Abdías 1:3 - Q'eqchi Bible

³ Li xq'etq'etil laach'ool xatxb'alaq'i. Wankat sa' xyanqeb' li saqoonak ut chiru tzuul nakayiib' laamuheb'aal; jo'kan naq xaye sa' laach'ool: «Ani tkutuq we chi ch'och'?», chankat.

Li Santil hu

³ Xebalakꞌi e̱rib e̱junes xban le̱ kꞌetkꞌetil. Xeyi̱b le̱ naꞌaj toj saꞌ xbe̱n li tzu̱l saꞌ xya̱nkeb li ni̱nki pec ut nequeye saꞌ e̱chꞌo̱l, ¿Ani ta biꞌ ta̱ru̱k ta̱taꞌok ke arin? Arin ma̱ ani ta̱numta̱k saꞌ kabe̱n, chanquex.

Abdías 1:3 ပူးပေါင်းရင်းမြစ်များ

Jeremías 49:16

Xatxb'alaq'i laaq'etq'etil, xb'aan naq xiwajel aawu naq xatwank. Laa'at wankat sa' xyanqeb' li saqoonak ut kaw aach'ool rik'ineb' li najt xteramil tzuul. Us ta taayiib' laamuheb'aal chi jwal najt xteram jo' li t'iw, toj aran ajwi' tatinkub'si chaq -chan li Qaawa'-.

Proverbios 29:23

Li q'etq'et aj winq taakub'siiq xwankil; a'ut li kub'enaq xwankil, taak'ehe'q xloq'al.

Isaías 16:6

Ak qab'ihom resil li xq'etq'etil eb' laj Mohab: q'etq'eteb', josq' aj winqeb' ut neke'xnimob'resi li xwankileb' chi maak'a' rajb'al.

2 Reyes 14:7

Laj Amasías kixkamsi lajeeb' mil chi winq aj Edom, sa' xTaq'ahil li Atz'am, ut kireechani li tenamit Selá naq kiyalok: Yoktehel chik kixk'e cho'q xk'ab'a', ut a'an naxk'ab'a'in chalen toj anaqwan.

Malaquías 1:4

Wi ta eb' laj Esaú te'xye: “Yaal naq xoosache'k, ab'an tqawaklesi wi' chik li qatenamit”, cha'qeb', li Qaawa', li Nimajwal Yos, tixye: “Wi eb' a'an te'xwaklesi wi' chik li xtenamiteb', laa'in tinjuk'uq wi' chik re. Ut li na'ajej a'an tixk'ab'a'in: «Xtenamitul li maa'usilal», ut «Tenamit b'arwi' junelik wanq li xjosq'il li Qaawa'»”.

Jeremías 49:4

K'a'ut naq nakanima aawankil rik'in laachaab'il ch'och', at q'etq'etil tenamit? K'a'ut naq nakakawu aach'ool chirix laab'ihomal, ut nakaye: “Ani taaruuq chi yalok wik'in?”, chankat.

Proverbios 18:12

Li q'etq'etil, kamk nokoxraqe'q wi'; ab'an li xtiklajik li loq'al, a'an li tuulanil.

Proverbios 16:18

Li naxk'e xwankil xjunes rib', taa'oso'q; li naxq'etq'eti rib', taat'ane'q.

2 Crónicas 25:12

Eb' laj Judá ke'xchap ajwi' lajeeb' mil chi winq li yo'yookeb', ke'xk'ameb' sa' xb'een saqoonak ut toj aran ke'xkuteb' taq'a, ut kok'putz' ke'kanaak.

2 Crónicas 25:11

Laj Amasías kixkawu xch'ool ut k'amol b'e chiruheb' laj puub' koho sa' xTaq'ahil li Atz'am, ut kixkamsiheb' lajeeb' mil chi winq aj Seír.

Li xHu LAJ JOB 20:6

Us ta q'axal najtaq xteram ut toxtaw ta li choql rik'in li xjolom,

Jeremías 21:13

Laa'in, li Qaawa', yo tz'aqal injosq'il sa' eeb'een li nim eewankil chiru taq'a, jo'kex li saqoonak chiru li helhookil ru ch'och'. Laa'ex nekeye: Ani taachalq chi yalok qik'in? Ani toltawoq qe sa' li qakawub'resinb'il tenamit? chankex.

Jeremías 37:9

Laa'in, li Qaawa', ninye eere naq meek'ojob' leech'ool chi xk'oxlankil naq eb' laj Kaldeha te'eleliq chi junajwa, xb'aan naq moko te'xik ta.

Jeremías 48:28

Elenqex sa'eb' leetenamit, ex aj Mohab, ayuqex chi wank sa'eb' li saqoonak jo'eb' li mukuy li neke'sukub'k junqre li uul.

Génesis 36:8

Jo'kan naq koxkanaaq laj Esaú sa' li na'ajej Seír (laj Esaú aj Edom ajwi' nayeemank re).

Ezequiel 28:16

Xmaak xlaatz'al aawu xb'aan li yakok xnujak chi maa'usilal laach'ool ut xatmaakob'k. Toja' naq xatwisi sa' linsantil na'aj, at kerubín aj k'aak'alenel, ut xatwaanilasi sa' xyanqeb' li lochlookil pek.