Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Ts 3:16 - Q'eqchi Bible

16 A' taxaq li xQaawa' li tuqtuukil usilal chik'ehoq eere li tuqtuukilal chi junelik ut sa' chixjunil. Chiwanq taxaq li Qaawa' eerik'in chejunilex.

အခန်းကိုကြည့်ပါ။ ကော်ပီ

Li Santil hu

16 Aꞌ taxak li Ka̱cuaꞌ Jesucristo li naqꞌuehoc tuktu̱quil usilal, chiqꞌuehok e̱re li tuktu̱quilal chi junelic riqꞌuin yalak cꞌaꞌru nequecꞌul. Aꞌ taxak li Ka̱cuaꞌ Jesucristo chicua̱nk e̱riqꞌuin che̱junilex.

အခန်းကိုကြည့်ပါ။ ကော်ပီ




2 Ts 3:16
40 ပူးပေါင်းရင်းမြစ်များ  

Li Qaawa' naxk'e xwankilal li xtenamit, li Qaawa' narosob'tesi li xtenamit rik'in tuqtuukilal.


Xinye a'in eere re naq teetaw tuqtuukil usilal wik'in. Sa' li ruuchich'och' teek'ul li rahilal, ab'anan kawaq eech'ool! Laa'in xinq'ax ru xwankil li ruuchich'och'.


“Li tuqtuukil usilal ninkanab' eerik'in, lintuqtuukil usilal nink'e eere; ink'a' nink'e eere kama' naxk'e li ruuchich'och'. Misachk eech'ool chi k'oxlak, chi moko chexxiwaq.


“K'ehomaq reetal, li tuq'ixq taawanq sa' yu'am, taarala jun li k'uula'al, ut Emmanuel te'xk'e cho'q xk'ab'a'” (chi jalb'il ru naraj naxye: “Li Yos qik'in”).


Li Yos li nak'ehok tuqtuukil usilal chiwanq taxaq eerik'in chejunilex. Jo'kan taxaq.


Chi jo'kan li Yos li nak'ehok tuqtuukil usilal tixyeq'i laj tza rub'el eeroq chi seeb'. Li rusilal li Qaawa' Jesukriist chiwanq taxaq eerik'in.


Toja' naq laj Jedehón kixyiib' sa' li na'ajej a'an jun li artal cho'q re li Qaawa', ut li Qaawa'-Tuqtuukilal kixk'e cho'q xk'ab'a'. Li artal a'an toj wank anaqwan aran Ofrá, xtenamiteb' laj Abiéser.


“Nim li xloq'al li Yos taqe'q ut wank tuqtuukil usilal sa' ruuchich'och' rik'ineb' li raarookeb' xb'aan li Qaawa'”.


A' taxaq li Yos li nak'ehok li tuqtuukil usilal chisantob'resinq eere chi tz'aqal. Ut leejunxaqalil, leemusiq', leech'ool ut leetz'ejwal chiwanq taxaq chi maak'a' eeq'usb'al toj reetal sa' xk'ulunik li Qaawa' Jesukriist.


Li Qaawa' chiwanq taxaq aawik'in. Li rusilal li Yos chiwanq taxaq eerik'in.


Eerik'in chejunilex laa'ex li raarookex xb'aan li Yos aran Roma ut b'oqb'ilex chi wank sa' santilal chiwanq taxaq li usilal ut li tuqtuukilal nachalk rik'in li Yos li qaYuwa' ut rik'in li Qaawa' Jesukriist.


ut k'utumaq chiruheb' xpaab'ankil chixjunil li xexintaqla wi'. Chenawaq naq laa'in wanqin eerik'in chixjunil li kutan toj sa' roso'jik li ruuchich'och'.


A'an taayiib'anq re li rochoch li Qaawa' ut tixk'ul xloq'al cho'q awab'ej; taak'ojlaaq sa' li xk'ojarib'aal chi awab'ejink. Laj tij taawanq chi xk'atq, ut li awab'ej ut laj tij te'wanq sa' tuqtuukilal ut sa' junaj ru ch'oolejil».


A' taxaq li Qaawa' chi'iloq aawe sa' xrahom ut chixk'e aawe li tuqtuukilal».


Chiwanq taxaq eerik'in li rusilal li Qaawa' Jesukriist!


Us ta teek'uub' chi us li k'aru teeb'aanu, ab'anan maak'a' aj e. Us ta teeye li k'aru teeraj, moko taatz'aqloq ta ru. Xb'aan naq li Qaawa' wank qik'in.


