2 Ts 1:10 - Q'eqchi Bible

¹⁰ Sa' li Kutan a'an tol'elq li Qaawa' re naq taanimaaq xloq'al sa' xyanqeb' li xsant ut taaloq'oniiq xb'aaneb' chixjunileb' laj paab'anel. Ut laa'ex xepaab' li xqach'olob' xyaalal cheru.

Li Santil hu

¹⁰ Chixjunil aꞌin ta̱cꞌulma̱nk saꞌ li cutan nak tol-e̱lk cuiꞌchic li Ka̱cuaꞌ Jesucristo. Saꞌ li cutan aꞌan li Jesucristo ta̱lokꞌoni̱k xbaneb chixjunileb li nequeꞌpa̱ban re. La̱ex cuanquex saꞌ xya̱nkeb aꞌan. Rehex chic li Cristo xban nak ac xepa̱b lix ya̱lal li xkachꞌolob che̱ru.

2 Ts 1:10 ပူးပေါင်းရင်းမြစ်များ

2 Timoteo 4:8

Ut chalen anaqwan ak yo chi woyb'eninkil linmaatan li tinxq'ajkamu wi' li Qaawa' sa' li Kutan a'an, li tiik xch'ool chi raqok aatin; ut moko ka'aj ta wi' laa'in, jo'kaneb' aj b'an wi' chixjunileb' li neke'xyo'oni li xnimal xk'ulunik chi anchaleb' xch'ool.

Efesios 1:18

Chixkutanob'resi taxaq leech'ool, re naq teenaw b'arwan leeroyb'enihom b'oqb'ilex wi' xb'aan, jo'wi' li xchamal xsasal li loq'al te'reechani eb' laj santil paab'anel.

1 Corintios 3:13

li xk'anjel li junjunq toxk'utb'esiiq sa' li xnimal kutan. Xb'aan naq sa' roso'jikeb' li kutan li xam taayaloq xchaab'ilal xk'anjel li junjunq.

San Juan 17:10

Chixjunil li k'aru we, aawe ajwi' laa'at, ut chixjunil li k'aru aawe, we ajwi' laa'in; ut rik'ineb' a'an xnimaak inloq'al.

Isaías 49:3

Ut kixye we: “At Israel, laa'at laj k'anjel chiwu ut aawik'in tink'ut inloq'al”, chan.

1 Pedro 2:9

A'ut laa'ex sik'b'il eeru cho'q loq'laj iyaj, laa'ex aj tij sa' xk'anjel li nimajwal Rey, santil tenamitex; laa'ex jun tenamit b'oqb'il chi ok sa' li reechanihom li Yos re naq teepuktesi li xninqal ru xb'aanuhom Li kib'oqok chaq eere chi xkanab'ankil li aak'ab' re ok sa' li xchaq'alil ru saqenk.

Números 23:23

Maak'a' na'ok wi' laj q'e rik'ineb' laj Jakob, chi moko laj tuul rik'ineb' laj Israel. Sa' xq'ehil taayeemanq reheb' laj Jakob ut laj Israel li k'aru naxb'aanu li Qaawa'.

2 Ts 2:13

A'ut laa'o rajlal toob'anyoxinq re li Yos cherix laa'ex, ex qas qiitz'in raarookex xb'aan li Qaawa', xb'aan naq li Yos kisik'ok eeru chalen chaq sa' xtiklajik re naq texkole'q sa' xk'ab'a' li santob'resink naxb'aanu li Musiq'ej, jo' ajwi' xb'aan xpaab'ankil li yaal.

1 Corintios 1:6

Li resilal li Kriist kipuktesimank ut kixchap xxe' sa' eeyanq.

Salmos 89:7

Aran taqe'q, ani taajuntaq'eetaaq wi' li Qaawa'? Ma wank tab'i' junaq jo' li Qaawa' sa' xyanqeb' li yos?

