Abdías 1:11 - Q'eqchi Bible

¹¹ Sa' li kutan naq eb' li xik' neke'ilok re li tenamit xe'xchap chixjunil ut eb' li jalaneb' xtenamit xe'xjuk' li rokeb'aal Jerusalén ut xe'xb'uuli rix, laa'at ajwi' jun sa' xyanqeb': maak'a' xab'aanu re xtenq'ankileb' laakomon.

Li Santil hu

¹¹ Li queꞌchal saꞌ jalan tenamit, li xicꞌ nequeꞌiloc reheb, queꞌxtꞌan li oqueba̱l re li tenamit Jerusalén ut queꞌnumta saꞌ xbe̱neb. La̱ex cuanquex aran ut ma̱cꞌaꞌ queba̱nu re xtenkꞌanquileb laj Judá. Chanchan ajcuiꞌ la̱ex jun saꞌ xya̱nkeb li xicꞌ nequeꞌiloc reheb xban nak incꞌaꞌ quetenkꞌaheb nak queꞌmakꞌeꞌ chiruheb li cꞌaꞌru cuan reheb.

Abdías 1:11 ပူးပေါင်းရင်းမြစ်များ

Salmos 137:7

At Qaawa', che'jultijo'q taxaq aawe eb' laj Edom naq xe'xye chaq sa' xkutankil li xsachik Jerusalén: “Juk'umaq, juk'umaq toj reetal chixjunil li rub'elankil!”.

Nahum 3:10

Ab'anan eb' laj Tebas ke'isiik ajwi' sa' li xna'ajeb' ut ke'k'ame'k sa' ab'l tenamit; eb' li ralal xk'ajol ke'pik'aje'k chiru tz'ak sa'atqeb' li xaalib'e. Ke'xb'uuli rixeb' li xninqaleb' ru winq ut ke'k'ame'k chi b'ak'b'o eb' li xjolomil li tenamit.

Joel 3:3

Ke'xb'uuli rix lintenamit, ke'xk'e li k'uula'al cho'q xtojb'aleb' laj yumb'eet ut ke'xk'ayi li ixqa'al cho'q xtz'aq li b'iin ke'kalaak wi'.

Salmos 50:18

Wi nakawil junaq aj elq', nakatxik chirix, nakajunaji aawib' rik'ineb' laj muxul sumlaak.

2 Reyes 25:11

Chirix chik a'an laj Nebusardán, xjolomileb' laj puub', kirisi jo'k'ihaleb' chik ke'kanaak sa' li tenamit, eb' li ke'okenk chirix li awab'ej re Babilonia, jo' ajwi' eb' li xkomoneb' li tenamit.

Salmos 83:5

“Kimqex -chankeb'-; qasachaqeb' ru sa' xyanqeb' li tenamit, mi'ab'imank chik li xk'ab'a'eb' laj Israel!”.

Salmos 83:6

Jo'ka'in xe'k'uub'ank chi junaj ru xch'ooleb', xe'xk'amchi'i rib' chi xxik'b'al aawilb'al:

Ezequiel 35:10

«Laa'at xaye: Weheb' li wiib' teep chi tenamit; qeechaniiq Israel us ta aran wank li Qaawa', chankat.

Amós 1:6

Jo'ka'in kixye li Qaawa': “Ak k'iila sut xinkuy xmaakeb' laj Gasa ut anaqwan maak'a' chik xkuyb'al, xb'aan naq xe'xchap junq teep chi tenamit re xk'ayinkil reheb' laj Edom.

Amós 1:9

Jo'ka'in kixye li Qaawa': “Ak k'iila sut xinkuy xmaakeb' laj Tiro ut anaqwan maak'a' chik xkuyb'al, xb'aan naq xe'xchap junq teep chi tenamit re xk'ayinkil reheb' laj Edom, ut ink'a' xe'xk'e sa' xch'ool li sumwank rik'ineb'.

Sofonías 2:10

A'an te'xtoj wi' li xq'etq'etil eb' laj Mohab ut aj Amón, xb'aan naq xe'xmajewa ut xe'xhob' li xtenamit li Nimajwal Yos.