2 Ts 2:9 - Q'eqchi Bible

⁹ Laj q'etol chaq'rab' taachalq rik'in xwankil laj tza naq talaje'wanq xninqal ru b'aanuhom, eetalil ut b'alaq'il sachb'ach'oolej;

Li Santil hu

⁹ Laj kꞌetol chakꞌrab ta̱cha̱lk riqꞌuin xcuanquil laj tza. Tixcꞌutbesi nak cuan xcuanquil chixba̱nunquil li milagros ut sachba chꞌo̱lej re xbalakꞌinquil li cristian.

2 Ts 2:9 ပူးပေါင်းရင်းမြစ်များ

San Mateo 24:24

Xb'aan naq naab'aleb' aj b'alaq' te'wakliiq ut te'xye naq a'aneb' li Kriist ut a'aneb' propeet; te'xb'aanuhatq xninqaleb' ru eetalil ut sachb'ach'oolej re xb'alaq'inkil li sik'b'ileb' ru, wi raj taaruuq.

Apocalipsis 19:20

Ab'an li josq' aj xul kichape'k rochb'een li propeet aj b'alaq', a' li kib'aanunk chaq re sachb'ach'oolej chiru li josq' aj xul, ut sa' xk'ab'a' a'an kixb'alaq'iheb' li xk'ulumeb' reetalil li josq' aj xul ut ke'xloq'oni li xjalam u. Eb' li wiib' a'in ke'kute'k chi xkab'ichaleb' chi yo'yo sa' xxamlel li palaw li yo chi k'atk rik'in asuupr.

Efesios 2:2

Xexwanje'k chaq jo' chanru xna'leb' li ruuchich'och' a'in ut xetaaqe laj taqlanel li wank xwankil sa' li iq', a' li musiq'ej li yo chi k'anjelak rik'ineb' laj q'etol aatin.

2 Corintios 11:3

Ab'anan ninxiwa naq mare taapo'q leek'a'uxl: kama' naq lix Eva kib'alaq'iik xb'aan xlab'alil li k'anti', mare tex'isiiq ajwi' laa'ex rik'in li yaal ut santilal wankex wi' cho'q re li Kriist.

San Juan 4:48

Kixye li Jesus re: —Wi ink'a' nekeril eetalil ut sachb'ach'oolej, ink'a' nekepaab'.

San Marcos 13:22

Xb'aan naq naab'aleb' aj b'alaq' te'wakliiq ut te'xye naq a'aneb' li Kriist ut a'aneb' propeet; te'xb'aanuhatq eetalil ut sachb'ach'oolej re xb'alaq'inkil li sik'b'ileb' ru, wi raj taaruuq.

Apocalipsis 20:10

Ut laj tza, li nab'alaq'ink reheb', kikute'k sa' li palaw xam ut asuupr, b'ar wankeb' ajwi' li josq' aj xul ut li propeet aj b'alaq': aran te'rahob'tesiiq chi q'eq ut chi kutan chi junelik q'e kutan.

Apocalipsis 18:23

Li xxamlel li saqenk ink'a' chik taasaqeno'q wankat wi', ut li xyaab' xkuxeb' li b'eelomej ut li ixaqilb'ej ink'a' chik taa'ab'iiq aawik'in. Xb'aan naq eb' laj yakonel ke'wank aawik'in a'aneb' li xninqaleb' ru winq sa' ruuchich'och', ut rik'in li tuulak xab'aanu xab'alaq'i chixjunileb' li tenamit”.

Apocalipsis 12:9

Ut kikute'k chaq taq'a li nimla xul, li najter k'anti', a' li maa'us ut aj tza nayeemank re: a'an nab'alaq'ink re chixjunil li ruuchich'och'; kikute'k chaq sa' ruuchich'och' rochb'een chaq eb' li x'ánjel.

2 Timoteo 3:8

Jo' naq laj Jannés ut laj Jambrés ke'raj raj numtaak sa' xb'een laj Moisés, jo'kaneb' ajwi' a'an ink'a' neke'xk'ulub'an li yaal, q'aajenaqeb' li xk'a'uxl, ut li xpaab'aaleb' maak'a' na'ok wi'.

2 Corintios 11:14

Misachk eech'ool chi rab'inkil a'an, xb'aan naq a' ajwi' laj Tza naxpak' rib' cho'q x'ánjel li kutan saqenk.

