2 Ts 3:14 - Q'eqchi Bible

¹⁴ Wi wank junaq ink'a' naxpaab' li xqaye sa' li hu a'in, k'ehomaq reetal ut meejunaji eerib' rik'in re naq chixutaanaq.

Li Santil hu

¹⁴ Cui ut cuan junak saꞌ e̱ya̱nk incꞌaꞌ naraj xpa̱banquil li a̱tin aꞌin li xkatzꞌi̱ba e̱re saꞌ li hu aꞌin, cheqꞌuehak retal aꞌan. Ut me̱rochbeni e̱rib riqꞌuin re nak ta̱xuta̱na̱k.

2 Ts 3:14 ပူးပေါင်းရင်းမြစ်များ

Tito 3:10

Laj po'ol paab'aal, naq ak xaq'us jun wa ka'wa, maawaatina chik:

1 Corintios 5:11

Ink'a'! Li xintz'iib'a a'an a'in: Meejunaji eerib' rik'ineb' li “qas qiitz'in” neke'xk'ab'a'in, ut a'aneb' aj ko'b'eet, aj rahinel ru b'ihomal, aj loq'oninel li yal k'oxlanb'il yos, aj majewanel, aj kalajenaq malaj aj elq'. Chi moko chexwa'aq rik'ineb' a'an!

2 Ts 3:6

Ex qas qiitz'in, sa' xk'ab'a' li Qaawa' Jesukriist nekexqachaq'rab'i naq cherisi eerib' sa' xyanqeb' chixjunil li qas qiitz'in li wankeb' chi sachsookeb' xch'ool ut ink'a' neke'xb'aanu jo' chanru leetijb'al eek'ulum qik'in.

Salmos 83:16

jo'kanaq taxaq naq chawaanilasiheb' rik'in laakaqsut-iq', chaxib'esiheb' rik'in li muqyax.

1 Ts 4:8

Jo'kan naq li natz'eqtaanank re li chaq'rab' a'in, maawa' winq naxtz'eqtaana, a' b'an li Yos, li nak'ehok eere li xSantil Musiq'.

Proverbios 5:13

Ink'a' xwaj xpaab'ankil laj tzolonel we, chi moko xink'ulub'a xna'leb'eb' li xe'q'usuk we.

Filemón 1:21

Xintz'iib'ak aawik'in chi k'ojk'o li waanm naq taab'aanu li usilal a'in; ut ninnaw naq q'axal naab'al chik taab'aanu chiru li nintz'aama aawe.

2 Corintios 10:6

yo'oon ajwi' wanko chi xrahob'tesinkil chixjunileb' laj q'etol aatin, naq tz'aqalaq re ru leepaab'aal.

2 Corintios 2:9

Ak xintz'iib'ak eerik'in re xyalb'al eerix, re rilb'al ma nekex'ab'ink rik'in chixjunil.

1 Corintios 5:9

Xintz'iib'a sa' linhu naq meejunaji eerib' rik'ineb' laj ko'b'eet ut laj yumb'eet.

Romanos 16:17

Nintz'aama cheru, ex was wiitz'in, naq chekolaq eerib' chiruheb' li neke'yoob'ank jachok ib' ut luktesink ch'oolej xb'aan xxik'b'al rilb'al leetzolb'al eek'ulum chaq. Meejunaji eerib' rik'ineb',

Sofonías 3:2

Ink'a' xraj rab'inkil li xyaab' xkux li Qaawa' chi moko xk'ulub'a li q'use'k xb'aan; ink'a' xk'ojob' xch'ool chirix li xYos chi moko xjilok chi xk'atq A'an.

Jeremías 6:15

Tento raj xe'xutaanak b'ayaq chi xb'aanunkil li jo'maajo'il na'leb', ab'anan maak'a' xxutaaneb' chi moko xe'kaqo'k kach'inaq xb'aaneb' li xb'aanuhom. Jo'kan naq te'tichk'oq ut te't'ane'q jo'eb' li junch'ol chik, naq taawulaq xkutankil li xrahob'tesinkileb'”, chan li Qaawa' Yos.

San Mateo 18:17

Ut wi ink'a' naraj rab'inkileb', ye re li Iklees; ab'an wi ink'a' ajwi' naraj rab'inkil li Iklees, chikanaaq chawu jo' li maak'a' xpaab'aal malaj jo' jun aj titz'ol toj.

Deuteronomio 16:12

Jultikaq aawe naq katwank chaq chi munil aran Ejiipt; jo'kan naq taayal aaq'e chi xpaab'ankil li chaq'rab' a'in.

Hebreos 13:17

Chex'ab'inq chiruheb' laj k'amol eeb'e xb'aan naq eb' a'an neke'yo'lek chirix leeyu'am jo'eb' li toxe'xq'axtesi ru li xk'anjeleb' cherix laa'ex. Chepaab'aqeb' re naq te'xb'aanu a'in rik'in sahil ch'oolej, ut ink'a' chi rahaqeb' sa' xch'ool, xb'aan naq a'an moko tixk'am ta chaq usilal cho'q eere.

Filipenses 2:12

Jo'kan utan, ex was wiitz'in raarookex inb'aan, jo' naq xexpaab'ank chiwu chi junelik, moko ka'aj ta wi' naq wankin chaq eerik'in, jo'kan ajwi' teeb'aanu anaqwan naq maa'anihin sa' eeyanq. Chexk'anjelaq chi kaw chirix leekolb'al chi wanq eexiw ut texsiksotq,

2 Corintios 7:15

Ut q'axal wi' chik nekexra laj Tito naq najultiko'k re chanru naq chejunilex xepaab' jo'wi' chanru naq xek'ul chi chaab'il ut chi kub'enaq eewankil.

Jeremías 3:3

Aab'aan laa'at naq ink'a' chik naxk'e li hab' sa' xq'ehil; kama'at tz'aqal junaq aj yumb'eet, tik ink'a' nakatxutaanak b'ayaq.

Esdras 9:6

ut kinye: “At inYos, sachso linch'ool ut q'axal ninxutaanak chi xtaqsinkil li wilob'aal chawu, at inYos. Xikenaq xb'een li qamaa'usilal ut jwal naab'al li qamaak: xwulak toj sa' choxa.

Números 12:14

Kichaq'ok li Qaawa' ut kixye re laj Moisés: “Wi ta li xyuwa' xchuub'a xnaq' ru lix María, ma ink'a' raj tento tixmuq rib' wuqub'aq kutan xb'aan xxutaan? Isihomaq b'i' lix María sa' eeyanq chiru wuqub' kutan; toja' naq teek'ul wi' chik eerik'in”, chan.

1 Corintios 4:14

Ink'a' nintz'iib'a chixjunil a'in yal re xk'utb'al eexutaan, re b'an xk'eeb'al eena'leb' jo'kex inraarookil alal.

Colosenses 4:16

Akaq x'ilmank xsa' li hu a'in sa' eeyanq, chek'e ajwi' chi ile'k sa' li x'Iklees eb' laj Laodicea. Ut li hu xintaqla rik'ineb' laj Laodicea ilomaq ajwi' xsa' laa'ex.

Tito 2:8

chaab'ilaq laawaatin ut maak'a'aq aaq'usb'al, re naq taaxutaanaq li xik' na'ilok qe xb'aan naq maak'a' k'aru ink'a' us truuq tixye chiqix.

2 Juan 1:10

Wi wank junaq taachalq eerik'in ut ink'a' tixk'am chaq li na'leb' a'in, meek'ul sa' leerochoch chi moko teek'e xsahil xch'ool,