2 Samuel 7:12 - Q'eqchi Bible

¹² Jo'kan ajwi' naq taawulaq xq'ehil laakamik ut tatq'ajq tatsutq'iiq rik'ineb' laaxe'toonil yuwa', tinxaqab' chi awab'ej jun reheb' laawalal aak'ajol li taa'elq chaq aawik'in, ut tink'e xkawilal li x'awab'ejihom chi junelik.

Li Santil hu

¹² Nak ta̱cuulak xkꞌehil nak tatca̱mk, tatxic chi hila̱nc saꞌ xya̱nkeb la̱ xeꞌto̱nil yucuaꞌ. La̱in tinqꞌue chokꞌ a̱cue̱kaj jun reheb la̱ cualal. Ut tinxakab saꞌ xnaꞌaj lix cuanquilal.

2 Samuel 7:12 ပူးပေါင်းရင်းမြစ်များ

Hechos 2:30

Ab'an a'an propeet ut naxnaw naq yeeb'il chaq re xb'aan li Yos rik'in jurament chi jo'ka'in: «Taak'ojlaaq sa' laak'ojarib'aal jun reheb' laawalal aak'ajol».

1 Reyes 8:20

“Ut li Qaawa' xtz'aqob'resi ru li kixyeechi'i. Jo' yeeb'il chaq, xinxxaqab' sa' xna'aj laj David linyuwa' ut xinxk'ojob' sa' xk'ojarib'aal laj Israel, ut laa'in xinyiib' li rochoch li Qaawa', xYos laj Israel.

1 Reyes 2:1

Naq ak kamk re laj David, kixtaqla xb'oqb'al laj Salomón li ralal, re xchaq'rab'inkil:

Hechos 13:36

Chek'e reetal, laj David chiru li xyu'am kik'anjelak jo' chanru li xnimal rajom li Yos, ab'an moqon kikamk, koxjunaji rib' rik'in li xna' xyuwa' ut kiq'aak li xch'och'el xsululel.

1 Crónicas 17:11

Jo'kan ajwi' naq taawulaq xq'ehil laakamik ut tatq'ajq tatsutq'iiq rik'ineb' laaxe'toonil yuwa', tinxaqab' chi awab'ej jun reheb' laawalal aak'ajol li taa'elq chaq aawik'in, ut tink'e xkawilal li x'awab'ejihom chi junelik.

Deuteronomio 31:16

Toja' naq li Qaawa' kixye re laj Moisés: “K'e reetal, chi seeb' tatq'ajq tatsutq'iiq rik'ineb' laana' laayuwa', ut li tenamit a'in te'xtikib' xmuxb'al rib' rik'ineb' li jalanil yos, xyoseb' li ch'och' toxe'okaq wi'. Tine'xkanab' ut te'xq'et li Sumwank kinb'aanu rik'ineb'.

1 Ts 4:14

Ma ink'a' tab'i' naqapaab' naq li Jesus kikamk ut kiwakliik wi' chik chi yo'yo? Jo'kan naq li Yos tixk'ameb' rik'in li Jesus eb' li xe'kamk sa' xk'ab'a' A'an.

1 Corintios 15:51

K'ehomaq reetal! Ninye eere jun muqmuukil na'leb': moko chiqajunilo ta tookamq, ab'an chiqajunilo toojalano'q.

Isaías 11:10

Sa' li kutan a'an li riyajil laj Jesé taawanq jo' jun eetalil cho'q reheb' li tenamit; chixjunileb' li poyanam te'sik'oq re ut q'axal nimaq xloq'al li na'ajej wanq wi'.

Isaías 9:7

K'ajo'aq li xwankilal, ut li tuqtuukilal maak'a'aq roso'jik sa' li xk'ojarib'aal laj David ut li x'awab'ejihom: a'an taak'ojob'anq re li xwankil sa' xb'een li tiikilal ut li k'ulub'ej chalen anaqwan ut toj chiruheb' li kutan chaalel. Ut a'in taa'uxmanq sa' xk'ab'a' li xnimal xrahom li Nimajwal Yos!

1 Reyes 1:21

Wi maak'a' nakab'aanu chirix a'in, relik chi yaal naq tookamsiiq laa'in ut linyum, naq laa'at tatq'ajq tatsutq'iiq”.

Daniel 12:2

«Naab'aleb' li ak kamenaqeb' te'wakliiq chaq wi' chik chi yo'yo: wankeb' re junelik yu'am, wankeb' chik re wank sa' xutaan ut tojb'amaak chi junajwa.

Salmos 89:29

Tinhoy li wuxtaan sa' xb'een chi junelik ut maajoq'e taasachq sa' inch'ool linsumwank rik'in.

Génesis 15:4

Ab'an li Qaawa' kixye re chi jo'ka'in: “Moko a'an ta taa'eechaninq re, a' b'an li tz'aqal aawalal”.

San Mateo 1:1

Li Jesus, li Kriist, a'an ralal laj David ut ralal laj Abrahán. A'aneb' a'in li xxe' xtoonal.

