2 Ts 1:8 - Q'eqchi Bible

⁸ rik'in raq'xam, ut taa'eeqajunq sa' xb'eeneb' li ink'a' neke'xnaw ru li Yos, eb' li ink'a' neke'xpaab' li xChaab'il Esil li Qaawa' Jesus.

Li Santil hu

⁸ Chanchan li rakꞌ xam nak ta̱cha̱lk li Ka̱cuaꞌ Jesucristo riqꞌuin xnimal xlokꞌal chi rakoc a̱tin. Tixqꞌueheb chixtojbal xma̱queb li ani incꞌaꞌ nequeꞌpa̱ban re li Dios joꞌ ajcuiꞌ li ani incꞌaꞌ nequeꞌraj rabinquil resilal li colba-ib li naxqꞌue li Ka̱cuaꞌ Jesucristo.

2 Ts 1:8 ပူးပေါင်းရင်းမြစ်များ

1 Pedro 4:17

Xb'aan naq xwulak xq'ehil li raqb'a aatin, ut taatiklaaq sa' xjunkab'al li Yos. Ut wi qik'in taatiklaaq rik'in qarahob'tesinkil, k'aru te'oso'q wi' eb' li ink'a' neke'xpaab' li xChaab'il Esil li Yos?

2 Pedro 3:7

A'ut li choxach'och' li wankeb' anaqwan k'uulanb'ileb' cho'q re li xam xb'aan ajwi' Raatin li Yos, ut xokxookeb' cho'q re xkutankil li raqb'a aatin naq te'sache'q li ink'a' neke'paab'ank.

Hebreos 10:27

ka'aj b'an chik li raqb'a aatin xiwajel royb'eninkil ut li xam k'ajo' xtiqwal, yo'oon wank re xsachb'aleb' li ink'a' neke'raj paab'ank.

Salmos 79:6

Chapo' laach'ool sa' xb'eeneb' li poyanam li ink'a' neke'xnaw aawu, sa' xb'eeneb' li tenamit li ink'a' neke'xyaab'a laak'ab'a'.

Hebreos 10:30

Xb'aan naq naqanaw ru li kiyehok: “We li eeqajunk; laa'in tink'e reheb' li xk'ulub'eb'”. Kixye ajwi': “Li Qaawa' taaraqoq aatin sa' xb'een li xtenamit”.

Hebreos 2:3

chan put ru naq tookole'q laa'o, wi tqatz'eqtaana li xnimal kolb'a ib' a'in? A'an kiyehe'k resil sa' xtiklajik xb'aan li Qaawa', ut moqon chik kich'olob'aak chiqu xb'aaneb' li ke'ab'ink chaq re.

Gálatas 4:8

Junxil naq toj maji' nekenaw ru li Yos, kexk'anjelak chaq chiruheb' li maawa'eb' tz'aqal yos.

Romanos 6:16

Ma ink'a' nekenaw naq wi nekek'e eerib' cho'q moos re xpaab'ankil anihaq, a'an chik taataqlanq sa' eeb'een ut laa'ex tento texpaab'anq chiru? Jo'ka'in nekek'ul laa'ex, us ta nekexk'anjelak chiru li maak li nak'amok sa' li kamk, us ta nekexk'anjelak chiru li Yos li nak'amok sa' li tiikil ch'oolej.

San Mateo 25:41

“Toja' naq tixye ajwi' reheb' li wanqeb' sa' xtz'e uq': «Elenqex chiwu, maa'usilanb'ilex. Ayuqex sa' li xam li ink'a' nachup, kawresinb'il cho'q re laj tza ut eb' laj k'anjel chiru.

Apocalipsis 20:10

Ut laj tza, li nab'alaq'ink reheb', kikute'k sa' li palaw xam ut asuupr, b'ar wankeb' ajwi' li josq' aj xul ut li propeet aj b'alaq': aran te'rahob'tesiiq chi q'eq ut chi kutan chi junelik q'e kutan.

Hebreos 12:29

xb'aan naq li qaYos a'an jo' jun li xam k'ajo' nasachok.

Apocalipsis 21:8

A'ut eb' laj xiw, li ink'a' neke'paab'ank, eb' li tz'i'b'eetal xna'leb', eb' laj kamsinel ras riitz'in, eb' laj muxuleb' rib', eb' laj tuul, eb' laj loq'oninel li yal k'oxlanb'il yos ut chixjunileb' laj tik'ti', taawanq xna'ajeb' sa' li palaw yo xxamlel ut k'ajo' xtiqwal: a'an a'in li xkab' kamk”.

Apocalipsis 6:10

Ut ke'ok chi xjapb'aleb' re chi kaw xyaab'eb' xkux, ut ke'xye: “At santil Eechalinel, laa'at paab'ajelat, toj jo'q'e tatkanaaq chi ink'a' tatraqoq aatin sa' xb'eeneb' li wankeb' sa' ruuchich'och' ut ink'a' taweeqajuniheb' li ke'kamsink qe?”.

1 Ts 4:5

ut ink'a' k'amb'ilaq yal xb'aan ratawankil ru malaj xb'aan li yib' aj na'leb', jo' neke'xb'aanu eb' li junch'ol li ink'a' neke'xnaw ru li Yos.

