Abdías 1:10 - Q'eqchi Bible

¹⁰ “Sa' xk'ab'a' xrahob'tesinkil ut xkamsinkil laawiitz'in laj Jakob, tatkanaaq sa' xutaan ut tat-oso'q chi junwaakaj.

Li Santil hu

¹⁰ La̱ex aj Edom, ralal xcꞌajolex laj Esaú, ta̱cꞌutekꞌ e̱xuta̱n ut texsachekꞌ chi junaj cua xban li ma̱usilal li queba̱nu reheb li ralal xcꞌajol laj Jacob, li ri̱tzꞌin le̱ xeꞌto̱nil yucuaꞌ.

Abdías 1:10 ပူးပေါင်းရင်းမြစ်များ

Amós 1:11

Jo'ka'in kixye li Qaawa': “Ak k'iila sut xinkuy xmaakeb' laj Edom ut anaqwan maak'a' chik xkuyb'al, xb'aan naq rik'in ch'iich' xe'raanilasiheb' laj Israel li riitz'ineb' ut xe'xsach xwankil li uxtaanank u. Xe'xtz'eqtaanaheb' chi junwaakaj ut junelik xe'xk'uula sa' xch'ooleb' li josq'ink.

Ezequiel 35:9

Nakirirnak tatinkanab' chi junajwa, ut maajun chik taawanq sa'eb' laatenamit. Toja' naq taanawmanq naq laa'in li Qaawa'.

Salmos 89:45

Xak'e chi raqe'k li xnimal xloq'al ut xakut chi ch'och'el li xk'ojarib'aal.

Génesis 27:41

Chalen sa' li kutan a'an laj Esaú ki'ok chi xxik'b'al rilb'al laj Jakob xb'aan li osob'tesiik xk'ulum rik'in li xyuwa'. Ut kixye sa' xch'ool: “Taanach'oq chaq li xkamik linyuwa'. Toja' naq tinkamsi laj Jakob li wiitz'in”, chan sa' xch'ool.

Salmos 137:7

At Qaawa', che'jultijo'q taxaq aawe eb' laj Edom naq xe'xye chaq sa' xkutankil li xsachik Jerusalén: “Juk'umaq, juk'umaq toj reetal chixjunil li rub'elankil!”.

Miqueas 7:10

Li xik' na'ilok we taaril a'an; taaril ut taakanaaq sa' xutaan. Ut li xyehok we junxil: “B'ar wank li Qaawa' laaYos?”, anaqwan taasaho'q linch'ool chi rilb'al naq taayeq'iiq sa' oqej jo' xsululel li b'e.

Joel 3:19

Ejiipt taasache'q chi junajwa ut Edom nakirnak taakanaaq jo' li chaqich'och', xb'aan li rahilal ke'xb'aanu reheb' laj Judá, naq ke'xkamsi li maak'a'eb' xmaak sa' li xtenamiteb'.

Ezequiel 7:18

Te'xk'e q'es ruhil t'ikr chirixeb' chi k'ajo'aqeb' xxiw; numtajenaqaq xxutaan ut joob'ilaq chik li xjolomeb'.

Lamentaciones 4:21

Saho'qat ut se'en, at tenamit Edom, laa'at li wankat sa' xteepal Us! Laa'at ajwi' taawuk' xsa' li xsek' li raqb'a aatin: tatkalaaq ut tatkanaaq chi t'ust'u.

Jeremías 51:51

Laa'ex nekeye: “Xutaanal xookanaak, xb'aan naq naqab'i li qahob'b'al; xookaqo'k xb'aan qaxutaan rik'in rilb'al naq eb' laj ab'l tenamit xe'ok chaq sa' qayanq ut xe'xmux li xsantil ochoch li Yos”, chankex.

Jeremías 49:13

Xb'aan naq xinye injurament naq li tenamit Bosrá taasache'q ru, tz'eqtaananb'ilaq ut majewanb'ilaq; ut nakirirnak te'kanaaq chixjunileb' li xtenamitul chi junwaakaj”.

Jeremías 3:25

Qakub'siiq b'i' li qawankil xb'aan qaxutaan, ut chookanaaq chi maak'a' chik qaloq'al, xb'aan naq xoomaakob'k chiru li Qaawa' li qaYos, chalen chaq sa' li qasaajilal, laa'o ut eb' li qana' qayuwa'. Ink'a' xoo'ab'ink chiru li Qaawa' li qaYos”.

Salmos 132:18

Xutaanal teb'inkanab' li xik' neke'ilok re; a'ut a'an taalemtz'unq li xkoroon chi junelik”.

Salmos 109:29

Eb' li neke'jitok we che'sachq ta xch'ool ut che'kanaaq sa' xutaan chi junajwa.

Salmos 69:7

At Nimajwal Yos, ink'a' taxaq te'xutaanaq inb'aan eb' li wankeb' royb'enihom aawik'in! Ink'a' taxaq te'luktaaq xch'ool inb'aan eb' li neke'sik'ok aawe, at xYos laj Israel!

Génesis 27:11

Kixye laj Jakob re lix Rebeka li xna': “Q'ol is rix laj Esaú li was ut laa'in ink'a'!

Deuteronomio 23:7

“Maatz'eqtaana laj Edom, xb'aan naq aawas aawiitz'in. Maatz'eqtaanaheb' laj Ejiipt, xb'aan naq katwank chaq sa' li xtenamiteb'.

2 Crónicas 28:17

xb'aan naq chalenaqeb' wi' chik laj Edom, ke'yalok wi' chik rik'ineb' laj Judá ut naab'aleb' li poyanam ke'chape'k.

Proverbios 10:6

Osob'tesinb'il xb'aan li Yos li ani chaab'il xch'ool; a'ut li ink'a' us xna'leb' junes maa'usilal muqmu chi xtz'uumal re.

Deuteronomio 23:8

Eb' li ralal xk'ajoleb' a'an li te'yo'laaq sa' li rox xteepal riyajil truuq te'k'ule'q sa' li xkomonil li Qaawa'.

Proverbios 17:5

Li naxse'e li neb'a' naxhob' li Yos; li nasaho'k xch'ool rik'in li xrahilal, taaraqmanq aatin sa' xb'een.

Jeremías 12:14

Jo'ka'in kixye li Qaawa': “Chixjunileb' li rechkab'al laj Israel ink'a' useb' xna'leb'. A'aneb' li xe'sachok re li na'ajej ink'ehom re li tenamit Israel; jo'kan naq laa'in twisiheb' sa' li xna'ajeb', ut twisiheb' chaq laj Judá sa' xyanqeb'.

Lamentaciones 4:22

At tenamit Sión, ak xatoj rix laamaak; li Qaawa' ink'a' chik tatxk'am sa' najtil tenamit. A'ut laa'at, Edom, li Yos taak'ajtesinq aawu, ut tixk'e chi kutankil chixjunil laamaa'usilal!