2 Ts 3:2 - Q'eqchi Bible

² Chetz'aama ajwi' naq chookole'q chiruheb' li winq yib'eb' ru xna'leb' ut maa'useb', xb'aan naq moko chixjunil ta aj e li paab'ank.

Li Santil hu

² Chextijok ajcuiꞌ chikix re nak li Dios ta̱colok ke chiruheb li cui̱nk li incꞌaꞌ useb xnaꞌlebeb ut nequeꞌba̱nun re li ma̱usilal xban nak moco chixjunileb ta nequeꞌpa̱ban re li Dios.

2 Ts 3:2 ပူးပေါင်းရင်းမြစ်များ

Romanos 15:31

re naq tinkole'q sa' ruq'eb' li ink'a' neke'paab'ank aran Judea, jo' ajwi' re naq li loq'laj tenq'aal a'in li yookin chi xk'amb'al Jerusalén chik'ulub'aaq taxaq xb'aaneb' laj santil paab'anel.

Deuteronomio 32:20

ut kixye: “Tinmuq li wu chiruheb' re rilb'al k'aru te'kanaaq wi'. Relik chi yaal naq a'aneb' jun li tenamit yib'ru xna'leb'eb', walal ink'ajoleb' q'axal eeteb'.

Romanos 10:16

Ab'anan moko chixjunileb' ta ke'paab'ank re li Chaab'il Esilal. Yaal li kixye laj Isaías: “Qaawa', ani ta xpaab'ank re li qapuktesihom?”.

Hechos 28:24

Wan ke'ok chi paab'ank sa' xk'ab'a' li raatin ut wankeb' chik ink'a' ke'xpaab'.

1 Ts 2:18

Xqaj raj xik eerik'in; ut laa'in laj Pablo moko ka'aj ta wi' jun sut xinyal xik cherilb'al, a'ut laj tza xramok chiqu.

Hechos 14:2

Ab'anan eb' laj Judiiy junch'ol, eb' li ink'a' ke'paab'ank, ke'xyoob' xjosq'ileb' li maawa'eb' aj Judiiy ut ke'xpo' xch'ooleb' chirixeb' laj paab'anel.

Hechos 13:50

Ab'anan eb' laj Judiiy ke'xtakchi'i li xninqaleb' ru ixq li neke'loq'onink ru li Yos, jo' ajwi' li xb'eenileb' li tenamit; ke'xyoob' jun raaxiik' chirixeb' laj Pablo ut laj Bernabé ut ke'risiheb' sa' li xna'ajeb'.

Hechos 13:45

Ab'an, naq ke'ril li k'iila tenamit, eb' laj Judiiy k'ajo' naq kikaqo'k xch'ooleb'; ke'ok chi xwech'inkil rix ut chi xmajewankil jo'nimal naxye laj Pablo.

San Lucas 18:8

Ninye eere naq tixkoleb' chi junpaat. Ab'anan, naq tol'elq li K'ajolb'ej, ma tolxtaw li paab'aal sa' ruuchich'och'?”.

San Mateo 23:23

“Ra chaalel sa' eeb'een laa'ex aj tz'iib' ut aj Pariseey aj ka'pak'al uhex: neketoj li xlajeetqil li isk'i'ij, li anis ut li komino, ut xekanab' xpaab'ankil li q'axal nim xwankil sa' li Chaq'rab': a' li tiikilal, li uxtaanank ut li paab'aal! Chixjunil a'in tento raj xeb'aanu, ab'an ink'a' raj xekanab' xb'aanunkil li junch'ol chik.

San Mateo 17:17

Kichaq'ok li Jesus ut kixye: —Ex tenamit tik maak'a' eepaab'aal ut sachenaqex sa' li maak, jo' najtil chik tinwanq eerik'in? Jo' najtil chik texinkuy? K'amomaq chaq arin.

2 Timoteo 4:17

Ab'an li Qaawa' xoltenq'anq we ut xk'e xkawub' linch'ool re xpuktesinkil chi yaal li Aatin re naq xe'rab'i chixjunileb' li tenamit. Ut xinkole'k sa' re li kaqkoj.

1 Corintios 15:32

Wi ta yal sa' xk'ab'a'eb' li winq xinyal inq'e rik'ineb' li josq' aj xul aran Éfeso, k'a' raj ru xintaw chirix? Wi maak'a' xwaklijikeb' chi yo'yo eb' li kamenaq, “tzekanqo, uk'aqo xb'aan naq wulaj tookamq”.

Hechos 17:5

Ab'an eb' laj Judiiy xb'aan xkaqaleb' xch'ool ke'xch'utub' winq ink'a' useb' xch'ool ut aj b'eheb', ke'xpoqoqi li tenamit ut ke'xpo' xch'ooleb'. Ke'wulak sa' rochoch laj Jasón chi xsik'b'al laj Pablo ut laj Silas, re raj xk'amb'aleb' chiruheb' li poyanam.

Hechos 25:27

Xb'aan naq nink'oxla naq memil na'leb' xtaqlankil junaq preex chi ink'a' nayeemank k'aru najite'k wi'.