Abdías 1:12 - Q'eqchi Bible

¹² Ink'a' raj xsaho'k laach'ool chirix li xrahilal laawiitz'in. Ink'a' ajwi' xsaho'k raj laawaanm chirix li roso'jik laj Judá, chi moko xase'e raj sa' xkutankil li raaxiik'.

Li Santil hu

¹² Incꞌaꞌ raj xsahoꞌ e̱chꞌo̱l saꞌ li cutan nak li ralal xcꞌajol li ri̱tzꞌin le̱ xeꞌto̱nil yucuaꞌ yo̱queb chixcꞌulbal li raylal. Incꞌaꞌ raj xsahoꞌ saꞌ e̱chꞌo̱l chirilbaleb laj Judá nak queꞌrahobtesi̱c. Ut incꞌaꞌ raj xehobeb nak xeꞌnumta li xicꞌ nequeꞌiloc reheb saꞌ xbe̱neb.

Abdías 1:12 ပူးပေါင်းရင်းမြစ်များ

Miqueas 4:11

Anaqwan naab'aleb' li tenamit xe'xch'utub' rib' chi xxik'b'al aawilb'al: “Chimuxmanq Sión ut chisaho'q qach'ool rik'in rilb'al li roso'jik Jerusalén”, chankeb'.

Ezequiel 35:15

Jo' naq xsaho'k laach'ool naq xsache'k ru li na'ajej reechanihom laj Israel, jo'kan ajwi' tinb'aanu aawe: joxk' ch'och' tatinkanab', at tzuul Seír, at xteepal Edom. Toja' naq taanawmanq naq laa'in li Qaawa'».

Proverbios 17:5

Li naxse'e li neb'a' naxhob' li Yos; li nasaho'k xch'ool rik'in li xrahilal, taaraqmanq aatin sa' xb'een.

1 Samuel 2:3

Meenaab'alob'resi leeq'etq'etil aatin, mi'elk chi xtz'uumal eere li xnimankil eerib', xb'aan naq li Qaawa' a'an jun Yos li naxnaw chixjunil, a'an naraqok aatin sa' xb'een li junjunq.

2 Pedro 2:18

Neke'aatinak rik'in xninqal ru aatin sa' xmajelal xna'leb'eb'; ut rik'in li naxrahi li tz'ejwalej jo'wi' rik'in li wank chi jo'maajo', neke'xq'unb'esi eb' li toja' xe'elk chaq sa' xyanqeb' li wankeb' sa' li ink'a' usil na'leb'.

San Judas 1:16

Eb' a'in aj wech'oneleb', maak'a' nawulak chiruheb'; wankeb' jo' naraj li tz'ejwalej. Neke'aatinak re xnimob'resinkil rib'eb' ut neke'q'unb'esink yal re xk'ulb'al li k'aru neke'raj.

Salmos 37:13

Ab'an li Qaawa' naxse'e xaq li yib'ru xna'leb': naxnaw naq wulak re xq'ehil naq taasache'q.

Salmos 31:18

At Qaawa', ink'a' taxaq xutaanal tinkanaaq rik'in xyaab'ankil laak'ab'a'; a'eb' b'an li ink'a' useb' xch'ool che'kanaaq sa' xutaan, ch'anch'ooqeb' taxaq naq te'xik sa' xb'alb'a.

Salmos 22:17

Sutsuukin xb'aaneb' li josq' aj tz'i', xiikileb' chinramb'al li neke'b'aanunk maa'usilal: xe'xhopoxihatq li woq li wuq';

Li xHu LAJ JOB 31:29

Ink'a' xsaho'k inch'ool rik'in xrahilal li xik' na'ilok we, chi moko rik'in rilb'al naq wank sa' ch'a'ajkilal.

Apocalipsis 13:5

Kik'ehe'k ajwi' xwankil li josq' aj xul chi xyeeb'al q'etq'etil aatin ut majewank, jo' ajwi' chi k'anjelak chiru wiib' roxk'aal po.

Santiago 3:5

Jo'kan ajwi' li ru'uj qaq': a'an jun xch'ina cha'al li qajunxaqalil, ab'an naxnima rib' rik'in xninqal ru b'aanuhom. K'ehomaq reetal li ch'ina xam: k'ajo' xnimal li k'iche' naxk'at!

San Lucas 19:41

Naq kinach'ok li Jesus rik'in Jerusalén ut kiril li tenamit, kiyaab'ak chirix ut kixye:

Lamentaciones 4:21

Saho'qat ut se'en, at tenamit Edom, laa'at li wankat sa' xteepal Us! Laa'at ajwi' taawuk' xsa' li xsek' li raqb'a aatin: tatkalaaq ut tatkanaaq chi t'ust'u.

Isaías 37:24

Chi xtz'uumal reheb' laataql xahob' li Qaawa' ut xaye sa' laach'ool: «Rik'ineb' link'iila b'eleb'aal ch'iich' xintaqe'k sa' xb'eeneb' li tzuul, toj sa' xb'een Líbano li ink'a' naru wi' wulak. Xint'aneb' li yaw najteb' xteram ut eb' li xchaq'alil ru saqichaj, xinwulak toj sa' xjolom li tzuul, sa' li raxraxil ru k'iche'.

Salmos 92:11

Ab'an laa'at xak'e inmetz'ew jo' xmetz'ew li toor, xahoy li sununkil b'an sa' xb'een linjolom.

Salmos 59:10

At inYos, laa'at laj k'ehol xkawub' linch'ool, aawik'in xaqxo li woyb'enihom, xb'aan naq laa'at linsaqoonak.

Salmos 54:7

Chinaq taxaq li maa'usilal sa' xb'eeneb' li xik' neke'ilok we, chasach taxaq ruheb' sa' xk'ab'a' laatiikilal, at Qaawa'!

Li xHu LAJ JOB 18:20

Te'xiwaq ut te'sachq xch'ool jo'k'ihaleb' li wankeb' sa' releb'l ut rokeb'l li saq'e.

Salmos 35:15

Ab'an naq xintaw inch'a'ajkilal, xe'se'ek ut xe'ch'utlaak; xe'xch'utub' rib' re xxik'b'al wilb'al: maak'a' sa' inch'ool naq xine'xsak', tik ink'a' xe'xkanab' inrahob'tesinkil.

Lamentaciones 2:16

Chixjunileb' li xik' neke'ilok aawe neke'aatinak chawix; neke'xuxb'ak ut neke'xk'uxuxi li ruuch reheb': “Xqasach ru -chankeb'-. A'an a'in li kutan yooko royb'eninkil. Ak xqataw, ak yooko rilb'al!”.

Ezequiel 35:12

Toj aran taanaw naq laa'in xwab'i chixjunil laahob'om chirixeb' li xtzuulul Israel naq xaye: Ak xe'oso'k, anaqwan taaqeechani, chankat.

Ezequiel 36:5

Jo'ka'in xye li Qaawa': Sa' xxamlel injosq'il twaatinaheb' li tenamit junch'ol, ut q'axal wi' chik rik'ineb' laj Edom, xb'aan naq chi k'ajo' xsahilaleb' xch'ool xe'reechani linna'aj ut xe'relq'a chixjunil li k'a'aq re ru wank chisa'».