2 Timoteo 1:18

A' taxaq li Qaawa' chi'uxtaananq ru sa' li Kutan a'an, ut jo'ch'inal jo'nimal li chaab'il k'anjel xb'aanu we aran Éfeso, laa'at nakanaw chi us.

2 Timoteo 1:12

ut yookin chi xk'ulb'al li rahilal a'in. Ab'an ink'a' ninxutaanak xb'aan naq ninnaw chi us ani k'ojk'o wi' inch'ool, ut ch'olch'o chiwu naq A'an q'axal kaw rib' re xk'uulankil li k'aru q'axtesinb'il we, toj reetal taawulaq li Kutan a'an.

2 Ts 1:12

Chi jo'kan taanimaaq xloq'al li Qaawa' Jesus eerik'in, ut laa'ex rik'in, jo' chanru li rusilal li qaYos ut li Qaawa' Jesukriist.

1 Ts 2:13

Jo'kan naq laa'o ajwi' junelik nokooyoxink chiru li Yos xb'aan naq, jo'q'e xerab'i li Raatin li Yos xqapuktesi eere, xek'ul moko jo' ta raatin li winq, jo' b'an tz'aqal li xyaalalil, jo' raatin li Yos li yo chi k'anjelak rik'in xwankil sa' eeyanq laa'ex laj paab'anel.

1 Ts 2:1

Ex was wiitz'in, nekenaw chi us naq li qawulajik eerik'in moko xkanaak ta chi maak'a' rajb'al.

1 Ts 1:5

xb'aan naq li Chaab'il Esilal xqapuktesi eere moko ka'aj ta wi' rik'in aatin xwulak eerik'in, rik'in aj b'an wi' xwankil li Yos jo'wi' rik'in li Santil Musiq'ej, chi tz'aqal yaal. Nekenaw chanru naq xoowank chaq sa' eeyanq xb'aan eeraab'al.

Efesios 3:16

re naq tixk'e eere, jo' chanru li xnimal xloq'al, naq kawaq eech'ool ut k'uub'kuuq leeraanm xb'aan li xMusiq'.

Efesios 3:10

Chi jo'kan, sa' xk'ab'a' li Iklees, nak'eemank chi nawe'k anaqwan li xnimal xk'a'uxl li Yos chiruheb' li wankeb' xwankil ut neke'taqlank sa' li choxa,

Efesios 2:7

re xk'utb'al xnimal li rusilal sa'eb' li kutan chaalel: naq numtajenaq nim li qaraab'al rik'in li Kristo Jesus!

Efesios 1:14

a'an li naqachap wi' li qaloq'laj maatan, toj reetal taatz'aqloq ru li qakolb'al laa'o li tenamit eechaninb'il xb'aan li Yos, re naq chinimaaq xloq'al.

Efesios 1:12

re naq chinimaaq xloq'al qab'aan laa'o li ak junxil xaqxo chaq li qoyb'enihom rik'in li Kriist.

Efesios 1:6

re naq taanimaaq xloq'al li usilal koorusila wi' sa' xk'ab'a' li xraarookil Alal.

Gálatas 1:24

Ut neke'xnima ru li Yos inb'aan.

San Juan 11:4

Naq kirab'i a'in, li Jesus kixye: —Li yajel a'in moko re ta kamk, re b'an xnimal xloq'al li Yos, re naq taanimaaq xloq'al li Ralal li Yos xb'aan a'an.

San Lucas 10:12

Ninye eere naq sa' li kutan a'an kotzkooq b'ayaq li rahilal tixk'ul Sodoom chiru li tixk'ul li tenamit a'an.

San Mateo 25:31

“Naq taak'ulunq chaq li K'ajolb'ej sa' li xnimal xloq'al rochb'eenaqeb' chaq chixjunileb' li x'ánjel, toja' naq taak'ojlaaq sa' li xloq'laj k'ojarib'aal.

