2 Samuel 8:2 - Q'eqchi Bible

² Kixq'ax ajwi' ruheb' laj Mohab; kixk'eheb' chi jilib'aak chiru ch'och' ut kixb'iseb' rik'in k'aam: jo'k'ihaleb' li ke'kanaak sa' li wiib' b'isok, ke'kamsiik; ut li ke'kanaak sa' li rox b'isok, ke'kanab'aak chi yo'yo. Jo'ka'in naq eb' laj Mohab ke'kanaak rub'el xwankil laj David chi k'ehok toj.

Li Santil hu

² Chirix chic aꞌan laj David quinumta saꞌ xbe̱neb laj Moab. Quixtusubeb chi yocyo saꞌ chꞌochꞌ ut quixbiseb riqꞌuin cꞌa̱m. Li caꞌcab tusul quixcamsiheb ut li cuanqueb saꞌ li rox tusul incꞌaꞌ quixcamsiheb. Eb li incꞌaꞌ queꞌcamsi̱c queꞌcana rubel xcuanquil laj David ut queꞌxtoj rix lix naꞌajeb.

2 Samuel 8:2 ပူးပေါင်းရင်းမြစ်များ

Números 24:17

Wank k'aru nawil, us ta maji' ch'olch'o chi us anaqwan; nink'e reetal chi maji' nanach'ok chi us: jun chahim xwakliik chaq rik'in laj Jakob, xaqxo xwankil jun li awab'ej sa' xyanqeb' laj Israel. A'an tixsach ruheb' laj Mohab ut tixputz'i xjolomeb' li ralal xk'ajol laj Set.

Salmos 60:8

Li Yos x'aatinak chaq toj sa' li xloq'laj ochoch: “Ok we chi xjachinkil Sikén chi sa sa' inch'ool, tinb'is chixjunil li xtaq'ahil Sukot, chan.

2 Samuel 8:6

Moqon chik laj David kixxaqab'eb' aj k'aak'alenel aran Aram sa' xteepal Damaask, ut eb' laj Aram ke'kanaak rub'el xwankil laj David chi k'ehok toj. Yalaq b'ar naxik laj David, li Qaawa' natenq'ank re chi q'axok u.

1 Samuel 10:27

Ab'an wankeb' li yib'ru xna'leb'eb' ke'xye: “Ma tooxkol awuli?”, chankeb'. Ke'xtz'eqtaana laj Saúl ut ink'a' ke'xk'e xmaatan. Ab'an laj Saúl ink'a' kixk'e sa' xch'ool li k'aru ke'xb'aanu.

Isaías 36:16

Meepaab' li raatin laj Esekías, xb'aan naq jo'ka'in xye chaq li awab'ej re Asiria: «K'amomaq eerib' sa' usilal wik'in ut q'axtesihomaq eerib' chiwu. Chi jo'kan li junjunq eere sa tixtzeka ru li x'uub' ut li x'iig, ut taaruk' li ha' wank sa' li xkumb'.

Salmos 108:9

We laa'in li xsutam Galahad ut Manasés; Efraín a'an xkoleb' linjolom ut Judá a'an linloq'laj b'aar.

2 Crónicas 26:8

Eb' laj Mohab ke'xk'e li tojleb' re laj Osías, li kinimank xwankil ut koxnawje'q toj sa' xnub'ajlil Ejiipt.

1 Crónicas 18:2

Kixq'ax ajwi' ruheb' laj Mohab li ke'kanaak rub'el xwankil laj David ut ke'taqlaak chi k'ehok toj.

2 Reyes 17:3

Laj Salmanasar, awab'ej re Asiria, koho chi yalok rik'in laj Oseas, ut a'in kikanaak rub'el xwankil laj Salmanasar ut ki'ok chi xk'eeb'al xtoj re.

2 Reyes 1:1

Chirix xkamik laj Ajab, eb' laj Mohab ke'q'etq'eto'k chiruheb' laj Israel.

2 Samuel 12:31

ut eb' li poyanam li toj wankeb' aran, kirisiheb' ut kixk'eheb' chi jachok che', chi isink pek, chi yok'ok che' ut chi yiib'ank xan. Jo'kan ajwi' kixb'aanu rik'in chixjunileb' li xtenamiteb' aj Amón. Chirix chik a'an kisutq'iik Jerusalén rochb'een chixjunileb' laj puub'.

1 Samuel 14:47

Naq laj Saúl kixaqab'aak cho'q awab'ej re Israel, kiyalok yalaq b'ar rik'ineb' li xik' neke'ilok re: rik'ineb' laj Mohab, laj Amón ut eb' laj Edom, rik'in li awab'ej re Sobá ut rik'ineb' laj Filistea. Yalaq b'ar naxik, naq'axok chaq u.

Salmos 83:6

Jo'ka'in xe'k'uub'ank chi junaj ru xch'ooleb', xe'xk'amchi'i rib' chi xxik'b'al aawilb'al:

1 Samuel 22:3

Chirix chik a'an laj David ki'elk aran ut koho Mispé, sa' xteepal Mohab, ut kixye re li awab'ej re Mohab: “Chakuy inmaak, nintz'aama usilal naq chakanab'eb' chi wank linna' linyuwa' eerik'in; tojo' yaal naq tinnaw k'aru tixb'aanu li Yos wik'in”.

1 Samuel 22:4

Ut laj David kixk'am li xna' xyuwa' rik'in li awab'ej re Mohab, ut ke'kanaak aran jo' najtil kiwank laj David chi muqmu.

1 Reyes 4:21

Laj Salomón wank xwankil sa' xb'een chixjunileb' li awab'ejihom, chalen chaq chire li nima' Éwfrates toj sa' xtenamiteb' laj Filistea ut toj chi xnub'ajlil Ejiipt. Chixjunileb' a'an neke'xk'e xtoj ut neke'k'anjelak chiru laj Salomón jo' najtil kiyo'yook.

Salmos 18:45

Eb' laj ab'l tenamit neke'xnima wu, neke'ab'ink ut nikine'xpaab'.

Salmos 60:10

Mohab a'an li emel xna'aj linch'ajleb'; tinkut linperxaab' sa' xb'een Edom, ut tinb'ichanq xb'aan naq xinnumtaak sa' xb'eeneb' laj Filistea”.