2 Samuel 7:24 - Q'eqchi Bible

²⁴ Laa'at xatxaqab'ank reheb' laj Israel re naq a'anaqeb' laatenamit chi junelik ut laa'ataq li xYos.

Li Santil hu

²⁴ La̱at catsicꞌoc ruheb laj Israel re nak aꞌanakeb la̱ tenamit chi junelic. Ut la̱at, at Ka̱cuaꞌ, la̱atak lix Dioseb.

2 Samuel 7:24 ပူးပေါင်းရင်းမြစ်များ

Deuteronomio 26:18

Jo'kan ajwi', sa' li kutan a'in, li Qaawa' xye naq laa'at tz'aqal li xtenamit, jo' chanru kixyeechi'i aawe junxil, ut laa'at tento taak'uula sa' aach'ool chixjunil li xchaq'rab'.

1 Pedro 2:10

Junxil moko tenamitex ta chaq, ut anaqwan xtenamitex chik li Yos; laa'ex ink'a' uxtaananb'il chaq eeru xb'aan li Yos, ut anaqwan xetaw li ruxtaanal.

San Juan 1:12

A'ut chixjunileb' li ke'k'uluk re, kixk'e reheb' wank cho'q ralal xk'ajol li Yos, a'eb' li neke'paab'ank re:

Jeremías 31:33

A'an a'in li Sumwank tink'ojob' rik'ineb' laj Israel chiruheb' li kutan chaalel -chan li Qaawa'-: Tink'e linchaq'rab' sa' li xk'a'uxeb' ut tintz'iib'a sa' li xch'ooleb'. Laa'inaq li xYoseb' ut a'anaqeb' lintenamit.

Isaías 12:2

A' li Yos nakolok we; k'ojk'o li waanm rik'in ut maak'a' ninxiwa. Li Qaawa' a'an linkawilal ut linmetz'ew, a'an laj kolol we”.

Salmos 48:14

K'ehomaq reetal chanru li tz'ak sutsu wi', cheb'eeni chixjunileb' li xninqal ru ochoch, re naq teepuktesi resil reheb' li maji' yo'lajenaqeb':

Génesis 17:7

Tink'ojob' chi junajwa linSumwank aawik'in, jo' ajwi' rik'ineb' laawalal aak'ajol li te'wanq moqon. Laa'inaq laaYos ut xYoseb' ajwi' laawalal aak'ajol chi junelik.

Zacarías 13:9

Ut li jun jachal a'in tinnumsiheb' sa' xam, tinch'ajob'resiheb' jo' na'uxk re li plaat, tinpuuxi ruheb' jo' na'uxk re li oor. Toja' naq te'xyaab'a link'ab'a', ut laa'in tinsumeheb' chaq: «Intenamitex laa'ex», cha'qin reheb'; ut eb' a'an te'xye: «Li Qaawa' a'an li qaYos», cha'qeb'”.

Oseas 1:10

Sa' jun kutan eb' laj Israel te'k'ihanq ut li xk'ihaleb' kama'aq li samahib' chire li palaw; maajun taaruhanq chi b'isok re chi moko rajlankil. Ut ink'a' chik taayeemanq reheb': “Maawa'ex lintenamit”, li Yos b'an tixye reheb': “Laa'ex ralal li yo'yookil Yos”.

Jeremías 32:38

A'anaqeb' lintenamit ut laa'inaq li xYoseb'.

Jeremías 31:1

“Chiruheb' li kutan a'an laa'inaq li xYos chixjunileb' li ralal xk'ajol laj Israel ut a'anaqeb' lintenamit”, chan li Qaawa'.

1 Crónicas 17:22

Laa'at xatxaqab'ank re laatenamit Israel re naq a'anaq laatenamit chi junelik ut laa'ataq li xYos.

2 Samuel 7:23

Maajun chik tenamit wank sa' ruuchich'och' jo' laatenamit. “Laa'at, at Qaawa', xatkolok reheb' laj Israel, re naq a'anaqeb' laatenamit; xanima li xk'ab'a'eb' ut xab'aanu li sachb'ach'oolej q'axal ninqeb' ut xiwajeleb' xb'aan xnimal laarahom. Xawisiheb' sa' ruq'eb' laj Ejiipt ut xawaanilasiheb' li poyanam ut eb' li jalanil yos chiru laatenamit.

Deuteronomio 27:9

Chirix chik a'an laj Moisés ut eb' laj tij aj Leví ke'aatinak reheb' chixjunil laj Israel chi jo'ka'in: “Mat-eek'ank ut ab'i, Israel. Sa' li kutan a'in laa'at chik li xtenamit li Qaawa' laaYos.

Éxodo 15:2

Linkawilal ut linwankil a'an li Qaawa'; jo'kan naq tinb'ichanq. A'an laj Kolol we ut linYos: tento tinloq'oni. A'an li xYos linyuwa', ut laa'in tinnima ru.

Éxodo 6:7

Texink'e cho'q intenamit ut laa'inaq leeYos; ut teenaw naq Laa'inin li Qaawa' leeYos li texwisi sa' ruq'eb' laj Ejiipt.

Génesis 17:8

Tink'e aawe ut reheb' laawalal aak'ajol li ch'och' a'in li wankat wi' jo' aj numel; chixjunil Kanahán tink'e chi reechaniheb' chi junajwa, ut laa'inaq xYoseb'”.

Deuteronomio 32:6

Ma jo'kan naq nakaq'ajkamu li Qaawa' laaYos, at jip aj tenamit ut maak'a' aana'leb'? Ma ink'a' tab'i' A'an laaYuwa', laj Winqob'resihom aawe?

2 Samuel 7:25

“Ut anaqwan, at Qaawa' Yos, kaw chapchooq aab'aan chi junajwa li k'aru xayeechi'i we jo'wi' re linjunkab'al. B'aanu jo' chanru laawaatin.