San Mateo 24:36

“A'ut chirix li kutan a'an malaj li xhonalil, maa'ani nanawok jo'q'e, chi moko eb' li ánjel sa' choxa chi moko li K'ajolb'ej, ka'ajwi' li Yuwa'b'ej.

San Mateo 7:22

Naab'aleb' te'yehoq we sa' li kutan a'an: «Qaawa', Qaawa', ma ink'a' tab'i' xoo'aatinak jo' propeet sa' aak'ab'a', ut xoo'isink maa'us aj musiq'ej sa' aak'ab'a', ut xqab'aanu naab'al sachb'ach'oolej sa' aak'ab'a'?».

Malaquías 3:17

Toja' naq li Nimajwal Yos kixye: “Yookin chi xkawresinkil jun li kutan, b'arwi' a'aneb' tz'aqal intenamitaqeb' wi' chik, ut tinkuy li xmaakeb' jo' naq jun li yuwa'b'ej naxkuy xmaak li ralal li nak'anjelak chiru.

Jeremías 33:9

Jerusalén a'anaq li xnimal xsahil linch'ool, a'anaq linloq'al ut linwankil sa' xyanqeb' chixjunil li tenamit sa' ruuchich'och'. Naq eb' a'an te'rab'i resil chixjunil li us tink'am chaq sa' xb'eeneb' laj Jerusalén, ut chixjunil li usilal tinb'aanu reheb', te'xsiksiki rib' ut te'sachq xch'ool”.

Isaías 60:21

“Chixjunileb' li wanqeb' sa' laatenamit tiikaqeb' xch'ool ut te'reechani li na'ajej a'in chi junajwa. Laa'in kinyoob'tesink reheb' re naq te'xk'ut linloq'al: chanchaneb' li xtuxm li awimq li kiwaw laa'in.

Isaías 44:23

At choxa, jap aawe xb'aan xsahil aach'ool sa' xk'ab'a' li xb'aanuhom li Qaawa'. B'ichanqex, sahoqex, ex xchamal li ruuchich'och'! Ex k'iche' ut ex tzuul eerochb'een chixjunileb' li che', pisk'onqex xb'aan xsahil eech'ool, xb'aan naq li Qaawa' xk'ut li xloq'al chiru laj Israel naq xkoleb' li ralal xk'ajol laj Jakob.

Isaías 43:21

Toja' naq li tenamit li kinkawresi cho'q we te'xb'icha linloq'al.

Salmos 68:35

Chek'e reetal li xnimal xwankil li Qaawa': nalemtz'unk li xloq'al sa' xb'eeneb' laj Israel, ut li xnimal xwankil nawulak toj sa' li choql.

Isaías 2:11

Taawulaq xkutankil naq eb' li neke'xnima rib' te'xkub'si li rilob'aal ut eb' li q'etq'et te'kub'siiq xwankil. Toja' naq ka'aj chik li Qaawa' taanimaaq ru.

San Mateo 16:27

Xb'aan naq li K'ajolb'ej yooq chaq chi chalk sa' li xnimal xloq'al li xYuwa' rochb'eenaqeb' chaq li x'ánjel; toja' naq tixq'ajkamu li junjunq a' yaal chanru li xb'aanuhom.

San Mateo 16:28

Relik chi yaal ninye eere naq wankeb' sa' eeyanq li ink'a' te'kamq toj reetal te'ril li K'ajolb'ej yooq chaq chi chalk sa' li xnimajwal wankilal.

1 Timoteo 3:16

Relik chi yaal naq q'axal nim li qaloq'laj paab'aal li k'utb'esinb'il chiqu: A'an kixk'utb'esi rib' sa' li qach'och'el qasululel, kixaqab'aak xwankil sa' li Musiq'ej, ki'ile'k xb'aaneb' li ánjel, kipuktesiik resil reheb' li tenamit, kipaab'aak sa' li ruuchich'och' ut kik'ame'k taqe'q sa' xnimal xloq'al.