2 Samuel 7:18 - Q'eqchi Bible

¹⁸ Toja' naq li awab'ej David ki'ok sa' xMuheb'aal li Qaawa', koxk'ojlaaq aran ut kixye: “At Qaawa', anihin laa'in ut k'aru linjunkab'al naq xasi we chixjunil a'in?

Li Santil hu

¹⁸ Ut laj David qui-oc saꞌ li muheba̱l li cuan cuiꞌ lix Lokꞌlaj Ca̱x li Ka̱cuaꞌ. Quitijoc ut quixye: —At Ka̱cuaꞌ, at nimajcual Dios, ¿anihin la̱in ut aniheb li cualal incꞌajol nak xaqꞌue li usilal aꞌin cue?

2 Samuel 7:18 ပူးပေါင်းရင်းမြစ်များ

Salmos 8:4

Naq ninka'ya li choxa yiib'anb'il aab'aan, li po ut li chahim k'ojob'anb'ileb' sa' xna'aj,

1 Crónicas 17:16

Toja' naq li awab'ej David ki'ok sa' xMuheb'aal li Qaawa', koxk'ojlaaq aran ut kixye: “At Qaawa', at inYos, anihin laa'in ut k'aru linjunkab'al naq xasi we chixjunil a'in?

1 Samuel 18:18

Kichaq'ok laj David ut kixye: “Anihin laa'in, aniheb' linkomon ut li xjunkab'al linyuwa' sa' xyanqeb' laj Israel re naq laa'inaq li xhi' li awab'ej?”.

Génesis 32:10

moko ink'ulub' ta xk'ulb'al laawusilal ut laachaab'ilal li xak'ut chiwu laa'in aj k'anjelin chawu! Xb'aan naq ka'ajwi' linxuq' wan chaq we naq kinnume'k junxil sa' li nima' Jordán, ut anaqwan wiib' siir kab'al wank we.

Éxodo 3:11

Toja' naq laj Moisés kixye re li Yos: “Anihin laa'in re naq tinxik rik'in laj Parahón ut twisiheb' chaq Ejiipt laj Israel?”.

1 Samuel 15:17

Toja' naq laj Salomón kixye: “Us ta nakak'oxla naq kach'in laawankil, ab'anan ma ink'a' tab'i' xaqab'anb'ilat cho'q xjolomil chixjunileb' li xteepal laj Israel? Li Qaawa' xyuluk aawe cho'q awab'ej re Israel.

Efesios 3:8

Laa'in, li q'axal kub'enaq inwankil chiruheb' chixjunil laj santil paab'anel, xinmaatani li k'anjel a'in: xpuktesinkil resil li xchamal xsasal li xb'ihomal li Kriist reheb' li maawa'eb' aj Judiiy,

Jueces 6:15

Kichaq'ok laj Jedehón ut kixye: “Chinaakuy, at inQaawa'. Chanru naq tinkoleb' li tenamit Israel? Linjunkab'al, a'an li jwal kach'in sa' xyanqeb' laj Manasés, ut laa'in xch'iip li xjunkab'al linyuwa'”.

1 Samuel 9:21

Kichaq'ok laj Saúl: “Laa'in aj Benjamín, xkomonin li teep jwal kach'in sa' xyanqeb' laj Israel. Ut linjunkab'al ma ink'a' tab'i' li jwal kach'in sa' xyanq chixjunileb' li junkab'al aj Benjamín? Chan put ru naq nakaye we chixjunil a'in?”, chan laj Saúl.

Isaías 37:14

Laj Esekías kixk'ul li hu chi ruq'eb' li xtaql li awab'ej ut kiril xsa'. Chirix chik a'an koho sa' rochoch li Yos, kixte li hu chiru li Qaawa'

2 Samuel 7:17

Laj Natán kixye chixjunil a'in re laj David kama' kiyehe'k re xb'aan li Yos sa' li moy u a'in.

Génesis 32:11

Chinaakol taxaq sa' ruq' li was, sa' ruq' laj Esaú, xb'aan naq ninxiwa ru: mare anchal taachalq ut tinxsach wochb'eeneb' li ixq ut eb' li kok'al.

Li xHu LIX RUT 2:10

Naq xrab'i a'in, lix Rut kixk'utzub' rib' sa' ch'och' ut kixye re: —K'a'ut naq xintaw usilal chawu? Yal aj ab'l tenamitin laa'in, ut laa'at sa nikinaawil.

2 Samuel 23:5

Kaw xaqxo linjunkab'al chiru linYos, xb'aan naq li Qaawa' xb'aanu wik'in jun sumwank chi junelik, tustu ru ut xaqxo xwankil. A'an nak'ehok we chi q'axok u chi junelik, a'an naxk'e chi tz'aqlok ru chixjunil li wajom.

1 Crónicas 29:14

Anihin laa'in ut k'aru lintenamit re naq tqaq'axtesi aawe li yeechi'om a'in? Li xyaalalil, naq chixjunil nachalk aawik'in: chixjunil li naqak'e aawe, laa'at ajwi' xatk'ehok qe.