Abdías 1:15 - Q'eqchi Bible

¹⁵ Xb'aan naq yo chaq chi nach'ok li xkutankil li Qaawa' cho'q reheb' chixjunil li tenamit. Jo' xab'aanu laa'at reheb' li junch'ol chik, jo'kan ajwi' naq taa'uxmanq aawe: taachalq sa' aab'een laak'ulub' xk'ulb'al.

Li Santil hu

¹⁵ Joꞌ xeba̱nu reheb laj Judá, joꞌcan ajcuiꞌ te̱cꞌul la̱ex. La̱ex te̱cꞌul le̱ kꞌajca̱munquil. Cuulac re xkꞌehil nak la̱in li Ka̱cuaꞌ tinrakok a̱tin saꞌ xbe̱neb chixjunileb li jalanil tenamit. Ut tinrakok ajcuiꞌ a̱tin saꞌ e̱be̱n la̱ex.

Abdías 1:15 ပူးပေါင်းရင်းမြစ်များ

Habacuc 2:8

Jo' naq xamaq' li xb'ihomaleb' li k'iila tenamit, jo'kan ajwi' naq te'xmaq' chawu li k'a'aq re ru xawelq'a. Jalanil tenamit taak'ehoq aawe chi xtojb'al rix laamaa'usilal jo' ajwi' chixjunil li xab'aanu re li qana'aj, reheb' li qatenamit ut reheb' li jo'k'ihal wankeb' chisa'.

Santiago 2:13

Xb'aan naq maak'a'aq uxtaanal sa' li raqb'a aatin cho'q re li ink'a' ki'uxtaanank u; a'ut li na'uxtaanank u naxq'ax ru li raqb'a aatin.

San Mateo 7:2

Xb'aan naq jo' chanru nekexraqok aatin laa'ex, jo'kan ajwi' naq taaraqmanq aatin sa' eeb'een; ut rik'in li b'isleb' nekexb'isok wi', texb'ise'q ajwi' laa'ex.

Ezequiel 30:3

xb'aan naq ak xnach'ok chaq xkutankil li Qaawa'. Jwal aak'ab'aq ru li kutan a'an, xkutankil li raqb'a aatin sa' xb'eeneb' li tenamit.

Miqueas 5:15

Chirix chik a'an, rik'in linjosq'il tin'eeqajunq sa' xb'eeneb' li tenamit li ink'a' xe'ab'ink”.

Jeremías 50:29

“Ch'utub'omaq chixjunileb' li neke'kutuk rik'in simaj re xik chi yalok rik'in Babilonia. Sutumaq rix li tenamit re naq maajun taa'eleliq. Eeqajuuq re jo' chanru xk'ulub' ut b'aanuhomaq re jo' chanru xb'aanu a'an, xb'aan naq xq'etq'eti rib' chiwu laa'in li Qaawa', li xsant laj Israel.

Salmos 137:8

At Babilonia aj juk'unelat, us xaq re li taa'eeqajunq aawe li rahilal qak'ulum aab'aan;

Joel 1:15

Rahil kutan chalk re! Nach' chik wank li xKutankil li Qaawa'; xiwajel rilb'al li sachok chalk re xb'aan li Nimajwal Yos.

Ezequiel 35:15

Jo' naq xsaho'k laach'ool naq xsache'k ru li na'ajej reechanihom laj Israel, jo'kan ajwi' tinb'aanu aawe: joxk' ch'och' tatinkanab', at tzuul Seír, at xteepal Edom. Toja' naq taanawmanq naq laa'in li Qaawa'».

Jeremías 49:12

Jo'ka'in kixye li Qaawa': “Wi eb' li ink'a' xk'ulub'eb' xk'ulb'al li rahilal, xe'rahob'tesiik, ma toja' ta chik laa'at tatkanaaq chi ink'a' taatoj rix laamaak? Relik chi yaal naq tento tatrahob'tesiiq re xtojb'al rix laamaak.

Jueces 1:7

Toja' naq laj Adoni-Bések kixye reheb': “Junxil lajeeb' xkaak'aal chi awab'ej neke'xokok chaq xk'aj wa rub'el linmeex, chi yok'b'il li xna' ru'uj ruq'eb' ut li xna' ru'uj roqeb'. Ab'an anaqwan, jo' chanru xinb'aanu, jo'kan ajwi' naq xinxq'ajkamu li Yos”, chan. Ut ke'xk'am Jerusalén, ut aran kikamk.

Li xHu LAJ JOB 24:1

K'a'ut naq li Nimajwal Yos ink'a' naxxaqab' xkutankil li raqb'a aatin re naq eb' li neke'paab'ank re te'xk'e reetal li xtiikilal xch'ool?

Jeremías 51:56

Xchalk laj sachonel sa' xb'een Babilonia, ak xe'chape'k laj puub' ut xe'toqiik li xsimajeb'. Xb'aan naq li Qaawa' a'an jun Yos naq'ajkamunk ut naxk'e re li junjunq jo' chanru li xyehom xb'aanuhom.

Ezequiel 35:11

Jo'kan naq laa'in, li Qaawa', ninye li waatin naq tinb'aanu aawe jo' chanru laajosq'il, laakaqal, laaxik'il uuchink li xab'aanu re Israel. Jo'kan ajwi' naq tatinrahob'tesi laa'in, ut aran te'xnaw wu eb' laj Israel.

Joel 2:1

Yaab'asihomaq li pur aran Sión, yehomaq li esil a'in sa' linsantil tzuul. Che'xiwaq chixjunileb' li wankeb' Judá, xb'aan naq chalk re li xKutankil li Qaawa', nach' chik wank li kutan a'an:

Joel 2:11

Li Qaawa' tixjap re chi xtaqlankileb' a'an. K'ajo'aq xk'ihaleb' laj k'anjel chiru ut jwal naab'alaqeb' li neke'paab'ank re. Xiwajelaq li kutan taaraqoq wi' aatin li Qaawa'. Maajun taakuyuq re rilb'al.

Amós 5:18

Ra teek'ul laa'ex li nekeroyb'eni li xKutankil li Qaawa'. Ma nekenaw xyaalal chanru li kutan a'an? A'an jun aak'ab', ut maawa' kutan.

Amós 5:20

Ma sahil ch'oolej ut saqenk ru li xKutankil li Qaawa'? Ink'a', a'an b'an jun aak'ab' ut q'oqyink ru.

Ester 9:25

Ab'an lix Ester koxk'ut rib' chiru li awab'ej, ut a'in kixtz'iib'a naq li rahilal kixpatz' laj Amán sa' xb'eeneb' laj Judiiy toxkanaaq sa' xb'een ut te'kamsiiq chi t'uyt'u laj Amán jo'wi' eb' li ralal xk'ajol.

Proverbios 5:22

Li ink'a' us xch'ool nat'ane'k sa' li xmaa'usilal; a' ajwi' li xmaak nasachok re.

Jeremías 12:14

Jo'ka'in kixye li Qaawa': “Chixjunileb' li rechkab'al laj Israel ink'a' useb' xna'leb'. A'aneb' li xe'sachok re li na'ajej ink'ehom re li tenamit Israel; jo'kan naq laa'in twisiheb' sa' li xna'ajeb', ut twisiheb' chaq laj Judá sa' xyanqeb'.