2 Samuel 7:22 - Q'eqchi Bible

²² Q'axal nim laawankil, at Qaawa'. Maajun junaq jo' laa'at, maak'a' chik junaq yos chawu; ka'ajwi' laa'at, jo' ak qab'ihom resil.

Li Santil hu

²² At nimajcual Dios, kꞌaxal nim la̱ cuanquilal. Ma̱ jun chic nim xcuanquil joꞌ la̱at. Ma̱ jun chic Dios cuan. Caꞌaj cuiꞌ la̱at, joꞌ ac kabiom resil.

2 Samuel 7:22 ပူးပေါင်းရင်းမြစ်များ

Salmos 86:10

Xb'aan naq k'ajo' xnimal aawankil: laa'at nakatb'aanunk sachb'ach'oolej; ka'jat wi' li yo'yookil Yos!

Salmos 86:8

Ani ta chik jo' laa'at sa' xyanqeb' chixjunileb' li yos? Maajun nab'aanunk re jo' li nakab'aanu laa'at!

Éxodo 15:11

“Ma wank junaq Yos kama' laa'at, at Qaawa'? Ani sant ut nim xloq'al jo' laa'at, xiwajel xb'aan laasachb'ach'oolej, at aj b'aanuhom xninqal eetalil?

Miqueas 7:18

Maajun chik junaq Yos jo' laa'at, at Qaawa', xb'aan naq laa'at nakakuy nakasach li xmaakeb' li rela' laatenamit. Laa'at ink'a' nakatjosq'o'k chi junajwa, xb'aan naq nakara li uxtaanank.

1 Crónicas 16:25

Jwal nim xwankil li Qaawa' ut xk'ulub' loq'oniik, q'axal xiwajel ru chiru chixjunileb' li yos.

Isaías 45:5

Laa'in li Qaawa' ut maak'a' chik junaq; moko wank ta chik junaq yos chiwu laa'in. Xink'e aakawilal, us ta ink'a' nakanaw wu,

Deuteronomio 3:24

«At Qaawa', at inYos, laa'at xatikib' xk'utb'al chiru laj k'anjel chawu laanimal aawankilal ut li xkawilal laawuq'. Ani ta chik chi Yosil wank sa' choxa malaj sa' ruuchich'och' li taaruhanq xb'aanunkil xninqal b'aanuhom ut sachb'ach'oolej jo' nakab'aanu laa'at?

1 Samuel 2:2

Maak'a' junaq sant jo' li Qaawa', chi moko junaq saqoonak jo' li qaYos. Maa'ani chik junaq jo' A'an.

Salmos 89:8

Xiwajel ru li Yos sa' xch'utameb' li ánjel, jwal nim xwankil chiruheb' li jo'k'ihal wankeb' chi xk'atq.

Salmos 89:6

At Qaawa', li choxa naxnima aawu xb'aan laasachb'ach'oolej, ut li xch'utameb' li ánjel naxye resil li xtiikilal laach'ool.

Salmos 96:4

Jwal nim xwankil li Qaawa' ut xk'ulub' loq'oniik, q'axal xiwajel ru chiru chixjunileb' li yos.

Deuteronomio 4:35

“Aawe laa'at xk'e rilb'al chixjunil a'an re naq taanaw naq li Qaawa' a'an tz'aqal Yos, ut maak'a' chik junaq chiru A'an.

Isaías 40:18

Ani teejuntaq'eeta wi' li Yos malaj k'aru teejalamuuchi wi'?

Salmos 48:1

B'ich. Xsaalm eb' li ralal xk'ajol laj Koré.

Salmos 145:3

Jwal nim li Qaawa' ut xk'ulub' loq'oniik ru; li xnimal xwankilal ink'a' naru xtawb'al ru.

Salmos 135:5

Ninnaw chi us naq jwal nim li Qaawa', nim xwankil li qaYos chiru chixjunileb' li jalanil yos.

Salmos 44:1

Re li xjolomileb' laj b'ichanel. Xb'icheb' li ralal xk'ajol laj Koré.

Ezequiel 36:22

“Jo'kan naq ye reheb' laj Israel chi jo'ka'in: «Jo'ka'in xye li Qaawa': Li k'aru ok we chi xb'aanunkil, maawa' sa' eek'ab'a' laa'ex, ex aj Israel, sa' xk'ab'a' b'an linsantilal li xemux laa'ex sa'eb' li tenamit b'arwi' xexwank chaq.

