2 Samuel 9:3 - Q'eqchi Bible

³ Toja' naq li awab'ej kixye: “Ma toj yo'yo junaq ralal xk'ajol laj Saúl? Twaj ruxtaanankil ru chi yo'oon”. Kichaq'ok laj Sibá: “Toj yo'yo jun ralal laj Jonatán, sik roq”, chan.

Li Santil hu

³ Li rey David quixye re: —¿Ma toj yoꞌyo junak ralal xcꞌajol laj Saúl? La̱in nacuaj tinba̱nu usilal re joꞌ xinye re li Dios tinba̱nu, chan. Laj Siba quixye re: —Toj yoꞌyo jun li ralal laj Jonatán. Aꞌan incꞌaꞌ nabe̱c, chan.

2 Samuel 9:3 ပူးပေါင်းရင်းမြစ်များ

2 Samuel 4:4

Laj Jonatán, ralal laj Saúl, kiwank jun ralal sik roq, aj Mefibahal xk'ab'a'. Oob' chihab' wank re naq ki'elk chaq Jisrehel resil li xkamik laj Saúl ut laj Jonatán. Toja' naq li ixq aj ilol re kixchap ut ki'elelik, ab'anan naq yo chi aanilak, kit'ane'k li ch'ina'al ut sik kikanaak.

San Lucas 6:36

“Aj uxtaanaqex jo' naq aj uxtaan leeYuwa'.

Deuteronomio 10:15

Ab'an ka'ajwi' chirixeb' laana' laayuwa' xkoho xch'ool li Qaawa'; kixraheb' ut kixsik' ajwi' eeru laa'ex li ralal xk'ajoleb' sa' xyanq chixjunileb' li tenamit, jo' yookex chi rilb'al anaqwan.

2 Samuel 19:26

Kichaq'ok a'an: “At awab'ej, aj eechal we, laj k'anjel chiwu xinxb'alaq'i. Laa'in yeq li woq, jo'kan naq xinye sa' inch'ool: «Tinyiib' rix linb'uur, tintaqe'q chirix ut tinxik chirix li awab'ej», chankin sa' inch'ool.

Deuteronomio 4:37

A'an kixraheb' laana' laayuwa'; jo'kan naq kixsik'eb' ru li ralal xk'ajoleb' ut katrisi chaq Ejiipt rik'in xnimal xwankil,

2 Samuel 9:7

Laj David kixye re: “Matxiwak, twaj rusilankil aawu sa' xk'ab'a' laj Jonatán laayuwa'ilq. Tinq'ajsi aawe chixjunil li xch'och' laj Saúl laayuwa'chinilq, ut laa'at junelik sa' inmeex tattzekanq”.

2 Samuel 9:13

Laj Mefibahal nawank Jerusalén xb'aan naq sik xkab'ichaleb' li roq ut junelik nawa'ak sa' xmeex li awab'ej.

2 Samuel 19:27

A'ut a'an xyoob' aatin chiwix chawu laa'at li awab'ej, laj eechal we. Ab'anan laa'at chanchanat jun x'ánjel li Yos ut ninnaw naq taab'aanu li k'aru us cho'q aawe.