3 Juan 1:2 - Q'eqchi Bible

² At inrahom, ninnaw naq chaab'il yookat chi xk'amb'al laayu'am, ut nintijok chawix re naq kawaqat ut us chat-elq rik'in chixjunil.

Li Santil hu

² At inherma̱n, yo̱quin chi tijoc cha̱cuix re nak us tat-e̱lk riqꞌuin chixjunil li cꞌaꞌru ta̱ba̱nu. Ut nintijoc ajcuiꞌ cha̱cuix re nak cauhakat. Ninnau nak ti̱c la̱ chꞌo̱l chiru li Dios.

3 Juan 1:2 ပူးပေါင်းရင်းမြစ်များ

2 Pedro 3:18

Chexk'iiq sa' rusilal li Qaawa' rik'in xnawb'al ru li Jesukriist, laj Kolol qe. Rehaq taxaq li loq'al, anaqwan toj sa' li kutan ink'a' nalajk na'oso'k. Jo'kan taxaq.

1 Pedro 4:8

Xb'een xb'een chiru chixjunil q'axal cherahaq eerib', xb'aan naq li rahok k'ajo' xk'ihal li maak naxtz'ap ru.

2 Ts 1:3

Ex qas qiitz'in, junelik teneb'anb'il sa' qab'een naq toob'anyoxinq re li Yos cherix laa'ex, jo' xk'ulub', xb'aan naq q'axal yo chi k'iik leepaab'aal ut numtajenaq chik nekera eerib' rik'ineb' chixjunil ut chejunjunqal.

Filipenses 2:4

Maa'ani chixsik' li us ka'ajwi' cho'q re xjunes, chixsik'aq aj b'an wi' cho'q reheb' li ras riitz'in.

Apocalipsis 2:9

Ninnaw li xnimal aarahilal ut laaneb'a'il (ab'an b'ihomat). Ninnaw laamajewankil xb'aaneb' li neke'xye rib' naq a'aneb' aj Judiiy ut maawa'eb', a'aneb' b'an xch'utleb'aal ochoch laj tza.

Santiago 5:12

Ex was wiitz'in, xb'een xb'een ninye eere: Meeye jurament sa' xk'ab'a' li choxa, chi moko sa' xk'ab'a' li ruuchich'och', chi moko sa' xk'ab'a' junaq chik k'a'aq re ru. Naq teeye “yaal”, yaalaq; ut naq teeye “ink'a'”, ink'a'aq, re naq ink'a' taachalq raqb'a aatin sa' eeb'een.

Filipenses 2:27

Relik chi yaal naq kiyajerk, kach'in chik maa kikamk. Ab'an li Yos ki'uxtaanank ru, ut moko ka'aj ta wi' a'an, kiruxtaana aj b'an wi' wu laa'in re naq ink'a' taanumtaaq xrahil inch'ool.

2 Ts 2:13

A'ut laa'o rajlal toob'anyoxinq re li Yos cherix laa'ex, ex qas qiitz'in raarookex xb'aan li Qaawa', xb'aan naq li Yos kisik'ok eeru chalen chaq sa' xtiklajik re naq texkole'q sa' xk'ab'a' li santob'resink naxb'aanu li Musiq'ej, jo' ajwi' xb'aan xpaab'ankil li yaal.

San Mateo 9:12

Li Jesus kirab'i a'an ut kixye: —Ink'a' neke'raj aj b'anonel li kaweb', a'eb' b'an li yaj neke'ajok re.

3 Juan 1:1

Laa'in li cheekel winq sa' li Iklees nintz'iib'ak aawik'in, at Gayo raarookat inb'aan: relik chi yaal naq nakatinra.