2 Ts 2:12 - Q'eqchi Bible

¹² ut chi jo'kan chixjunileb' li ink'a' ke'xpaab' li yaal ut a' chik li maa'usilal kiwulak chiruheb', taateneb'aaq tojb'amaak sa' xb'eeneb'.

Li Santil hu

¹² Li Dios quixba̱nu chi joꞌcaꞌin riqꞌuineb re nak teꞌxcꞌul xtojbal xma̱queb chixjunileb li incꞌaꞌ queꞌpa̱ban re li ya̱l. Aꞌ ban chic li ma̱usilal quicuulac chiruheb xba̱nunquil.

2 Ts 2:12 ပူးပေါင်းရင်းမြစ်များ

Romanos 1:32

Us ta ch'olch'o chiruheb' li xchaq'rab' li Yos, li naxye naq eb' li neke'b'aanunk re a'in teneb'anb'il li kamk sa' xb'eeneb', ab'an moko ka'aj ta wi' neke'xb'aanu li maak, neke'saho'k aj b'an wi' sa' xch'ool rik'ineb' li neke'b'aanunk a'in.

San Marcos 16:16

Ani taapaab'anq ut taakub'eeq xha', a'an taakole'q; a'ut li ink'a' taapaab'anq, taateneb'aaq tojb'amaak sa' xb'een.

Romanos 2:8

Ab'anan eb' laj q'etol aatin, eb' li ink'a' neke'xk'anjela li yaal ut a' chik li ink'a' us neke'xk'anjela, li Yos tixtaqla xjosq'il ut raaxiik' sa' xb'eeneb'.

1 Ts 5:9

Li Yos ink'a' xooxk'e cho'q re li tojb'amaak, chi xtawb'al b'an li kolb'a ib' sa' xk'ab'a' li Jesukriist li Qaawa':

Romanos 12:9

Mexrahok yal chi pak'b'il, chetz'eqtaana li ink'a' us, chapchooqex chi kaw rik'in li us.

San Juan 3:36

Ani napaab'ank re li K'ajolb'ej, wank xyu'am chi junelik; a'ut li ink'a' napaab'ank re li K'ajolb'ej ink'a' taaril li yu'am, a' chik li xjosq'il li Yos teneb'anb'il sa' xb'een”.

Oseas 7:3

Rik'in li maa'usilal ut li b'alaq'ik neke'xb'aanu neke'xsahob'resi xch'ooleb' li awab'ej ut li ninqeb' xwankil.

Salmos 11:5

Li Qaawa' naxyal rix laj maak ut li tiik xch'ool; xik' naril li narahink re li raaxiik'.

San Marcos 14:11

Naq ke'rab'i a'in, ke'saho'k sa' xch'ool ut ke'xyeechi'i xtumin. Ut a'an yo chi xsik'b'al chan raj ru naq tixq'axtesi sa' ruq'eb', tz'aqal sa' xq'ehil.

3 Juan 1:11

At inrahom, maak'am aawe rik'in li ink'a' us, chak'am b'an aawe rik'in li us. Ani nab'aanunk re li us, a'an re li Yos; ut li naxb'aanu li ink'a' us, moko rilom ta ru li Yos.

2 Pedro 2:3

Xb'aan xraab'al ru li tumin te'yakoq cherix rik'in b'alaq'il aatin; a'ut chalen junxil yo'oon wank li raqb'a aatin sa' xb'eeneb', ut li roso'jikeb' moko warenaq ta.

Miqueas 3:2

Ab'anan laa'ex neketz'eqtaana li us, ut a' chik li maa'usilal nekera; nekerahob'tesiheb' lintenamit toj chiru li xb'aqeleb'.

Deuteronomio 32:35

cho'q re xkutankil li tojb'amaak, naq laa'in tink'e reeqaj li xb'aanuhomeb' ut taachalq xq'ehil li xt'anikeb'? Chalk re xkutankil li xsachikeb', chi seeb' taachalq li roso'jikeb'.

1 Corintios 13:6

ink'a' nasaho'k sa' xch'ool rik'in li xmaak'a'il li tiikilal, nasaho'k b'an rik'in li yaal.

2 Ts 2:10

taachalq ajwi' rik'in chixjunil li maa'usilal re naq tixq'unb'esi xch'ooleb' li tento te'sachq xb'aan naq ink'a' ke'xk'ulub'a ut ink'a' ke'xra li yaal li kikolok raj reheb'.