Li Qaawa' li kikolok we sa' ruq'eb' li kaqkoj ut li tz'uqtz'un, tinxkol ajwi' sa' ruq' laj Filistea a'an”, chan. Toja' naq laj Saúl kixye re laj David: “Ayu ut li Qaawa' chiwanq aawik'in”.


Sa' li honal a'an, laj Bohos yo chaq chi chalk Belén chi rilb'aleb' laj k'anjel. Kixk'e xsahilaleb' xch'ool laj sik'ol seb'aad ut kixye reheb': —Eerik'inaq taxaq li Qaawa'. —Li Qaawa' chi'osob'tesinq aawe, chankeb' a'an.


Li Yos aj k'ehol tuqtuukilal, li kiwaklesink re li Jesus sa' xyanqeb' li kamenaq, a' li Qaawa', li xnimal ru aj K'aak'alenel karneer sa' xk'ab'a' xkik'elil li junelik Sumwank,


A'an kik'uluk li xlajeetqil chixjunil sa' ruq' laj Abrahán. Li xk'ab'a' naraj naxye xb'enwa: “awab'ej re li tiikilal”; jo' ajwi' “awab'ej re Salem” (naraj naxye: “awab'ej re li tuqtuukilal”).


Ex was wiitz'in, chisaho'q sa' leech'ool, tz'aqalaq eere eeru, chek'e xkawub' leech'ool, junajaq ru leek'a'uxl, wanqex sa' tuqtuukilal, ut li Yos li nak'ehok li rahok ut li tuqtuukilal taawanq eerik'in.


xb'aan naq li Yos moko Yos ta re po'ok ch'oolej, xYos b'an li tuqtuukilal. Jo' na'uxk sa' chixjunileb' li x'Iklees eb' laj santil paab'anel,


Xb'aan naq laa'in li Qaawa' ninye chi jo'ka'in: Tink'e chi pukank aran li tuqtuukil usilal jo' jun nima'; jo' naq nab'ut'irk li nima', jo'kanaq li xchalik li xb'ihomaleb' li xninqal ru tenamit sa' xb'een Jerusalén. Toja' naq texch'oolaniiq, texk'ame'q chi q'unq'u ut text'otzt'otziiq sa' xb'eeneb' li raq.


Us ta eb' li tzuul te'xjal li xna'ajeb' ut eb' li b'ool te'juk'e'q, ab'an linrahom ink'a' taanajto'q aawik'in, chi moko taasachq xwankil li Sumwank xink'ojob' aawik'in re wank sa' tuqtuukilal”, chan li Qaawa' li na'uxtaanank aawu.


Laa'in ninyoob'ank re li kutan ut li aak'ab', ninb'aanu li usilal jo'wi' li rahilal. Laa'in li Qaawa' ninb'aanunk re chixjunil a'in.


At Qaawa', laa'at toohaak'e chi wank sa' tuqtuukilal, xb'aan naq ka'ajwi' laa'at nakatk'ehok naq us too'elq rik'in li nalajqab'aanu.


Chi'atz'umaq li tiikil ch'oolej naq wanq chi awab'ejil; k'ajo'aq li tuqtuukilal jo' najtil twanq li po sa' xb'een li ruuchich'och'.


Eb' li tzuul ut eb' li b'ool te'xk'am ta chaq li tuqtuukilal ut tiikilal re li tenamit.


Ut xye: “Kanab'omaq yalok, chenawaq naq laa'in Yos, li nim inwankil sa' xb'eeneb' li tenamit, li nim inwankil junsut junrub'el choxa!”.


Li rusilal li Qaawa' Jesukriist chiwanq taxaq eerik'in chejunilex.


Q'axal nimaq xloq'al li ochoch a'in chiru li xb'een. Ut sa' li na'ajej a'in tink'e li tuqtuukilal. Laa'in li Qaawa' nim inwankil ninye a'in»”.


Neke'xmululi rib' li tenamit, ut eb' li awab'ej neke'po' chirib'ileb' rib'; ab'an naq li Yos na'aatinak chi kaw, na'eek'ank li ruuchich'och'.


Wi ut linyuwa' taaraj xb'aanunkil rahilal aawe, chinxrahob'tesiiq li Qaawa' chi q'axal ra wi ink'a' tintaqla resil aawe re naq taakol aawib'. A' taxaq li Qaawa' chiwanq aawik'in jo' naq xwank rik'in linyuwa'.


Li Yos Yuwa'b'ej ut li Qaawa' Jesukriist che'xk'e taxaq li tuqtuukilal reheb' laj paab'anel, jo'wi' li rahok ut li paab'aal.


A' taxaq li Yos li qaYuwa' ut li Qaawa' Jesus chituqub'anq li qab'e re xik eerik'in.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