Romanos 1:28

Ink'a' ke'raj xk'uulankil sa' xch'ooleb' li yaal chirix li Yos, jo'kan naq ke'q'axtesiik xb'aan li Yos sa' li xmaa'us aj k'a'uxeb' re te'xb'aanu li moko uxk naraj.

Hechos 6:7

Li Raatin li Yos yo chi puktaak; li xk'ihaleb' laj paab'anel k'ajo' naq yo chi k'ihank aran Jerusalén. Jo'kan ajwi' naab'aleb' laj tij ke'xk'ul xch'ool li paab'ank.

San Juan 3:19

Ut a'an a'in li raqb'a aatin: xk'ulunk li saqenk sa' ruuchich'och' ut eb' li winq a' chik li aak'ab' xe'xra chiru li saqenk, xb'aan naq ink'a' useb' li xb'aanuhom.

San Mateo 25:46

Ut te'xik eb' a'in sa' li tojb'amaak chi junelik, ut eb' li tiikeb' xch'ool te'xik sa' li junelik yu'am”.

Sofonías 1:6

eb' li xe'xkanab' intaaqenkil, eb' li ink'a' nikine'xsik' cho'q Qaawa' chi moko neke'patz'ok wik'in”.

Daniel 7:10

Ut chiru a'an kipujk'uk chaq jun li xam, chanchan li roq nima' naq nab'eek. K'iila o'q'ob' chi tenamit yookeb' chi k'anjelak chiru li cheekel winq a'an ut k'iila o'q'ob' chik xaqxookeb' aran. Toja' naq ke'k'ojlaak eb' laj raqol aatin ut ke'xte eb' li hu.

Isaías 27:11

Naq eb' li ruq' che' neke'chaqik, neke'toqiik; toja' naq neke'chalk eb' li ixq ut neke'xtz'ab' xxameb' chiru. Li tenamit a'an maak'a' xna'leb', jo'kan naq Li kiyoob'tesink re, laj Winqob'resihom re, ink'a' taaril xtoq'ob'aal ru.

Salmos 94:1

Xaqlin, at Qaawa', laa'at aj eeqajunel, laa'at li Yos li nakaweeqajuni li ink'a' us.

Salmos 18:44

Laa'at xinaakol sa' ruq'eb' li lintenamit, xinaaxaqab' chi xjolominkileb' li poyanam; ut a' chik li tenamit li ink'a' innawom ru yo chi k'anjelak chiwu.

Deuteronomio 32:35

cho'q re xkutankil li tojb'amaak, naq laa'in tink'e reeqaj li xb'aanuhomeb' ut taachalq xq'ehil li xt'anikeb'? Chalk re xkutankil li xsachikeb', chi seeb' taachalq li roso'jikeb'.

Deuteronomio 5:5

Sa' li kutan a'an laa'in wankin sa' yiib'ej rik'in li Qaawa' ut laa'ex, re xq'axtesinkil eere li raatin, xb'aan naq laa'ex yo eexiw chiru li xam ut ink'a' kextaqe'k chiru li tzuul. A'aneb' a'in li aatin kixye:

Deuteronomio 4:30

Naq wanqex sa' rahilal ut sa' chixjunileb' li ch'a'ajkilal a'in sa' roso'jikeb' li kutan, wi texsutq'iiq chaq rik'in li Qaawa' leeYos ut teerab'i xyaab' xkux,

Deuteronomio 4:11

Toja' naq kexnach'ok ut kexwank chi xtoon li tzuul li yo chi k'atk; toj sa' wi' li choxa nawulak li raq' xxamlel, sa' xyanq q'eqi choql ut xnimal aak'ab'.

Éxodo 5:2

Ab'an laj Parahón kichaq'ok: “Ani put li Qaawa' re naq tinpaab' xyaab' xkux ut tinkanab' chi elk eb' laj Israel? Ink'a' ninnaw ru li Qaawa' ut ink'a' tinkanab'eb' chi xik laj Israel”, chan.

Génesis 3:24

Ut naq ak xrisi li winq, kixk'eheb' li kerubín sa' releb'l saq'e, junpak'al li na'ajej Edén. Kixk'e ajwi' jun ch'iich' nareplotk xxamlel, re naq maajun taa'ok wan wi' li che' re li yu'am.

1 Pedro 3:6

jo' lix Sara li kipaab'ank chiru laj Abrahán ut “qaawa'” kixye re. Ut anaqwan laa'ex chik rixqa'al lix Sara, wi nekeb'aanu li us chi maak'a' k'aru teexiwa.

1 Pedro 1:2

jo' ki'alaak chaq sa' xch'ool li Yos Yuwa'b'ej, rik'in li santob'resink naxb'aanu li Musiq'ej, re xpaab'ankil li Jesukriist ut re xk'ulb'al leech'ajob'resinkil rik'in li xkik'el. Chiwanq taxaq eerik'in li usilal ut li tuqtuukilal chi numtajenaq.

