tinsacheb' li winq ut li xul sa' xyanqeb'. Joxk' tinkanab' li xch'och'eb' ut, chalen Temán toj Dedán, te'kamsiiq chi ch'iich' eb' li poyanam.

Jeremías 49:22

K'ehomaq reetal, li xik' na'ilok re Bosrá yo chi chalk sa' xb'een jo' junaq t'iw li xhel li xxik' sa' xb'een li xtzak. Sa' li kutan a'an q'axal te'xiwaq eb' li kaweb' rib' aj Edom, chanchanaqeb' li ixq li ok re chi alank”.

Génesis 36:11

Eb' li ralal xk'ajol laj Elifás a'aneb' a'in li xk'ab'a': laj Temán, laj Omar, laj Sefó, laj Katán ut laj Kenás.

Jeremías 49:20

“Jo'kan naq ab'ihomaq li tinb'aanu laa'in, li Qaawa', reheb' laj Edom, k'aru xink'uub' xb'aanunkil reheb' laj Temán. Jukunb'il naq te'isiiq eb' li raleb' li karneer, ut li xna'ajeb' taasache'q ru.

Jeremías 49:7

Jo'ka'in kixye li Nimajwal Yos chirixeb' laj Edom: “Ma maak'a' chik li chaab'il na'leb' aran Temán? Ma x'oso'k li seeb'al k'a'uxl rik'ineb' li wankeb' xna'leb'? Ma xsachk tab'i' li chaab'il na'leb'?

Li xHu LAJ JOB 2:11

Oxib'eb' li ramiiw laj Job ke'rab'i resil li rahilal kichalk sa' xb'een; ke'elk sa' li tenamit wankatqeb' wi' ut koheb' chi xk'ojob'ankil xch'ool ut xkotzb'al b'ayaq li xrahilal. A'aneb' a'in xk'ab'a'eb': laj Elifás aj Temán, laj Bildad aj Súaj ut laj Sofar aj Nahamat.

Abdías 1:21

Te'numtaaq sa' xb'eeneb' ut te'taqsinq aran Sión re raqok aatin sa' xb'eeneb' li xtzuululeb' laj Esaú, ut a' chik li Qaawa' taa'awab'ejinq.

Amós 2:16

Sa' li kutan a'an, li q'axal kaw rib' sa' xyanqeb' laj puub' taa'eleliq chi t'ust'u!”, chan li Qaawa'.

1 Crónicas 1:45

Naq kikamk laj Jobab, a' chik laj Jusán ki'awab'ejink sa' xna'aj, xkomoneb' laj Temán.

Nahum 3:13

Eb' laasoldaad xe'yopirk: chanchaneb' ixq sa' xyanqeb' li xik' nele'ilok reheb'. Eb' li okeb'aal xe'tehonk chi xka'pak'alil ut li xam xk'at chixjunil li xnat'b'al rix.

Deuteronomio 2:5

mexyalok rik'ineb', xb'aan naq laa'in maak'a' re li xch'och'eb' a'an tink'e eere, chi moko jun miinaq ta xna'aj leeroq, xb'aan naq li tzuul Seír kink'e chireechani laj Esaú.

Abdías 1:5

“Wi ta te'wulaq eb' laj elq' sa' laawochoch chiru q'oqyink, ink'a' raj te'xk'am chixjunil. Ut wi ta te'chalq eb' laj q'olonel, ma ink'a' raj te'xkanab' kach'inaq cho'q aawe?

Habacuc 3:3

Yo chi chalk li Qaawa' toj aran Temán; toj sa' li tzuul Parán yo chi chalk li jwal nim xsantilal. Li xnimal xwankil naxkupu li choxa ut nujenaq li ruuchich'och' rik'in li xloq'al.