3 Juan 1:10 - Q'eqchi Bible

¹⁰ Jo'kan wi tinxik aran, toxinjultika li yo chi xb'aanunkil, chanru yo chi xwech'inkil qix rik'in yib' aj aatin. Ut moko nak'ojlaak ta xch'ool rik'in a'an, toj jun chik naxb'aanu: ink'a' naxk'uleb' laj paab'anel; ut eb' li neke'raj raj xb'aanunkil naxrameb' chiru, ut narisiheb' sa' li Iklees.

Li Santil hu

¹⁰ Nak tinxic aran toxinkꞌus ut che̱ru che̱junilex tinye li cꞌaꞌru yo̱ chixba̱nunquil. Yo̱ chixyebal cꞌaꞌak re ru chi a̱tinul chikix. Ut moco nacꞌojla ta xchꞌo̱l riqꞌuin aꞌan. Toj cuan cuiꞌchic cꞌaꞌak re ru incꞌaꞌ us naxba̱nu. Incꞌaꞌ naxcꞌuleb li herma̱n saꞌ li rochoch ut naxic chixtacchiꞌinquileb li herma̱n li nequeꞌraj raj xcꞌulbal li ulaꞌ, ut narisiheb saꞌ xya̱nkeb laj pa̱banel cui nequeꞌxcꞌul li rulaꞌeb.

3 Juan 1:10 ပူးပေါင်းရင်းမြစ်များ

Isaías 66:5

Ab'ihomaq li naxye li Qaawa', laa'ex li nekexsiksotk ut nekexpaab'ank chiru: “Wankeb' eerech tenamitul xik' nekexrileb' ut nekextz'eqtaanaheb' xb'aan link'ab'a', ut neke'xye: «Xk'utaq xloq'al li Qaawa'; naqaj naq sahaq sa' leech'ool», chankeb'. A'ut eb' a'an xutaanal te'kanaaq.

Proverbios 10:10

Li nab'alaq'ink, naab'al li rahilal naxyoob'; li junes mem aj aatin naxye, taa'oso'q.

2 Corintios 13:2

Ak inyehom chaq sa' xkab' inwulajik, reheb' li xe'maakob'k jo'wi' reheb' chixjunil, ut ninye wi' chik anaqwan naq maa'anihin sa' eeyanq: wi tinwulaq wi' chik sa' eeyanq, ink'a' tinkuyuq maak.

San Lucas 6:22

“Us xaq eere naq xik' tex'ile'q xb'aaneb' li poyanam, tex'isiiq sa' xyanqeb', texhob'e'q ut te'xtz'eqtaana leek'ab'a' jo' ink'a' us, sa' xk'ab'a' li K'ajolb'ej.

Proverbios 10:8

Li chaab'il xna'leb' narab'i ut naxpaab' li xchaq'rab'inkil; li junes mem aj aatin naxye, taa'oso'q.

3 Juan 1:5

At inrahom, nakak'ut naq chaab'il aach'ool rik'in chixjunil li nakab'aanu cho'q reheb' laj paab'anel: ut eb' a'an jalan xtenamiteb'!

San Juan 9:22

A'in ke'xye li xna' xyuwa' xb'aan xxiweb' chiruheb' laj Judiiy, xb'aan naq ak k'uub'k'u xb'aaneb' laj Judiiy, wi ani tixye naq li Jesus a'an li Kriist, isinb'ilaq sa' li ch'utleb'aal kab'l.

Hechos 1:15

Sa'eb' li kutan a'an kixaqliik laj Pedro sa' xyiheb' laj paab'anel (eb' li wankeb' chi ch'utch'u aran waqk'aaleb' tana) ut kixye reheb':

Gálatas 6:10

Jo'kan utan, naq toj naxk'e rib' chiqu, qab'aanuhaq li usilal reheb' chixjunil, ab'anan q'axal chik tqab'aanu reheb' li qech aj paab'anelil.

1 Timoteo 5:13

Jo'wi' anchal, neke'k'ayk chi sub'uk kutan ut neke'xtzol rib' chi xik chirehatq kab'lal; ut moko ka'aj ta wi' sub'uk kutan neke'xb'aanu, neke'molok aj b'an wi' aatin, neke'xch'ik rib' yalaq b'ar ut neke'xye li moko yehe'k ta naraj.

2 Juan 1:10

Wi wank junaq taachalq eerik'in ut ink'a' tixk'am chaq li na'leb' a'in, meek'ul sa' leerochoch chi moko teek'e xsahil xch'ool,

2 Juan 1:12

Wank raj naab'al tintz'iib'a eerik'in, ab'an ink'a' nawaj xtz'iib'ankil chiru hu ut rik'in b'on, nawoyb'eni b'an xik cherilb'al ut chi aatinak tz'aqal chiqib'il qib' re naq tz'aqalaq re ru li xsahil qach'ool.

3 Juan 1:3

K'ajo' naq xsaho'k linch'ool naq xe'k'ulunk laj paab'anel ut xe'xye resil naq li yaal wank aawik'in ut chanru yookat chi b'eek sa' li yaal.