Hebreos 11:8

Sa' xk'ab'a' li xpaab'aal laj Abrahán kixpaab' li Yos naq kib'oqe'k chi xik sa' li na'ajej li tixk'ul cho'q re, ut ki'elk chi ink'a' naxnaw b'ar ta yo chi xik.

Hebreos 5:9

Ut naq koxtaw li xtz'aqalil re ru, kikanaak cho'q xyo'leb'aal li kolb'a ib' cho'q reheb' chixjunil li neke'paab'ank re,

Gálatas 3:1

Ex aj Galacia maak'a' eena'leb'! Ani xtuulank eere? Chi xnaq' eeru xch'olob'amank xyaalal li Jesukriist k'eeb'il chiru krus!

2 Corintios 10:5

ut chixjunil li q'etq'etil li naraj numtaak sa' xb'een li xna'leb' li Yos. Naqaj naq li xk'a'uxl chixjunileb' taakanaaq rub'el roq rub'el ruq' li Kriist re naq te'paab'anq chiru;

1 Corintios 15:34

Ajsihomaq eeru jo' xk'ulub', ut mexmaakob'k chik xb'aan naq wank wankeb' sa' eeyanq li ink'a' neke'xnaw ru li Yos. Re xk'utb'al eexutaan naq ninye a'in eere.

Romanos 16:26

ab'anan k'utb'esinb'il chik anaqwan xb'aan li xtz'iib'ahomeb' li propeet sa' li Santil Hu, jo' x'alaak sa' xch'ool li junelik Yos. Li tz'aptz'ookil na'leb' a'in k'eeb'il chik chi nawe'k xb'aaneb' chixjunil li tenamit re naq te'ab'inq ut te'paab'anq.

Romanos 15:18

Xb'aan naq maak'a' k'aru tinye laa'in wi ta ink'a' uxb'il xb'aan li Kriist sa' xk'ab'a' link'anjel re xk'amb'aleb' li maawa'eb' aj Judiiy chi paab'ank. A' li Kriist kib'aanunk re rik'in aatin ut b'aanuhom,

Romanos 10:16

Ab'anan moko chixjunileb' ta ke'paab'ank re li Chaab'il Esilal. Yaal li kixye laj Isaías: “Qaawa', ani ta xpaab'ank re li qapuktesihom?”.

Romanos 1:5

Sa' xk'ab'a' A'an xqak'ul qamaatan re wank cho'q apóstol re xk'amb'aleb' chixjunil li tenamit chi xq'axtesinkil rib' chi paab'ank sa' xk'ab'a' li xnimal xloq'al.

San Juan 8:19

Toja' naq ke'xye re: —B'ar wank laaYuwa'? Kichaq'ok li Jesus ut kixye: —Ink'a' nekenaw wu chi moko nekenaw ru linYuwa'; wi ta nekenaw wu, nekenaw raj ajwi' ru linYuwa'.

Jeremías 9:6

Ka'aj chik li b'alaq'ik ut li tik'ti'ik wank sa' xch'ooleb', ink'a' neke'raj xnawb'al ru li Qaawa'.

Isaías 61:2

re xyeeb'al resil jun chaab'il chihab' sa' xk'ab'a' li Qaawa', a' li xkutankil li eeqajunk cho'q re li qaYos. Li Qaawa' xinxtaqla chaq re xk'ojob'ankil xch'ooleb' chixjunileb' li yookeb' chi yaab'ak.

Isaías 1:19

Wi nikineepaab', teetzeka li chaab'il eechej na'elk sa' li ch'och';

Salmos 9:10

Li Qaawa' naxk'aak'ale li rahob'tesinb'ileb', a'an li nak'aak'alenk reheb' sa' xq'ehil li rahilal.

1 Samuel 2:12

Eb' li ralal laj Elí ink'a' useb' xna'leb' ut ink'a' neke'xk'e xloq'al li Qaawa',

Isaías 1:28

Ab'an eb' laj q'etoleb' aatin ut eb' laj maak te'xk'ul li raaxiik'; te'kamq chixjunileb' li neke'tz'eqtaanank re li Qaawa'.

Jeremías 10:25

Isi laajosq'il sa' xb'eeneb' li tenamit li ink'a' neke'nawok aawu, jo' ajwi' sa' xb'eeneb' li poyanam li ink'a' neke'tijok chawu. Xb'aan naq xe'xsach ruheb' li ralal xk'ajol laj Jakob toj reetal xe'oso'k chi junajwa, ut nakirirnak aj chik li xna'ajeb' xe'xkanab'.

San Judas 1:7

Jo'kan ajwi' Sodoom, Gomoor ut eb' li tenamit li ke'wank chi xk'atq, ke'kanaak cho'q xnimal eetalil cho'q qe laa'o: anaqwan neke'xkuy li xtojb'al rix li xmaakeb' sa' li xam chi junelik xb'aan naq, kama'eb' li ánjel, ke'xmux rib' ut ke'xq'axtesi rib' chi xb'aanunkil li jo'maajo'il na'leb'.

2 Samuel 23:7

Li ani nach'e'ok reheb', aajel ru li ch'iich' malaj jutz' che', ut te'kute'q sa' xam chi oso'k chi junajwa”.