2 Ts 1:5 - Q'eqchi Bible

⁵ A'in reetalil li raqb'a aatin naxb'aanu li Yos sa' tiikilal; reetalil ajwi' naq eek'ulub' ok sa' li xnimajwal awab'ejihom li Yos: sa' xk'ab'a' ajwi' a'an yookex chi xk'ulb'al li rahilal.

Li Santil hu

⁵ Xban nak nequecuy xnumsinquil li raylal nacꞌutun nak li Dios yo̱ che̱tenkꞌanquil. Li Dios ta̱rakok a̱tin saꞌ ti̱quilal. Tento nak te̱cuy li raylal re nak li Dios tixye nak e̱cꞌulub oc saꞌ lix nimajcual cuanquilal ut saꞌ xcꞌabaꞌ ajcuiꞌ aꞌan nak yo̱quex chixcꞌulbal li raylal.

2 Ts 1:5 ပူးပေါင်းရင်းမြစ်များ

Filipenses 1:28

chi maak'a' k'aru texxiwaq wi' chiruheb' li xik' neke'ilok eere: a'anaq reetalil li sachk cho'q reheb' a'an, a'ut cho'q eere laa'ex a'anaq reetalil li kolb'a ib'. Ut chixjunil a'in nachalk rik'in li Yos.

Hechos 14:22

yookeb' chi xk'eeb'al xkawub' xch'ooleb' laj paab'anel ut chi xjultikankil chiruheb' naq che'wanq junelik sa' li paab'ank: “Tento tqanumsi naab'al rahilal re naq tooruuq too'ok sa' li xnimajwal awab'ejihom li Yos”, chankeb'.

Apocalipsis 19:2

xb'aan naq naraqok aatin sa' tiikilal ut rik'in yaal: xteneb' tojb'amaak sa' xb'een li xnimal ru aj yumb'eet, a' li xpo'ok ru li ruuchich'och' rik'in li xmuxb'al rib'; ut xk'e reeqaj li xkik'eleb' laj k'anjel li ke'kamsiik xb'aan li ixq”.

San Lucas 20:35

A'ut eb' li xk'ulub'aqeb' tz'aqonk sa' li ruuchich'och' jun chik ut sa' li xwaklijikeb' chi yo'yo li kamenaq ink'a' chik te'sumlaaq.

2 Timoteo 2:12

Wi wanq qakuyum, toosum'awab'ejinq ajwi' qochb'een A'an. Wi taaqatz'eqtaana, tooxtz'eqtaana ajwi' A'an.

2 Ts 1:11

Jo'kan naq juneliko chi tijok cherix: li qaYos chik'ehoq taxaq eere wank jo' xk'ulub' leemaatan b'oqb'ilex wi', ut texxtenq'a taxaq rik'in li xwankilal re naq chitz'aqloq ru chixjunil li us nekerahi xb'aanunkil jo'wi' li xk'anjel leepaab'aal.

Romanos 8:17

Ut wi laa'o li alal k'ajolb'ej, too'eechaninq ajwi' maatan, taaqeechani xyeechi'om li Yos, sum'eechaninelaqo qochb'een li Kriist, xb'aan naq qochb'een A'an naqak'ul rahilal re naq qochb'een ajwi' A'an taanimaaq qaloq'al.

Salmos 99:4

Laa'at jun awab'ej li q'axal nim aawankil, k'ajo' naq nakara li tiikilal! Laa'at xatk'ojob'ank re li yaal, xak'anjela li tiikil ch'oolej ut li yaal sa' xyanqeb' laj Jakob.

Apocalipsis 16:7

Ut kiwab'i jun xyaab' kuxej sa' li artal yo chi xyeeb'al: “Relik chi yaal, at Qaawa', at Nimajwal Yos, xatraqok aatin sa' tiikilal ut rik'in yaal”.