Isaías 45:22

“Sutq'inqex chaq wik'in re naq texinkol, chejunilex li wankatqex chaq sa' xmaril li ruuchich'och', xb'aan naq laa'in li Yos ut maak'a' chik junaq.

Isaías 45:18

Xb'aan naq jo'ka'in naxye li Qaawa', laj yoob'tesihom re li choxa, A'an tz'aqal Yos, li kik'uub'ank ut kiyiib'ank re li ruuchich'och', ut kixk'ojob' sa' xna'aj; moko kixyiib' ta chi maak'a' xyaalal, re b'an naq taatenamito'q: “Laa'in li Qaawa' ut maak'a' chik junaq chiwu laa'in.

Isaías 40:25

“Ani ut nikineejuntaq'eeta wi' laa'ex malaj ani juntaq'eet wik'in?”, chan li Qaawa', li q'axal Sant.

2 Crónicas 2:5

Ut li ochoch ok we xkab'lankil nimaq chi us, xb'aan naq li qaYos jwal nim chiru chixjunileb' li jalanil yos.

Deuteronomio 32:39

Chek'e reetal naq laa'in injunes wib' ut maak'a' chik junaq yos chiwu laa'in. Nink'ehok chi kamk ut nink'e ajwi' li yu'am, nintiq'ok ut nink'irtasink. Maajun tixkol rib' chiru linwankil.

Ezequiel 36:32

Laa'in, li Qaawa', ninyehok re a'in: Ex aj Israel, chenawaq chi us naq moko sa' eek'ab'a' ta naq tinb'aanu a'in. Xutaanaqex ut chekub'si leewankil xb'aan leeyehom ut leeb'aanuhom.

Éxodo 10:2

Chi jo'kan laa'at taaye reheb' laawalal jo'wi' reheb' laawi k'aru xinb'aanu reheb' laj Ejiipt, a'eb' li xninqal reetalil li xink'ut chiruheb'; ut laa'ex teenaw naq Laa'inin li Qaawa'”.

Éxodo 8:10

“Wulaj”, chan laj Parahón naq kichaq'ok. Kixye laj Moisés: “Taa'uxq jo' laawaatin, re naq taanaw naq maajun kama' li Qaawa' li qaYos.

Éxodo 9:14

Xb'aan naq anaqwan tintaqla chaq chixjunileb' li rahilal chi junk'eeb'al sa' aab'een, sa' xb'eeneb' laj k'anjel chawu ut laatenamit, re naq taanaw naq maajun wank sa' ruuchich'och' kama' laa'in.

1 Reyes 8:23

ut kixye: “At Qaawa', xYos laj Israel, maak'a' chik junaq Yos jo' laa'at taqe'q sa' choxa, chi moko taq'a sa' ruuchich'och'. Laa'at tiik aach'ool chirix laaSumwank ut chaab'ilat rik'ineb' laj k'anjel chawu li nakate'xpaab' chi anchaleb' xch'ool.

Daniel 2:45

A'an a'in li xyaalal li pek li xtolk'ok chaq sa' li tzuul chi maajun kitoch'ok chaq re, ut kolxputz'i li q'anch'iich' ut li seb', li ch'iich', li plaat ut li oor. “At awab'ej, jo'ka'in naq li Nimajwal Yos xk'utb'esi chawu li taak'ulmanje'q chiruheb' li kutan chaalel. Ut tz'aqal yaal li matk' a'an jo'wi' li xyaalalil”, chan laj Daniel.

Éxodo 8:6

Laj Aharón kixye' li ruq' sa' xb'eeneb' li ha' re Ejiipt: ke'taqe'k chaq li amoch ut ke'xnujob'resi li tenamit Ejiipt.

Deuteronomio 4:39

“Jo'kan utan, wanq sa' aach'ool sa' li kutan a'in ut chak'oxla chi junelik naq li Qaawa' a'an Yos jo' sa' choxa jo' sa' ruuchich'och', ut maak'a' chik junaq chiru.

2 Samuel 22:32

Ma wank tab'i' junaq chik Yos chirix li Qaawa'? Ani tab'i' truuq taakoloq qe? Ma ink'a' tab'i' ka'ajwi' li qaYos?