2 Ts 1:3 - Q'eqchi Bible

³ Ex qas qiitz'in, junelik teneb'anb'il sa' qab'een naq toob'anyoxinq re li Yos cherix laa'ex, jo' xk'ulub', xb'aan naq q'axal yo chi k'iik leepaab'aal ut numtajenaq chik nekera eerib' rik'ineb' chixjunil ut chejunjunqal.

Li Santil hu

³ Ex inherma̱n, incꞌaꞌ nakacanab xbantioxinquil chiru li Dios saꞌ e̱cꞌabaꞌ la̱ex. Tento takabantioxi chiru li Dios xban nak yo̱ chi cacuu̱c e̱chꞌo̱l saꞌ le̱ pa̱ba̱l ut kꞌaxal cuiꞌchic nequera e̱rib che̱ribil e̱rib.

2 Ts 1:3 ပူးပေါင်းရင်းမြစ်များ

2 Pedro 3:18

Chexk'iiq sa' rusilal li Qaawa' rik'in xnawb'al ru li Jesukriist, laj Kolol qe. Rehaq taxaq li loq'al, anaqwan toj sa' li kutan ink'a' nalajk na'oso'k. Jo'kan taxaq.

Proverbios 4:18

Li xyu'ameb' li tiikeb' xch'ool a'an chanchan xsaqenkil li hik'e'k: na'ok chi lemtz'unk toj reetal nakutano'k ru sa' wa'leb'.

2 Ts 2:13

A'ut laa'o rajlal toob'anyoxinq re li Yos cherix laa'ex, ex qas qiitz'in raarookex xb'aan li Qaawa', xb'aan naq li Yos kisik'ok eeru chalen chaq sa' xtiklajik re naq texkole'q sa' xk'ab'a' li santob'resink naxb'aanu li Musiq'ej, jo' ajwi' xb'aan xpaab'ankil li yaal.

1 Ts 4:1

Chirix chik a'in, ex qas qiitz'in, naqatz'aama naqelaji cheru sa' xk'ab'a' li Qaawa' Jesus naq chexwanq jo' nawulak chiru li Yos, jo' chanru tzolb'ilex wi' qab'aan. Ak yookex xb'aanunkil chi jo'kan, ab'anan q'axal wi' chik cheb'aanu.

Filipenses 1:9

Ut a'an a'in li nintz'aama sa' lintij: naq leerahom chik'iiq chi junelik rik'in xtawb'al eena'leb' jo'wi' xtawb'al xyaalal chixjunil,

1 Ts 3:12

Ut li Qaawa' chixk'e taxaq eere naq chik'iiq ut chinumtaaq li rahok eerik'in cherib'il eerib' ut rik'in chixjunileb' leeras eeriitz'in, jo' ajwi' naq nekexqara laa'o,

San Juan 15:2

Chixjunil li ruq' li ink'a' na'uuchink wik'in, narisi; ut chixjunil li na'uuchink, naxsaab'esi ru re naq numtajenaq chik taaruuchin.

1 Pedro 1:22

Eech'ajob'resihom leeraanm rik'in xpaab'ankil li yaal, re naq teera eerib' jo' eeras eeriitz'in eerib', chi ink'a' yal pak'b'il. Q'axal b'i' naq cherahaq eerib' chi saqaq ru leech'ool,

1 Ts 3:9

Ut chan tawi' ru tooyoxinq chiru li Yos cherix laa'ex rik'in chixjunil li xsahil qach'ool naqeek'a chiru li qaYos sa' eek'ab'a'?

Romanos 1:8

Xb'een xb'een ninyoxink chiru linYos sa' xk'ab'a' li Jesukriist cherix chejunilex xb'aan naq chaab'il resilal leepaab'aal sa' chixjunil li ruuchich'och'.

2 Pedro 1:13

A' yaal jo' najtil wanqin sa' li muheb'aal a'in, nink'oxla naq tento sa' inb'een rajsinkil ru leek'a'uxl rik'in xjultikankil cheru eb' li aatin a'in.

1 Ts 3:6

Toja' xsutq'iik chaq laj Timoteo eerik'in, ut chaab'il resil leepaab'aal ut leerahom xk'am chaq; xolxye ajwi' naq junelik nokoojultiko'k eere ut nekeraj rilb'al qu, jo' ajwi' naq laa'o naqaj rilb'al eeru.

Filipenses 1:7

Xk'ulub' naq laa'in tweek'a chi jo'ka'in cherix chejunilex, xb'aan naq wankex sa' linch'ool, rik'in naq laa'ex jun chi tz'aqonk rik'in li rusilal li Yos k'eeb'il we, naq wankin sa' tz'alam jo' ajwi' naq ninkol rix li Chaab'il Esilal ut ninxaqab' xwankil.

Efesios 5:20

Sa' xk'ab'a' li Qaawa' Jesukriist chexyoxinq junelik chiru li Yos Yuwa'b'ej rik'in chixjunil.

1 Corintios 1:4

Junelik ninyoxink chiru li Yos cherix laa'ex xb'aan li rusilal li Yos k'eeb'il eere sa' xk'ab'a' li Kristo Jesus,

San Lucas 17:5

Ke'xye eb' li apóstol re li Qaawa': —K'e xtz'aqob' li qapaab'aal.

San Lucas 15:32

Ab'anan tento ajwi' xqab'aanu li ninq'e ut xsaho'k sa' qach'ool, xb'aan naq laawiitz'in a'in kamenaq naq xwank ut xwakliik wi' chik chi yo'yo, kisachk ut xtawmank chaq»”.

Salmos 92:13

Li tiikeb' xch'ool neke'k'iik jo' li kala' ut neke'nimank jo' li yaw wank aran Líbano:

Salmos 84:7

Naq toxe'nume'q sa' li Taq'a re li Yaab'ak, te'xsutq'isi li na'ajej cho'q yu'amha', ut li xtiklajik li hab'alq'e k'ajo'aq li rosob'tesihom sa' xb'een.

Li xHu LAJ JOB 17:9

Ab'an li tiik xch'ool kaw xaqxooq sa' li xpaab'aal, ut li maak'a' xmaak chinimanq li xkawilal xch'ool.

2 Corintios 10:15

Ink'a' naqanima qu chi numtajenaq rik'in li k'anjel xe'xb'aanu li junch'ol chik; naqoyb'eni b'an naq rik'in xk'iijik leepaab'aal, rajlal toonimanq sa' eeyanq jo' chanru raqb'il sa' qab'een.

2 Ts 2:1

Ex qas qiitz'in, chirix li xk'ulunik li Qaawa' Jesukriist ut li xch'utub'ankil qib' rik'in, naqatz'aama cheru