Apocalipsis 15:4

Ani ink'a' tixxiwa ut ink'a' tixnima ru laak'ab'a', at Qaawa'? Xb'aan naq ka'jat wi' laa'at santat, ut chixjunileb' li tenamit talaje'chalq ut te'xhupub' rib' chawe chawu, xb'aan naq xe'kanaak chi kutankil laaninqal k'a'uxl”.

Apocalipsis 3:4

Ab'an toj wank wankeb' aawik'in aran Sardes li ink'a' xe'xtz'ajni li raq'eb'; eb' a'an te'b'eeq wochb'een chi saq li raq'eb', xb'aan naq xk'ulub'eb'.

1 Ts 2:14

Ex qas qiitz'in, laa'ex xek'am eere rik'ineb' li x'Iklees li Yos wankeb' aran Judea sa' xk'ab'a' li Kristo Jesus, xb'aan naq laa'ex ajwi' xek'ul li rahilal xb'aaneb' leerech tenamitul, jo' ke'xk'ul eb' a'an xb'aaneb' laj Judiiy.

Colosenses 1:12

chexyoxinq rik'in sahil ch'oolej chiru li Yuwa'b'ej li xk'ehok eere chi tz'aqonk sa' li xmaataneb' laj santil paab'anel sa' li saqenk.

Efesios 4:1

Jo'kan utan, laa'in li wankin sa' tz'alam sa' xk'ab'a' li Qaawa', nintz'aama cheru naq chexwanq jo' chanru leeb'oqb'al k'eeb'il eere,

Romanos 2:5

Laa'at kaw laajolom ut ink'a' nakawaj xjalb'al laak'a'uxl; jo'kan naq yookat chi xtamresinkil xjosq'il li Yos sa' aab'een cho'q re xkutankil li Josq'il naq taak'utb'esiiq li raqb'a aatin tixb'aanu li Yos sa' tiikilal.

Hechos 13:46

Toja' naq laj Pablo ut laj Bernabé chi kaweb' xch'ool ke'xye: —Tento naq eere laa'ex xb'enwa xyeemank li Raatin li Yos. Ab'anan, rik'in naq neketz'eqtaana a'an ut nekereek'a eerib' naq moko eek'ulub' ta li junelik yu'am, ab'ihomaq: tooxik rik'ineb' li junch'ol chik.

San Lucas 21:36

Chexyo'leq b'i'; rajlal chextijoq re naq kawaqex chi xkolb'al eerib' chiru chixjunil a'in li talajk'ulmanq ut xaqxooqex chiru li K'ajolb'ej”.

Daniel 4:37

“Ut anaqwan, laa'in laj Nabukodonosor ninnima, ninterq'usi ut ninloq'oni ru li Awab'ej wank sa' choxa, xb'aan naq naxb'aanu chixjunil sa' tiikilal ut tz'aqal yaal, ut naxkub'si xwankil li ani naxq'etq'eti rib'”.

Jeremías 9:24

Li ani naraj xnimankil rib', xnimaaq rib' rik'in a'in: naq naxnaw wu ut naxtaw ru naq laa'in li Qaawa', li nin'uxtaanak u ut ninxaqab' xwankil li tiikil ch'oolej ut li yaal sa' ruuchich'och'. Xb'aan naq a'an a'in li nawulak chiwu”, chan li Qaawa'.

Salmos 111:7

Chixjunil li naxb'aanu, a'an chaab'il ut tz'aqal yaal; paab'ajel chixjunileb' li xchaq'rab':

Salmos 72:2

Chixjolomi taxaq laatenamit sa' tiikilal, ut eb' li neb'a' chixb'eresiheb' sa' xyaalalil.

Salmos 50:6

Ut li choxa naxye naq li Yos a'an laj raqol aatin, ut a'an junelik tiik xch'ool.

Salmos 33:5

A'an q'axal naxra li tiikil ch'oolej ut li yaal; nujenaq li ruuchich'och' rik'in xrahom li Yos.

Li xHu LAJ JOB 8:3

Li Nimajwal Yos junelik naxb'aanu chixjunil sa' tiikil ch'oolej.