Abdías 1:19 - Q'eqchi Bible

¹⁹ Eb' laj Israel li wankeb' Nejeb te'reechaniheb' li tzuul sa' xteepal Edom; ut eb' li wankeb' chiru taq'a, te'reechani li xtenamiteb' laj Filistea. Te'reechani ajwi' li xteepaleb' laj Efraín ut aj Samaria; ut eb' laj Benjamín, a'aneb' li te'eechaninq re li na'ajej Galahad.

Li Santil hu

¹⁹ Eb laj Israel li cuanqueb aran Neguev, aꞌaneb li teꞌe̱chani̱nk re li tzu̱l saꞌ lix naꞌajeb laj Esaú. Ut eb laj Israel li cuanqueb saꞌ li ru takꞌa Sefela, aꞌaneb li teꞌe̱chani̱nk re lix chꞌochꞌeb laj filisteo. Ut aꞌaneb ajcuiꞌ li teꞌe̱chani̱nk re lix chꞌochꞌeb laj Efraín ut lix chꞌochꞌeb laj Samaria. Ut eb li ralal xcꞌajol laj Benjamín, aꞌaneb li teꞌe̱chani̱nk re li naꞌajej Galaad.

Abdías 1:19 ပူးပေါင်းရင်းမြစ်များ

Amós 9:12

re naq eb' laj Israel te'xq'ax ruheb' laj Edom ut te'reechani wi' chik li k'aru xkanaak reheb' chixjunil li tenamit weechanihomeb' chaq junxil”. A'an a'in raatin li Qaawa', li nab'aanunk re li naxye.

Jeremías 32:44

Te'xloq'atq xch'och'eb' ut te'xtoj rik'in plaat; te'xtz'iib'a xhuhul, te'xkaaxti ut eb' li testiiw te'xjuch' li xk'ab'a'eb' sa' xhuhul li ch'och'. A'in taak'ulmanq sa' xteepal Benjamín, sa' xsutam Jerusalén ut sa'atqeb' li tenamit re Judá, sa'eb' li tzuultaq'a ut sa' xteepal Nejeb, xb'aan naq te'sutq'iiq chaq wi' chik li wankeb' chaq chi preexil”, chan li Qaawa'.

Ezequiel 36:28

Texwanq sa' li ch'och' ink'ehom reheb' leena' leeyuwa'. Laa'exaq lintenamit ut laa'inaq leeYos.

Miqueas 7:14

At Qaawa', chawil taxaq laatenamit rik'in laawankil, chab'eresiheb' laakarneer sik'b'ileb' ru aab'aan, li wankeb' xjunes sa' li k'iche' ut sutsuukeb' sa' xq'emal li ch'och'. K'ameb' chi ichajib'k sa' xteepal Basán ut Galahad, jo' naq ke'wank chaq junxil.

Amós 1:13

Jo'ka'in kixye li Qaawa': “Ak k'iila sut xinkuy xmaakeb' laj Amón ut anaqwan maak'a' chik xkuyb'al, xb'aan naq jachb'il xe'xb'aanu reheb' li yaj aj ixq aj Galahad naq xe'xkamsiheb', yal re xmaq'b'al li xch'och'eb'.

Amós 1:8

Tinsach ruheb' laj Asdod jo' ajwi' li na'awab'ejink re Askalón; tinrahob'tesiheb' laj Ekrón ut tinsach ruheb' laj Filistea chi junajwa”, chan li Qaawa'.

Ezequiel 25:16

Jo'kan naq laa'in, li Qaawa', ninye chi jo'ka'in: Tintaqsi li wuq' chi xrahob'tesinkileb' laj Filistea; tinsach ruheb' laj Keret jo' ajwi' li xe'kole'k chire li palaw.

Jeremías 49:1

Jo'ka'in kixye li Qaawa' chirixeb' laj Amón: “Ma maak'a'eb' tab'i' ralal xk'ajoleb' laj Israel? Ma maajun taa'eechaninq re li xna'ajeb'? K'a' put naq li yos Mikón chik x'eechanink re Gad ut eb' laj Amón xe'kanaak sa'eb' li xtenamiteb'?

Salmos 69:35

Chinimaaq ru li Qaawa' xb'aan li choxach'och'; chinimaaq ru xb'aan li palaw ut chixjunil li nab'ulb'utk chisa'.

Esdras 4:17

Toja' naq li awab'ej Artajerjes kixtz'iib'a reeqaj li xhuheb' ut kixye reheb' chi jo'ka'in: “Nintaqla xsahil xch'ool laj Rejún aj jolominel, laj Sinsay aj tz'iib' ut chixjunileb' li rochb'eeneb' li wankeb' Samaria ut sa' chixjunil li na'ajej sa' xjayal rokeb'l saq'e re li nima' Éwfrates.

Esdras 4:2

ke'wulak rik'in laj Sorobabel, laj Josué ut rik'ineb' li xjolomileb' junkab'al, ut ke'xye reheb': “Texqatenq'a chi kab'lak, xb'aan naq laa'o ajwi' naqasik' leeYos ut nokoomayejak chiru, jo' nekeb'aanu laa'ex, chalen sa'eb' li kutan naq kiwank cho'q awab'ej re Asiria laj Asaradón, li kik'amok chaq qe arin”.

1 Crónicas 5:26

Jo'kan naq li xYos laj Israel kixtoch' xch'ool laj Pul, awab'ej re Asiria, naraj naxye naq laj Tiklat-Piléser, a' li kirisi sa' xna'ajeb' eb' laj Rubén ut aj Gad jo'wi' li xyiijachil xteepaleb' laj Manasés; ut kixk'ameb' aran Jalaj, Jabor, Jará, jo'wi' chire li nima' Gosán, b'arwi' wankeb' toj anaqwan.

2 Reyes 17:24

Li awab'ej re Asiria kixk'ameb' chaq laj Babilonia, laj Kutá, aj Abá, laj Jamat ut eb' aj Separbáhin, ut kixk'eheb' xna'aj sa' li tenamit Samaria, ke'wank wi' eb' laj Israel. Jo'kan naq ke'reechani Samaria ut ke'kanaak sa' li xna'ajeb' laj Israel.

Josué 15:33

Chiru taq'a a'aneb' a'in li tenamit li ke'tz'aqk eb' laj Judá: Estahol, Sorá, Asná,

Josué 15:21

Eb' li tenamit li ke'tz'aqk eb' li ralal xk'ajol laj Judá sa' rokeb'l iq', toj sa' xnub'ajl Edom, aran Nejeb, a'aneb' a'in: Kabsehel, Éder, Yakur,

Josué 13:31

jo' ajwi' li xyiijachil Galahad, Astarot ut Edreí, xtenamitul li x'awab'ejihom laj Og, awab'ej re Basán. Chixjunil a'in reechanihom li xyiijachil li xk'ihaleb' laj Makir, ralal xk'ajol laj Manasés, chi ch'uutal.

Josué 13:25

Li xch'och'eb' a'an Jaser, chixjunileb' li tenamit re Galahad, li xyiijachil li xna'ajeb' laj Amón toj Aroher, li wank sa' xka'yab'aal Rabá,

Números 1:32

Sa' xyanqeb' li ralal laj José, naq ke'ajlaak eb' li ralal xk'ajol laj Efraín, chi teep ut chi junkab'alil, ut ke'tz'iib'aak xk'ab'a'eb' chi junqaleb' chixjunileb' li winq chalen aj junqmay chihab' li yo'ooneb' chi yalok,