Hechos 13:10

ut kixye re: —Ralalat laj tza, nujenaqat rik'in chixjunil li b'alaq'il na'leb' ut maa'usilal, xik' nakawil chixjunil li tiikilal! Jo'q'e taakanab' xpo'b'al li xtiikil b'e li Qaawa'?

San Juan 8:44

Laa'ex rehex leeyuwa', a' laj tza, ut li naraj leeyuwa' a'an nekeraj xb'aanunkil. A'an aj kamsinel chalen chaq sa' xtiklajik, ut ink'a' kixkuy wank sa' li yaal, xb'aan naq maak'a' li yaal rik'in. Naq naxye li tik'ti', naxye li na'elk chaq rik'in, xb'aan naq aj tik'ti' ut xyuwa'il li tik'ti'.

San Juan 8:41

Laa'ex nekeb'aanu li naxb'aanu leeyuwa'. Ke'xye ut re: —Laa'o ink'a' xooyo'laak sa' muxuk ib'; jun ajwi' li qayuwa': a'an li Yos!

2 Corintios 4:4

cho'q reheb' li maak'a' neke'xpaab', xb'aan naq li xyos li ruuchich'och' a'in xmutz'o'b'resi li xk'a'uxeb' re naq ink'a' taalemtz'unq chiruheb' li xsaqenkil li xChaab'il Esil li Kriist nim xloq'al, a'an a'in li xjalam u li Yos.

Apocalipsis 12:17

Aran kichalk xjosq'il li nimla xul sa' xb'een li ixq ut koho chi xyalb'al xmetz'ew rik'ineb' li ralal xk'ajol li ixq, li jo'k'ihal chik ke'kanaak, a'aneb' li neke'paab'ank re li xchaq'rab' li Yos ut neke'xk'uula sa' xch'ool li xch'olob'ahom li Jesus.

Éxodo 8:18

Jo'kan ajwi' ke'xyal eb' laj q'e rik'in li xna'leb'eb' re naq te'elq li suq, ab'an ink'a' ke'ruuk: neke'woye'k li winq ut eb' li xul xb'aaneb' li suq.

Éxodo 8:7

Ab'an eb' laj q'e jo'kan ajwi' ke'xb'aanu rik'in li xna'leb'eb', ut ke'xk'e chi taqe'k eb' li amoch sa' xb'een li tenamit Ejiipt.

Éxodo 7:22

Ab'anan jo'kan ajwi' ke'xb'aanu eb' laj q'e aj Ejiipt rik'in li xna'leb'eb', ut kikawuuk xch'ool laj Parahón ut ink'a' kiraj rab'inkil laj Moisés ut laj Aharón, jo' tz'aqal yeeb'il chaq xb'aan li Qaawa'.

Apocalipsis 9:11

Li xjolomileb' a'in a'an li x'ánjel li Siwan, a' li naxk'ab'a'in Abadón sa' hebreo ut Apolión sa' griego (naraj naxye: “aj Sachonel”).

2 Crónicas 18:20

Toja' naq jun li musiq'ej kixxaqab' rib' chiru li Qaawa' ut kixye: «Laa'in tinb'alaq'inq re», chan. Ut li Qaawa' kixpatz' re: «Chanru taab'aanu?».

Isaías 29:10

Xb'aan naq li Qaawa' xwartesi leena'leb', xtz'ap leeru ut leejolom, ex propeet ut aj ilol moy u.

San Mateo 4:10

Toja' naq li Jesus kixye re: —Elen chiwu, at aj tza, xb'aan naq jo'ka'in tz'iib'anb'il sa' li Santil Hu: «A' li Qaawa' laaYos taaloq'oni ru ut ka'ajwi' chiru a'an tatpaab'anq».

San Mateo 12:22

Toja' naq kik'ame'k rik'in li Jesus jun li winq eechaninb'il xb'aan laj tza, mutz' ut mem. Ut li Jesus kixk'irtasi: li winq a'an ki'ok chi aatinak ut chi ilok.

Santiago 3:15

Li na'leb' a'an moko taqe'q ta nachalk chaq, xna'leb' b'an li ruuchich'och'; maawa' xna'leb' li xMusiq' li Yos, xna'leb' b'an laj tza.

Ezequiel 14:5

“Tintoch' xch'ooleb' laj Israel li xe'najto'k wik'in xb'aan chixjunileb' li xjalanil yoseb'.

San Lucas 11:25

Ut sa' xwulajik, mesunb'il ut uutz'u'ujinb'il chik li xna'aj naq toxtaw.