2 Samuel 8:3 - Q'eqchi Bible

³ Laj David kixq'ax ajwi' ru laj Hadadéser, ralal laj Rejob, awab'ej re Sobá, naq a'in ok raj re chi xxaqab'ankil xwankil sa' xb'een li na'ajej wank junqre li nima' Éwfrates.

Li Santil hu

³ Laj Hadad-ezer, li ralal laj Rehob, aꞌan lix reyeb laj Soba. Nak yo̱ raj chi xic laj Hadad-ezer chire̱chaninquil cuiꞌchic li naꞌajej chire li nimaꞌ Éufrates, laj David quinumta saꞌ xbe̱neb.

2 Samuel 8:3 ပူးပေါင်းရင်းမြစ်များ

1 Samuel 14:47

Naq laj Saúl kixaqab'aak cho'q awab'ej re Israel, kiyalok yalaq b'ar rik'ineb' li xik' neke'ilok re: rik'ineb' laj Mohab, laj Amón ut eb' laj Edom, rik'in li awab'ej re Sobá ut rik'ineb' laj Filistea. Yalaq b'ar naxik, naq'axok chaq u.

2 Samuel 10:19

Naq chixjunileb' li awab'ej li neke'tenq'ank re laj Hadadéser ke'ril naq ke'q'axe'k ru xb'aaneb' laj Israel, ke'xk'e rib' sa' tuqtuukil usilal rik'ineb' ut ke'kanaak rub'el xwankileb'. Ut eb' laj Aram ink'a' chik ke'chalk xch'ool chi xtenq'ankileb' laj Amón.

2 Samuel 10:16

Laj Hadadéser kixtaqla xsik'b'aleb' laj Aram li wankeb' junpak'al li nima' Éwfrates. Ut eb' a'in ke'wulak aran Jelán: laj Sobak, xjolomileb' laj puub' re laj Hadadéser, yo chi k'amok chaq xb'eheb'.

1 Crónicas 18:3

Laj David kixq'ax ajwi' ru laj Hadadéser, awab'ej re Sobá li wank sa' xjayal Jamat, naq a'in ok raj re chi xxaqab'ankil xwankil sa' xb'een li na'ajej wank junqre li nima' Éwfrates.

2 Samuel 10:6

Naq eb' laj Amón ke'xk'e reetal naq xik' chik te'ile'q xb'aan laj David, ke'xtoj junmay mil (20,000) aj puub' aj Aram re Bet-Rejob ut re Sobá; jo'wi' lajeek'aal rox o'q'ob' (1,000) aj puub' re li awab'ej re Mahaká ut kab'laju mil (12,000) re li awab'ej re Tob.

Salmos 72:8

Chiwanq xwankil chalen sa' li palaw toj sa' li palaw jun chik, chalen sa' li nima' Éwfrates toj sa' xmaril li ruuchich'och'.

Salmos 60:1

Re li xjolomileb' laj b'ichanel. Taab'ichamanq jo' chanru li xyaab': “Li xliryo li testiiw”. Xk'utum laj David.

1 Reyes 4:21

Laj Salomón wank xwankil sa' xb'een chixjunileb' li awab'ejihom, chalen chaq chire li nima' Éwfrates toj sa' xtenamiteb' laj Filistea ut toj chi xnub'ajlil Ejiipt. Chixjunileb' a'an neke'xk'e xtoj ut neke'k'anjelak chiru laj Salomón jo' najtil kiyo'yook.

Deuteronomio 11:24

Chixjunil li na'ajej toxeek'e wi' leeroq, eerehaq laa'ex: chalen chaq sa' li chaqich'och' toj Líbano, chalen chaq li nima' Éwfrates toj wan wi' li palaw sa' rokeb'l saq'e, toj aran wanqeb' xnub'ajlil leena'aj.

Éxodo 23:31

Tinxaqab' aanub'ajl chalen chaq sa' li Kaqi Palaw toj sa' li palaw reheb' laj Filistea, chalen chaq sa' li chaqich'och' toj sa' li nima' Éwfrates. Tinq'axtesiheb' sa' aawuq' li wanqeb' sa' li na'ajej a'an, ut laa'at taawisiheb' sa' xnaq' aawu.

Génesis 15:18

Sa' li kutan a'an li Qaawa' kixk'ojob' jun Sumwank rik'in laj Abrán: “Xink'e li ch'och' a'in reheb' laawalal aak'ajol chalen chaq sa' li nima' re Ejiipt toj sa' li nimla nima', a' li Éwfrates.

2 Samuel 10:15

Naq eb' laj Aram ke'ril naq ke'q'axe'k ru xb'aaneb' laj Israel, ke'xjunaji wi' chik rib'.

2 Samuel 23:36

laj Ikal, ralal laj Natán, Sobá li xtenamit; laj Baní aj Gad;

2 Crónicas 8:3

Chirix chik a'an koho chi yalok rik'in li tenamit Jamat-Sobá ut kixchap cho'q re.