2 Samuel 7:8 - Q'eqchi Bible

⁸ “Jo'kan utan taaye re laj David laj k'anjel chiwu: «Jo'ka'in xye li Nimajwal Yos: Laa'in xin'isink chaq aawe sa' li xna'ajeb' laakarneer re naq laa'ataq xjolomil lintenamit Israel.

Li Santil hu

⁸ Li Dios quixye re laj Natán: —Ta̱ye re laj David laj cꞌanjel chicuu, “Joꞌcaꞌin xye a̱cue li Ka̱cuaꞌ li nimajcual Dios: La̱in quinsicꞌoc a̱cuu nak yo̱cat chak chi iloc carner saꞌ cꞌaleba̱l, ut catinxakab chokꞌ xreyeb lin tenamit Israel.

2 Samuel 7:8 ပူးပေါင်းရင်းမြစ်များ

2 Samuel 12:7

Toja' naq laj Natán kixye re laj David: “Li winq a'an, a'anat laa'at. Jo'ka'in xye li Qaawa', xYos laj Israel: «Laa'in xatinxaqab' cho'q awab'ej re Israel ut xatinkol chiru laj Saúl.

2 Samuel 6:21

Toja' naq laj David kixye re: “Chiru li Qaawa' xinxajok laa'in: chiru li Qaawa' li kisik'ok wu cho'q reeqaj laayuwa' ut chixjunil li xjunkab'al ut kinxxaqab' cho'q aj k'amol xb'e Israel li xtenamit.

1 Crónicas 17:7

“Jo'kan utan, taaye re laj David laj k'anjel chiwu: «Jo'ka'in xye li Nimajwal Yos: Laa'in xin'isink chaq aawe sa' li xna'ajeb' laakarneer re naq laa'ataq xjolomil lintenamit Israel.

1 Samuel 10:1

Toja' naq laj Samuel kixchap li xukub' xna'aj li aseeyt ut kixhoy sa' xjolom laj Saúl. Kirutz' ru ut kixye re: “A' li Qaawa' xyuluk aawe cho'q xjolomil Israel li xtenamit. Laa'at tatjolominq ut tatkoloq re sa' ruq'eb' li xik' neke'ilok re. Ut a'inaq reetalil naq li Qaawa' xatxyul cho'q xjolomil li xtenamit:

1 Samuel 9:16

“Wulaj, sa' ajwi' li honal a'in, tintaqla aawik'in jun li winq aj Benjamín. Taayul jo' xjolomil lintenamit Israel, ut a'an taakoloq re lintenamit sa' ruq'eb' laj Filistea, xb'aan naq xwil li xtoq'ob'aal ruheb' lintenamit, ut li xkawil yaab'eb' xwulak wik'in”.

Hechos 7:46

A'in kixtaw usilal chiru li Yos ut kixtz'aama xyiib'ankil xmuheb'aal li xYos laj Jakob.

1 Samuel 2:8

Naxwaklesi sa' pojtz' li kub'enaq xwankil ut narisi li neb'a' sa' xna'aj li mul, re xk'eeb'al chi k'ojlaak chi xk'atqeb' li ninqeb' xwankil, re xk'eeb'al sa' jun li na'ajej q'axal loq'. Xb'aan naq li Qaawa' a'an laj eechal re eb' li roqechal li ruuchich'och': sa' xb'eeneb' a'an k'ojob'anb'il li choxach'och'.

2 Samuel 23:1

Rik'in li aatin a'in kixraq aatinak laj David: “Raatin laj David, ralal laj Jesé; raatin li winq li kitaqsiik xwankil, a' li sik'b'il ru xb'aan li xYos laj Jakob, li chaab'il aj b'ichanel aj Israel:

2 Samuel 24:17

Naq laj David kiril li ánjel yo chi xrahob'tesinkil li tenamit, kixye re li Qaawa': “Laa'in li xinmaakob'k, laa'in xinb'aanu li ink'a' us! A'ut li tenamit a'in, eb' li karneer a'in, maak'a'eb' xmaak. Nintz'aama chawu, at Qaawa', naq taataqla chaq li rahilal sa' inb'een ut sa' xb'een linjunkab'al”.

1 Reyes 3:6

Kichaq'ok laj Salomón ut kixye: “Laa'at q'axal xara laj David linyuwa', laj k'anjel chawu, xb'aan naq tiik xch'ool chawix, tuqtuuk xna'leb' ut xk'anjelak chi chaab'il chawe chawu. Jo'kan naq laa'at q'axal xawusila ru ut xak'e re jun ralal li tento taak'ojlaaq sa' xk'ojarib'aal, jo' xk'ulmank chiru li kutan a'in.

1 Reyes 8:16

«Chalen naq ke'wisiheb' chaq Ejiipt lintenamit Israel, ink'a' insik'om ru junaq na'ajej sa' xyanq chixjunileb' li xteepaleb' aj Israel, re xyiib'ankil junaq ochoch b'arwi' taawanq link'ab'a'. Ab'anan xinsik' ru laj David re tixjolomi lintenamit Israel».

1 Crónicas 21:17

Ut laj David kixye re li Yos: “Laa'in li xintaqlank rajlankileb' li tenamit. Laa'in li xinmaakob'k, laa'in xinb'aanu li ink'a' us! A'ut li tenamit a'in, eb' li karneer a'in, maak'a'eb' xmaak. Nintz'aama chawu, at Qaawa', at inYos, naq taataqla chaq li rahilal sa' inb'een ut sa' xb'een linjunkab'al re naq maak'a'aq tojb'amaak sa' xb'een laatenamit”.

2 Samuel 5:2

Chalen chaq junxil naq laj Saúl a'an chaq li na'awab'ejink qe, laa'at xtz'aqal jolomil Israel sa' li yalok. Ut xyehom li Qaawa' naq laa'at tatb'eresinq re li xtenamit ut laa'ataq aj k'amol xb'eheb' laj Israel”.

2 Samuel 14:13

Toja' naq li ixq kixye: “At awab'ej, k'a'ut naq jo'kan laak'a'uxl chirix li xtenamit li Yos? Rik'in li k'aru xaye, laa'at nakaxooto laamaak, xb'aan naq ink'a' chik nakak'e chi sutq'iik chaq laj Absalón.

Amós 7:15

A' li Qaawa' x'isink chaq we chi xk'aak'alenkileb' li ketomq ut xye we: «Ayu ut aatinan sa' ink'ab'a' rik'ineb' laj Israel, lintenamit».