San Lucas 1:32

A'an nimaq xwankil ut ralal li Nimajwal tixk'ab'a'in. Li Qaawa' Yos tixk'e re li xk'ojarib'aal laj David li xyuwa'.

San Lucas 24:27

Ut kixtikib' rik'in laj Moisés ut chixjunileb' li propeet, kixch'olob' chiruheb' li yeeb'il chirix sa' chixjunil li Santil Hu.

1 Reyes 1:48

ut xye: «Chinimaaq xloq'al li Qaawa', xYos laj Israel, naq chiru li kutan a'in xxaqab' cho'q awab'ej jun reheb' li walal, ut laa'in xwil rik'in wu»”.

1 Reyes 2:4

Chi jo'kan li Qaawa' tixb'aanu li kixyeechi'i we naq kixye: «Wi eb' laawalal tine'xpaab' anchaleb' xch'ool ut anchaleb' raanm, wi chaab'il te'wanq ut tiikaqeb' xch'ool, junelik eb' laawalal te'wanq sa' li k'ojarib'aal chi rawab'ejinkileb' laj Israel».

1 Reyes 5:5

Jo'kan naq twaj xkab'lankil li rochoch li Qaawa' linYos, jo' chanru kixye re laj David linyuwa': «A' laawalal li tinxaqab' chi awab'ejink sa' laak'ojarib'aal, a'an taakab'lanq re li ochoch sa' ink'ab'a'», chan.

1 Reyes 8:15

ut kixye: “Loq'oninb'ilaq taxaq li Qaawa', xYos laj Israel, li xb'aanu li kixyeechi'i re laj David linyuwa' naq kixye:

1 Reyes 8:19

Ab'anan maawa' laa'at tatkab'lanq re li ochoch a'an, jun b'an aawalal li siyanb'il aab'aan: a'an taayiib'anq re li ochoch sa' ink'ab'a'», chan.

1 Reyes 9:5

laa'in tink'ojob' chi junajwa laawankilal sa' xb'eeneb' laj Israel, jo' kinyeechi'i re laj David laayuwa' naq kinye: «Junelik taawanq junaq aawalal li taak'ojlaaq sa' li xk'ojarib'aaleb' laj Israel».

2 Reyes 8:19

Ab'an li Qaawa' ink'a' kiraj xsachb'al ruheb' laj Judá, sa' xk'ab'a' laj David laj k'anjel chiru, xb'aan naq kixyeechi'i re naq wanq junaq xsaqenk lochlooq chiru chi junelik.

2 Crónicas 1:9

At Qaawa' Yos, anaqwan b'aanu li k'aru xayeechi'i re laj David linyuwa', xb'aan naq xinaaxaqab' cho'q awab'ej sa' xb'een jun li tenamit q'axal nim: naab'aleb' jo' li xpojtz'il li ruuchich'och'.

2 Crónicas 13:5

Ma ink'a' nekenaw naq li Qaawa', xYos laj Israel, kixk'e xwankil laj David sa' xb'een Israel chi junelik? Kixb'aanu jun sumwank rik'in a'an ut rik'ineb' li ralal xk'ajol, ut kixxaqab' xwankil li sumwank rik'in atz'am.

2 Crónicas 21:7

Ab'an li Qaawa' ink'a' kiraj xsachb'al ru li xjunkab'al laj David sa' xk'ab'a' li sumwank kixk'ojob' rik'in laj David, xb'aan naq kixyeechi'i re jo'wi' reheb' li ralal xk'ajol naq wanqeb' junaq xsaqenk lochlooq chi junelik.

2 Crónicas 23:3

Jo'k'ihaleb' li ch'utch'uukeb' aran ke'xk'ojob' jun li sumwank rik'in li awab'ej sa' rochoch li Yos. Ut laj Johadá kixye: “Waye' li ralal li awab'ej! A'an li taa'awab'ejinq, jo' kixye li Qaawa' chirixeb' li ralal xk'ajol laj David.

2 Samuel 22:51

“Nakatenq'a li awab'ej chi q'axok u, k'ajo' naq nakak'ut laarahom chiru li sik'b'il ru aab'aan, a' laj David ut eb' li ralal xk'ajol chi junelik”.

1 Reyes 2:10

Laj David kiq'ajk kisutq'iik rik'ineb' li xna' xyuwa' ut kimuqe'k Jerusalén sa' li xtenamit.

2 Crónicas 6:9

Ab'anan maawa' laa'at tatkab'lanq re li ochoch a'an, jun b'an aawalal li siyanb'il aab'aan: a'an taayiib'anq re li ochoch sa' ink'ab'a'», chan.

2 Crónicas 6:15

Xab'aanu li kayeechi'i re laj David linyuwa': kaye chi aatin, ut anaqwan xab'aanu rik'in laawuq'.

Jeremías 33:17

“Laa'in, li Qaawa', ninye naq junelik taawanq junaq ralal laj David li taak'ojlaaq chi awab'ejink sa' xb'eeneb' laj Israel.